Nodi Khoje Hatimare Mae Jiu 63:2 - Buka Blahi Ka Cheke Holo

² Iara magnahaghei te ari te filo nigho ka sugamu na, mala laseni iara nou nolaghi biꞌo nei nafnakno teu iagho na.

Nodi Khoje Hatimare Mae Jiu 63:2 ပူးပေါင်းရင်းမြစ်များ

Nodi Khoje Hatimare Mae Jiu 27:4

Iara la torenihi kaisei glepo ka Lord, kaisei glepo kolho te magnahagheini fara iara na. Iara magnahaghei te au fabrahu ka sugagna Lord na mala filoni nei ghaoghathoni eghu puhigna Lord te thofno keli fara na. Eghuteuna iara magnahaghei te toreni mana mala falalaseni tagu u nabrou te keli na.

Nodi Khoje Hatimare Mae Jiu 105:4

Tahati ari namo ka Lord mala togho ghita mana, nei mala pogho soruni mana fabrahu.

Nodi Khoje Hatimare Mae Jiu 96:6

Naikno te gnafare laseni te au nolaghi nei King teu mana na. Uve, thua nafnotu fateote'o te au ka Sugablahi na re nogna mana, fagaglana gna te heta nei keli fara teu nogna nolaghi mana na.

Ululahu Kronikols 16:11

Tahati filo ka Lord mala togho ghita, eghuteuna tahati tarai fabrahu ka mana.

Nodi Khoje Hatimare Mae Jiu 145:11

Iagho mae King, naikno gre ginauna toutonu eidi glepo te keli teke edi iagho ra, nei mare ginauna na jaola toutonuni nou nolaghi biꞌo iagho na.

Nodi Khoje Hatimare Mae Jiu 134:2

Ghotilo ruma mei ka nogna Sugablahi mana igne mala ngafa haghe khamemi are balu tharai nei kilo fnaknoni mana eghu.

Nodi Khoje Hatimare Mae Jiu 78:61

Mana neke snakredi mae naokare neke mei atha Bokis Blahi Nhaꞌa Cheke na. Bokis igne kaisei fagaglana gna nogna nolaghi God na.

Nodi Khoje Hatimare Mae Jiu 68:24

God, iagho nogu king iara, naiknore filo nigho te ulunihi iagho magra igne. Eghuteuna naiknore filo nigho iagho te tei ruma iagho ka nou suga te blahi na.

Profet Isaia 60:13

Mare ginauna tei ka namhata biꞌo Lebanon mala hata mei famane gaju paen, junipa nei saepras mala ke horo fapulo Jerusalem, nei mala ke famane hohoro fakeli nogu Sugablahi iara igne.

Nodi Khoje Hatimare Mae Jiu 5:4

God, iagho theome glealeꞌadi puhi te diꞌare. Naikno te edi puhi te diꞌa igre theome nabadi te au balumu iagho na.

Nodi Khoje Hatimare Mae Jiu 42:3

Leuleghu fata na nogu naoka iara gre cheke eghu koba ka iara, “Ahevau nou God iagho na?” Aonu iara loku kolho ka natanhi na. Kholodi phei tathagure ngala te jateula ghegu gano teu iara bongi narane na.

Nodi Khoje Hatimare Mae Jiu 43:4

Eghume iara ginauna tei ka nou olta mala fafara. Nogu God, iara ginauna hata gita mala koje balu kilo fnaknoni nanghamu na. Uve, iara thofno glealeꞌa fara naugna iagho ne toghodi nou naiknore.

Profet Jeremaea 31:14

Mare ginauna atha mei kmana gano ka iara, eghume mae pris ginauna au ghedi kmana gano te keli. Eghuteuna iara ginauna toghodi nogu naiknore mala gleale'a ka glepo te keli nate tusu ranghidi iara re.” Igne cheke gna Lord.