Nodi Khoje Hatimare Mae Jiu 62:4 - Buka Blahi Ka Cheke Holo

⁴ Ghotilo jame magnahagheni kolho te tapla soru ghau iara te mala diꞌa iara nanghagu na. Tutuani fara, ghotilo magnahaghei fara te cheke chaichaghi na eigu iara ka keha naiknore, nu kate au balugu iara na nomi cheke ghotilo re e thofno keli fara. Ghotilo chekedi cheke te keli fara ka naiknore. Nu ka gaoghathomi ghotilore cheke eghu meu agne eghu, “Tahati magnahagheni kaisei fogra biꞌo te thokeni mana.”

Nodi Khoje Hatimare Mae Jiu 62:4 ပူးပေါင်းရင်းမြစ်များ

Nodi Khoje Hatimare Mae Jiu 55:21

Nogna chekere mamahe fara jateula suka eghu, nu gaoghathogna mana na theome magnahaghei kaisei naikno te cheke faparini, eghuteuna nogna cheke igre fagano salhu jateula sedi eghu mala au kmu naiknore. Nu nogna cheke mana igre fagoreho ghami ghehati jateula naflahi te fnonu eghu.

Nodi Khoje Hatimare Mae Jiu 28:3

Kate fatedi iagho naikno te diꞌa puhidire, eidi glepo te diꞌa teke edi mare re, iagho thosei kaha fodu ghau iara baludi mare. Mare lase cheke famaemahe fara ka keha naiknore, nu gaoghatho te diꞌa na fodu ka nagnafadire.

Nodi Khoje Hatimare Mae Jiu 5:9

God, nogu naoka iara gre nodi chekere theome tutuani kolho. Unha te ghathoni mare na mala goigonidi keha naiknore kolho. Nodi chekere famane mamahe fara jateula suka eghu. Nu thiꞌadire fodu ka saosagro nei falehe naikno eghu.

Letas Teke Riso Tei Mae Pol Ka Khiloau Rom 7:22

Ka nagnafagu iara na, iara keli tagu ka nogna vetula God na nei iara magnahaghei te leghuni vetula na.

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.

Letas Teke Riso Tei Mae Pol Ka Khiloau Rom 1:32

Mare lasenihi nogna vetula God na la cheke eidihi iheire te edi glepo igre, mare nabadi na mala lehe kolho. Neuba, naiknore heta ghedi fara ka puhi te diꞌare, nei jaola keli tadi ka keha naikno te edila puhi te diꞌare.

Nodi Khoje Hatimare Mae Jiu 52:3

Iagho theome magnahagheni puhi te keli na. Nu iagho magnahagheni kolho puhi te diꞌa na. Iagho theome magnahagheni te chekeni unha te tutuani na. Nu iagho magnahagheni kolho puhi te cheke chaichaghi na.

Jone 8:44

Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.

Luku 20:20

Naugna igne, mare ne ofoni thofno narane te mala lokini mana na. Aonu mare ne folidi keha mae mala chaghi nei ghusna keha gusna, nei saosagroni mana eghu mala tangomana mare te snakre laoni mae Jisas ka nogna nolaghi mae gavana.

Luku 11:39

Mae Jisas ne cheke eghu ka mana, “Ghotilo mae Farasi gre nanga nomini kolho te mala fagagae ke kosidi kapu nei tapera teu gre. Nu ke lamnadi nagnafamire, ghotilo fodu ka mamagna nei gaoghatho te diꞌa.

Matiu 27:1

Hamerane boibongi, hatimare mae pris ulu nei hatimare mae biꞌo teu igre ne kafe roghe mala faleheni mae Jisas.

Matiu 22:23

Ka narane tuanala keha mae Sadiusi ne mei ka mae Jisas. Mae igre theome fatutuani ni karha fapulo na. Mare mei ne ghusna eghu ka mae Jisas,

Matiu 22:15

Hatimare mae Farasi ne tei kokoni vido te farirhiu mae Jisas igne. Mare hara phoge mala saosagroni mae Jisas baludi kaisei gusna.

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Profet Hosia 7:3

Lord ne cheke eghu, “King balugna nogna tothoghei funei na keli tadi fara kate filodi unha glepo te diꞌa nei nomhidi thoutonu chaichaghi eghu te edi naiknore.

Proveb 13:5

Mae te doglo na theome magnahaghei te edi thua nafnata cheke te chaichaghi re. Nu mae te lase chaichaghi na mana tangomana te famamaja ikno na.

Nodi Khoje Hatimare Mae Jiu 119:163

Iara tirogudi fara nafnata puhi chaichaghi fateote'o re, nu iara magnahaghedi fara nou famane farirhiu iagho re.

Nodi Khoje Hatimare Mae Jiu 51:6

Iagho magnahagheni fara naikno te cheke kate tutuani na. Eghume, iara magnahaghei nigho iagho te fafodu mei gaoghatho te keli ka iara.

Profet Isaia 30:13

Ghotilo la tapla jafrahi ka nakhibo, eghuteuna nakhibo na jateula kaisei bara thina eghu theome tangomana te fakarhi ghami ghotilo na, nu jare na au kaisei khora biꞌo tarabanau te mala snoꞌo ghotilo tagna na.