Nodi Khoje Hatimare Mae Jiu 62:9 - Buka Blahi Ka Cheke Holo

⁹ Naikno gre jateula nuinuri te jifla mei ka foflogna naikno na nu tei la dofini la teu ia eghu kolho. Naikno te fnakno nei fiti naikno kolho teugre kaisei nanaba ngala, kafe theo nafudi kolho ka tathagna God. Jame fagefe haghedi ghotilo ka skel meuna, mare na jateula nuri eghu theome tahu kolho.

Nodi Khoje Hatimare Mae Jiu 62:9 ပူးပေါင်းရင်းမြစ်များ

Nodi Khoje Hatimare Mae Jiu 39:5

Iagho lilisei fakmoꞌei kolho nakarhagu iara na. Nakarhagu iara na theo nafugna kolho ka tathamu iagho na.

Profet Isaia 40:17

Ka tathagna God na kantri te gnafa ka nauthoglu na igre jateula te theo nafudi eghu kolho. Uve, ka mana na, naikno te gnafa gre jateula glepo te theo nafudi kolho tutuani fara.

Profet Isaia 40:15

Ka God na kantri te gnafa ka nauthoglu na igre jateula glepo te theo nafudi eghu kolho. Uve, kantri te gnafa igre jateula kaisei natro khoꞌu eghu kolho, eghuteuna moumolu te gnafa igre jateula gaughavu glose eghu kolho.

Nodi Khoje Hatimare Mae Jiu 118:9

Theome keli naiknore te rouronu kolho ka hatimare mae funei. Te keli na mare rouronu ka Lord.

Nodi Khoje Hatimare Mae Jiu 39:11

Kate diꞌatamu fara iagho ka mae ihei te tapla jafra ka nakhibo na, iagho fadidiꞌa unha te magnahaghedi fara mana re, jateula gnata te ghamu fadidiꞌa gobigna lepo ra eghu. Tutuani fara, nakarhagna nafnata naikno igne ghosei ari gnafa kolho.

Letas Teke Riso Tei Mae Pol Ka Khiloau Rom 3:4

Theo fara. Neubane chaghi naiknore, God ginauna tutuani fabrahu ka unha te chekedi mana re, jateu te chekeni ka grioriso te blahi na, “God, te chekeni iagho kate tapla jafra ghehati ka nakhibo na, ghehati laseni nou cheke iagho na thofno doglo fara. Eghuteuna kate ghaoghatho mala fate nigho teuna, naiknore ginauna filo glani nigho te doglo fabrahu iagho na.”

Fapea Samuel 15:31

Kate nomhini king te tei mae Ahitofel te toghoni mae Absalom igne, mae Devet ne tarai eghu, “Lord God, iagho figri nogna farirhiu mae Ahitofel igne mala fameomekro kolho!”

Fapea Samuel 15:6

Mana eni igne ka naikno te gnafa Israel te magnahaghei mei filoni king mala fadoglini tagna nogna puhi na teuna. Ka puhi igne mae Absalom figri nagnafadi kmana di Israel mala leghuni thegna.

Ululahu Samuel 23:12

Aonu Devet ne tarai eghu, “Mae biꞌodi Keila igre ginauna snakre lao ghau iara baludi nogu mae soldia gre ka khamegna Sol?” Eghuteuna te chekeni Lord ka mare na mare ginauna eni igne.

Ululahu Samuel 18:5

Mae Devet tangomana te uludi vido te gnafa aheva mala tei magra mana teu king te kuru teini mana na. Aonu king ne vahini mana mala kaisei nogna mae komanda. Hatimare mae soldia baludi keha mae komanda ka armi igre mare ne keli tadi fara ka puhi igne.

Jone 19:15

Mae Jiu gre ne eha eghu ka mae Paelat, “Atha tei mae tuana delei! Faleheni mae tuana! Tupijuruni mae tuana ka gaju fafatha!” Mae Paelat ne cheke eghu ka mare, “Tore, ghotilo magnahaghei ghau iara te tupijuruni nomi king gne sia?” Hatimare mae pris ulu re ne cheke eghu ka mae Paelat, “Mae tuana theome nomi king ghehati. Nomi king ghehati na kaisei mae Sisa ngala!”

Matiu 21:9

Aonu kehare tei ke ulugna mae Jisas. Eghuteuna kehare mei ke leghugna mana. Mare kafe thagru, ne cheke eghu, “Hosanna! Kilo fnaknoni vikegna mae Devet!” “God fablahini mana te mei ka nanghagna Lord!” “Kilo fnaknoni God te au kligna!”

Profet Daniel 5:27

“Skel teu igne gaoghathogna na, God neke nhaꞌa lao nigho iagho ka skel na iagho te theome nabamu te mala funei ka kantri igne na.

Ululahu Samuel 18:7

Kate ragi na, rehati koje ne cheke eghu, “King Sol neke aknu falehe kaisei thogha, nu mae Devet neke aknu falehe nabotho thogha.” Kate nomhini khoje igne, King Sol ne thono diꞌatagna fara. Mana ne cheke eghu ka gaoghathogna na, “Rehati kojeni iara aknu falehe kaisei thogha, nu mae Devet aknu falehe nabotho thogha ke salaꞌugu iarai. Jau mare ginauna na theome raugha vahini mana mala king!” Mae King Sol ne figri tagruni mae Devet neu gaoghathogna na ne thono goghotuni fara mae Devet.

Ululahu Samuel 1:15

Nu naꞌa ne cheke eghu, “Mae biꞌo, iara theome dranga. Iara theome ko'u waen ba beer. Iara diꞌa nagnafagu fara, eghume iara tarai ka Lord. Iara cheke fajifladi unha te fadiꞌa nagnafa ghau gne.

Fapea Kings 19:14

Mare ne tusu lao letas igne ka King Hesekaea, aonu mana ne iuꞌiju letas igne. Kate gnafa iuꞌiju na, mana hata ne tei letas igne ka Sugablahi na ne feferha ke ulugna Lord.

Nodi Khoje Hatimare Mae Jiu 46:2

Eghume, neubane nghali nauthoglu igne ka nakheu, neuba ne diha soru thogele biꞌo igre lamna nhorora, tahati theome tangomana te mhaghudi gobigna lepo te thoke mei ka tahati gre.

Nodi Khoje Hatimare Mae Jiu 71:7

Leuleghu fata na nakarhagu iara gne ngala kaisei te mala filo leghuni naiknore, naugna iagho ngala nogu vido keli te mala poru iara na.

Nodi Khoje Hatimare Mae Jiu 142:3

Kate glaꞌe soru iara gaoghathogu na iagho laseniu puhi mala teke farerheta fapulo ghau iara na. Hatimare mae naoka gre mare la kulu roghe nodihi te mala goigoni ni u nakarhagu iara na.

Profet Isaia 26:4

Tahati mala rouronu ka Lord fabrahu, naugna Lord na jateula noda Thina rheta mala poru eghu tahati, eghuteuna mana ginauna au fabrahu tifa tifa.