Nodi Khoje Hatimare Mae Jiu 63:3 - Buka Blahi Ka Cheke Holo

³ Nou namha iagho na thofno biꞌo fara salaꞌuni nauthoglu igne, tutuani fara, biꞌo salaꞌudi thua nafnata fateo te au ka nakarhagu iara gne. Naugna igne iara magnahaghei te cheke fakeli nigho.

Nodi Khoje Hatimare Mae Jiu 63:3 ပူးပေါင်းရင်းမြစ်များ

Nodi Khoje Hatimare Mae Jiu 69:16

Lord God, eigna iagho namha ghau iara fara, cheke tughu mei ranghi ghau. Iagho kokhoni ni fara naikno na, eghume iagho filo mei ghau iara.

Nodi Khoje Hatimare Mae Jiu 51:15

Lord, togho ghau iara mala cheke eigna iara magnahaghei te cheke fakeli nigho na.

Filipae 1:23

Thono ninhigrana ranghi ghau iara te vavahi ka phei nabrou igre. Iara magnahagheni fara te jifla kokoni u nauthoglu igne mala au balugna mae Kraes, naugna tuana ngala glepo ulu te magnahagheni iara na.

Hibru 13:15

Eghume tahati tangomana te kilo fnaknoni God fabrahu ka unha teke eni mae Jisas. Eghume noda kilo fnakno tahati na jateula kaisei fafara te fafara ka God ia eghu. Eghuteuna tahati fafara ka God kate toutonuni nanghagna mana balu gleale'a.

Nodi Khoje Hatimare Mae Jiu 30:5

Mana diꞌatagna katha vido kmoꞌei kolho, nu puhigna mana te keli na au fabrahu ghilei ari gnafa nakarhagna naikno na. Fei grafi na tahati na tanhi nei diꞌanagnafa eghu, eghuteuna fei hamerane na tahati na keli nagnafada nei ke glealeꞌa fapulo eghu.

Ululahu Korin 6:20

naugna God neke foli fapulo ghamihi ka nakhibo mala fasnagla ghami. Eghuteuna tabagna teke foli ghami ghotilo na biꞌo fara. Eghume thinimi ghotilo re mala kilo fnaknoni God kolho.

Letas Teke Riso Tei Mae Pol Ka Khiloau Rom 12:1

Eghume kheraguro, naugna God ne kokhoni ghami fara, iara tore ghami te mala lisa lao nakarhami are jateula kaisei fafara eghu ka God. Kaisei fafara te karha nei blahi te kelitagnani God. Igne thofno puhi te mala tufru soruni God ghotilo na.

Letas Teke Riso Tei Mae Pol Ka Khiloau Rom 6:19

Iara cheke kau cheke naba igne eigna “mae sneka” te kafe laseni ghotilo, eigna gaoghathomi ghotilo re theome krepa. Tifa na, ghotilo neke snakredi vido thinimi fateo are mala nogna mae sneka puhi te diꞌa nei nafnata glepo te diꞌa tulao. Nu gognaro na ghotilo lisa lao vido thinimi fateo are mala nogna mae sneka puhi te doglo nei glepo te blahi eghu.

Nodi Khoje Hatimare Mae Jiu 30:12

Nogu Lord, iara gognaro na theome tangomana te fofotho foflogu na. Iara ginauna na koje mala kilo fafnakno nigho. Iara ginauna tegio nigho fabrahu tifa tifa.

Profet Hosia 14:2

Ghotilo mala ke pulo mei ka Lord, eghuteuna ghotilo tangomana te tarai eghu ka mana, “God, iagho tangomana te hata kokodi nakhibomi ghehati gre, eghuteuna jateula nomi fafarai teu ghehati na, ghehati ginauna na cheke fakeli nigho.

Ululahu Jone 3:2

Uve kheraguro, gognaro na tahati goro thugna God, nu tahati theome laseni jateula unha teu thogheiro na. Nu tahati laseni kate thakle mei mae Kraes na, tahati ginauna na jateula mana. Naugna tahati ginauna na thofno filoni mana.

Nodi Khoje Hatimare Mae Jiu 66:17

Iara neke toreni mana mala togho ghau, nei cheke fakelini nei pala hagheni eghu nanghagna mana na ka khoje.

Nodi Khoje Hatimare Mae Jiu 21:6

Iagho fablahini mana fabrahu tifa e tifa. Mana thofno glealeꞌa fara naugna iagho ne au balugna mana.

Nodi Khoje Hatimare Mae Jiu 4:6

Lord, kmana naikno tarai eghu, “God filo mei ghami. Ghehati magnahaghei nomi kmana glepo te keli ka iagho.”

Eksodas 33:18

Eghuteuna Moses neke tore, neke cheke eghu ka Lord, “Lord, iara magnahaghei nigho iagho fara te fakakhana ka iara siasigla gna nou nolaghi biꞌo iagho na.”

Nodi Khoje Hatimare Mae Jiu 42:2

God, iagho God te karha, iara magnahaghei nigho iagho fara jateula mae ihei te moja graragna na te magnahaghei koꞌura eghu. God, niha nau te mala ari iara te mala kegra ke ulumu te mala tarai na?

Nodi Khoje Hatimare Mae Jiu 68:25

Mae te koje re tei ke leghumu iagho, eghuteuna ke leghudi mare na hatimare mae nifu. Aonu goro gaꞌase ne koje falithuidi mare ne ruma ka Sugablahi na re.

Nodi Khoje Hatimare Mae Jiu 96:6

Naikno te gnafare laseni te au nolaghi nei King teu mana na. Uve, thua nafnotu fateote'o te au ka Sugablahi na re nogna mana, fagaglana gna te heta nei keli fara teu nogna nolaghi mana na.