Nodi Khoje Hatimare Mae Jiu 62:1 - Buka Blahi Ka Cheke Holo

¹ Leuleghu fata na iara fatutuani ka kaisei God ngala. Eigna kaisei mana ngala te tangomana nate ke hata fapulo ghau iara te mala karha iara na.

Nodi Khoje Hatimare Mae Jiu 62:1 ပူးပေါင်းရင်းမြစ်များ

Nodi Khoje Hatimare Mae Jiu 62:2

Kaisei mana ngala te mala doadofra ghau nei togho ghau teu iara na. Kaisei mana ngala te mala bara fothi ghau iara na. Eghume iara gne theome tangomana te mhaghuni ihei te mei magra ghau nei tapla soru ghau teu.

Lamentations 3:25

Lord na fablahidi iheire te fatutuani ni mana, nei iheire te magnahaghei lase fakelini mana.

Nodi Khoje Hatimare Mae Jiu 33:20

Tahati rouronu ka Lord, mala reireghi ghita nei togho ghita eghu mana.

Nodi Khoje Hatimare Mae Jiu 37:7

Iagho megei gnokrou rhegna Lord. Au kmu ofoniu mana mala togho nigho. Thosei diꞌanagnafamu kate atha nodi kmana glepo te keli ka puhi te edi mae re. Tutuani fara, iagho thosei ngana nou ka mae te ghathodi thua nafnata puhi te diꞌa igre te edi haghe puhi tuare.

Jemes 5:7

Kheraguro, thosei babaꞌo, ghotilo au kmu ofou ke ghilei pulo mei noda Lord. Ghathoni si ghotilo mae te loku ka nagare ia. Kate joꞌu te gnafa nagare na, mana na ofoni meigna nakhete na mala kotu ganore.

Profet Isaia 40:31

Nu iheire te rouronu ka Lord na, ginauna nake rheta fapulo. Uve, mare ginauna flalo ka maloa jateula gaghata eghu. Mare ginauna na lase chari, nu mare na theome tangomana te babaꞌo na. Eghuteuna mare ginauna nolo tei kate khaba, nu mare na theome tangomana te nigra na.

Profet Isaia 12:2

Tutuani! Lord na nogu God iara, eghuteuna mana neke fakarhi ghau iara. Iara fatutuani ni mana, eghuteuna iara ginauna theome mhaghu. Lord na farheta ghau iara, eghuteuna iara tangomana te koje ka mana na. Eghuteuna gognarona mana fakarhi ghau iara.”

Nodi Khoje Hatimare Mae Jiu 40:1

Iara neke ofoni Lord mala mei togho ghau, aonu mana neke kokhoni ghau iara neke nomhidi nogu tharai iara re.

Nodi Khoje Hatimare Mae Jiu 123:2

Iara ginauna na filo haghe fabrahu ka iagho mala ghilei kokhoni ghau iagho. Uve, jateula kaisei mae gloku te filo teu ka nogna mae funei na te mala toghoni ia eghu.

Lamentations 3:38

God mae ihei te haghe fara igne ngala te tangomana te cheke, eghuteuna glepo te keli ba puhi biꞌo teu igre ginau thoke mei.

Nodi Khoje Hatimare Mae Jiu 121:2

Lord neke vuavuha maloa ghe nauthoglu, eghume kaisei mana ngala te tangomana nate togho ghau iara na.

Profet Isaia 30:18

Nu Lord na kokhoni ghami ghotilo. Leuleghu fata na mana eni koba glepo te doglo na. Eghuteuna ihei te fatutuani ni mana na, mana ginauna glealeꞌa nogna fara.

Ululahu Kronikols 25:1

King Devet baludi nodi lida hatimare mae Livaet, mare ne vahini tharaknagna mae Asaf, nei tharaknagna mae Heman nei tharaknagna mae Jedutun mala baubatu ka khoje. Mare neke cheke fakelini God ka gragi nei koje, nei ka belo nei ka thua nafnata gita. Nanghadire igre:

Nodi Khoje Hatimare Mae Jiu 37:39

Lord na tangomana te fakarhidi iheire te au doglore kate thoke mei vido te ninhigrana. Mare tangomana te tei ka mana te mala reireghi fakelidire.

Nodi Khoje Hatimare Mae Jiu 27:14

Tahati mala fatutuani ni Lord, nei thosei ghatho peapea eghu. Tahati mala fatutuani nei ofoni eghu Lord nate mei togho ghita na.

Profet Jeremaea 3:23

Tutuani fara, puhi te tarai tafri ghehati ke kligna thogele igne theome mala togho ghami ghehati. Lord, nomi God, kaisei iagho ngala te nabamu nate fakarha ghami ghehati maemi Israel.

Nodi Khoje Hatimare Mae Jiu 77:1

Iara tanhi fabiꞌo ka God. Iara magnahagheni mana te nomhidi nogu tharai re.

Nodi Khoje Hatimare Mae Jiu 65:1

God, ghehati na haghe ka Thogele Saion mala pala hagheni nanghamu iagho na. Eghuteuna ghehati na edi unha teke mala edi teku teke nhaꞌa chekedi ghehati tifa ra.

Nodi Khoje Hatimare Mae Jiu 39:1

Te chekeni iara na, iara ginauna na reireghi fakelidi unha te edi iara re. Na eghu nu cheke fadiꞌa iara ka nogu chekere eghu. Kate au teu mae te diꞌare rhegui na, iara ginauna na theome gagri kaisei cheke.

Nodi Khoje Hatimare Mae Jiu 25:5

Nogu God, iagho ngala te fakarhi ghau iara na. Eghume, farirhiu ghau mala leghuni iara thofno chekemu na. Iara ofo nigho fabrahu mala togho ghau.

Ululahu Kronikols 25:3

Namno thugna nalhaꞌu mae Jedutun te au ka fapea tothoghei na igre: Mae Gedalaea, mae Seri, mae Jesaea, mae Simei, mae Hasabaea, nei mae Matitaea. Mae igre loku ke parigna mae Jedutun, eghuteuna mare lalahu gita, ragi nei koje mala cheke fakelini Lord nei tegioni mana.