Nodi Khoje Hatimare Mae Jiu 63:8 - Buka Blahi Ka Cheke Holo

⁸ Gaoghathogure iara loku famaku ka iagho, eigna khame nhetamu iagho na loku famaku ghau iara.

Nodi Khoje Hatimare Mae Jiu 63:8 ပူးပေါင်းရင်းမြစ်များ

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Nodi Khoje Hatimare Mae Jiu 18:35

God, iagho fakarhi ghau iara ka khamedi naoka gre. Iagho pophoru ghau iara ka nou greoreo iagho ana. Iagho loku haghedi khamegu gre mala kegra heta iara. Kate cheke tughuni iagho nogu thore iara na, iara na fnakno ka tathadi naikno gre.

Nodi Khoje Hatimare Mae Jiu 73:23

Neubane eghu ngau, iagho theome tei koko ghau iara, iagho batu ghau iara jateula mae te loku ka khamegna thugna na ia eghu.

Nodi Khoje Hatimare Mae Jiu 37:24

Neuba mana ne uka, mana na theome thuru fabrahu pari, naugna Lord ginauna na loku ka khamegna na nake korho hagheni mana.

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Nodi Khoje Hatimare Mae Jiu 94:18

Lord God, kate eha eghu iara na, “Iara gne la namo lehehi,” nu naugna te biꞌo fara iagho nou namha na, iara gne theome tangomana te lehe na.

Nodi Khoje Hatimare Mae Jiu 73:25

God iagho te au teu kligna, kaisei iagho ngala te rouronu nigho iara na. Eigna iagho ngala nogu God iara na, iara theome magnahagheni kaisei glepo ka nauthoglu igne.

Nodi Khoje Hatimare Mae Jiu 41:12

Iagho ginauna na togho ghau iara, eigna te eni iara unha te doglo na. Iagho ginauna na loku ghau iara mala au fabrahu balumu.

Kolose 1:29

Te mala eni igne na iara loku heta fara. Iara loku heta, eigna iara loku ka nolaghi teke tusu ranghi ghau mae Kraes.

Matiu 11:12

Kau narane te funu farirhiu mae Jone Apublahi te ghilei mei posa gognarona keha mae Jiu neke fariuriu fara ka magra biꞌo ka mae Rom mala fufunu haghe kau nauthoglu igne narane God nate funei frunidi nogna naiknore.

Profet Isaia 26:9

Leuleghu bongi na, iara magnahaghei nigho fara, eghuteuna hamerane na, tharungagu iara na magnahaghei te au balumu iagho. Kate fateni iagho naiknogna nauthoglu igne, mare ginauna laseni puhimu iagho te doglo na.

Fapea Kronikols 31:21

Ka gloku te gnafa te edi King Hesekaea te toghoni nogna Sugablahi Lord na igre nei leghu fakelidi nogna vetula nei nogna cheke teu Lord re, mana hironi nogna God na nei mana thofno kelitagna fara te eni gloku igne. Naugna igne gobigna lepo te edi mana re thofno keli fara.

Luku 13:24

“Fariuriu fara mala ruma ka grengatha te gobro na mala tei ka nabrougna kligna na. Naugna te chekeni iara ka ghotilo na, kmana naikno ginauna fariuriu ruma jare, nu mare ginauna theome tangomana.

Famane Khoje 3:2

Aonu iara kegra haghe ne tei hironi kheragu na heva heva ka nabrou nei ka glalaba gna namono na. Iara hironi kheragu te namhani iara na nu iara theome tangomana te deni.