Nodi Khoje Hatimare Mae Jiu 62:10 - Buka Blahi Ka Cheke Holo

¹⁰ Thosei cheke eghu ka gaoghathomire, “Puhi te magra nei puhi te blau teugre ngala puhi keli fara, eigna tahati na dedei noda fara.” Eigna neubane dedei ghotilo ba ne fnakno ghotilo, u dedei nei nafnakno teu tuare ginauna theome fakarhi ghami ghotilo, eghume ghotilo thosei rouronu ka glepo igre eghu.

Nodi Khoje Hatimare Mae Jiu 62:10 ပူးပေါင်းရင်းမြစ်များ

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Profet Jeremaea 17:11

Ihei te atha sileni ka puhi te theome doglo na, mana jateula nanghaji te blau nakredi ka keha nanghaji na te lilisei ka nogna gnoku thegna na ra eghu. Nogna dedei mana igre ginauna hui kate mae majaghani teu mana na. Eghuteuna leghulahugna mae igne ginauna laseni te nogna gaoghatho naikno na thono fameomekro fara kolho.

Ululahu Timoti 6:10

Magnahaghei sileni biꞌo na u glathigna puhi diꞌa fateote'o. Keha naiknore jifla kokoni khiloau gne naugna mare magnahaghei sileni biꞌo. Nu mare khogla fadiꞌa nagnafadi nei paradi eghu kolho thedi.

Profet Isaia 61:8

Lord ne cheke eghu, “Iara Lord magnahagheni fara puhi te doglo na, nu iara tiroguni fara puhi te blau, ba te edi puhi te diꞌa. Naugna puhigu iara na thofno doglo fara, iara ginauna fablahidi nogu naiknore. Eghuteuna iara ginauna eni kaisei nhaꞌa cheke baludi, nhaꞌa cheke igne ginauna au fabrahu.

Nonomho Te Keli Teke Risoi Mae Mak 10:23

Aonu, mae Jisas ne filo lao ka nogna mae fanomhore ne cheke eghu, “Ninhigrana ka naikno te kmana nodi dedeire te au ke baludi naikno God te funei frunidire!”

Profet Isaia 30:12

Nu igne unha te chekeni God te Blahi gna Israel, “Ghotilo tirominihi nogu cheke iara na, eghuteuna ghotilo fatutuanini fara puhi te chaichaghi nei cheke famaemahe teu igne nate togho ghami na.

Thoutonu Eigna Mae Job 20:29

Igne kaisei taba te tarabana teu God te mala tusu lao ka naikno te diꞌa na.”

Thoutonu Eigna Mae Job 20:19

Naugna mana neke theome keli ranghidi kolho naikno te kuma re, eghuteuna mana neke theome kokhonidi, eghuteuna fiti hata kolho nodi suga keha naiknore neku.

Profet Isaia 59:4

Theo kaisei ka ghotilo te fate naikno ka puhi te doglo na. Kate tei ka fate na, ghotilo edi thua nafnata cheke chaichaghi fateote'o. Leuleghu fata na, ghotilo leghudi kolho nomi gaoghatho themi te mala goigonidi keha naiknore.

Profet Isaia 47:10

Te ghathoni iagho na, puhimu te diꞌa tuare ginauna togho nigho mala au rheta, eghuteuna theo kaisei naikno nate filo glanidi unha te edi iaghore eghu. Kmana nou nafnata glalase nei kmana nafnata glepo eghu te fodu ka gaoghathomu na, ne cheke eghu, ‘Iara jateula God eghu, theo kaisei naikno te jateula iara teuna.’

Proveb 23:5

Dedei tuare ginauna kmeri tatha kolho tei dofidi jateula nanghaji te flalo te tei nogna ia eghu.

Nodi Khoje Hatimare Mae Jiu 91:14

Lord neke cheke eghu, “Iara ginauna fakarhidi iheire te namha ghau iara re. Uve, iara ginauna batudi mare, naugna mare ne thofno chekeni te iara ngala Lord na.

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Profet Isaia 28:15

Naugna ghotilo neke chekeni te ghotilo neke eni kaisei nhaꞌa cheke balugna Glehe, eghuteuna ghotilo jaola neke nhaꞌa cheke balugna Beku. Eghume te ghathoni ghotilo na ghotilo ginauna na theome tangomana te lehe na jame te thoke ghami puhi biꞌo na, naugna ghotilo rouronudi nomi cheke chaichaghi nei saosagro teu are nate fakarhi ghami na.

Profet Jeremaea 13:25

Igne puhi biꞌo nate kuru meini iara te mala thoke ghami ghotilo na. Papara igne thofno horoghoto fara, naugna ghotilo ne ghatho iho ghau iara ne fatutuanidi god te chaichaghire.

Nodi Khoje Hatimare Mae Jiu 4:3

Ghatho fakelini si ghotilo cheke igne. Eigna Lord na vavahi naikno te doglo malagna thegna. Eghuteuna ka narane te kiloni iara na, Lord tangomana te nomhi ghau iara na.

Profet Isaia 40:15

Ka God na kantri te gnafa ka nauthoglu na igre jateula glepo te theo nafudi eghu kolho. Uve, kantri te gnafa igre jateula kaisei natro khoꞌu eghu kolho, eghuteuna moumolu te gnafa igre jateula gaughavu glose eghu kolho.

Profet Isaia 40:17

Ka tathagna God na kantri te gnafa ka nauthoglu na igre jateula te theo nafudi eghu kolho. Uve, ka mana na, naikno te gnafa gre jateula glepo te theo nafudi kolho tutuani fara.