Nodi Khoje Hatimare Mae Jiu 61:7 - Buka Blahi Ka Cheke Holo

⁷ God, iagho tangomana te snakreni mana te mala funei fruni fabrahu ke ulumu iagho. Lord, tore nigho mala bara fothini mana! Naugna te laseni iara na iagho namhani mana nei tajini fabrahu eghu nou nhaꞌa cheke na.

Nodi Khoje Hatimare Mae Jiu 61:7 ပူးပေါင်းရင်းမြစ်များ

Nodi Khoje Hatimare Mae Jiu 40:11

Lord, kokhoni ghau iara koba sagho! Reireghi ghau iara fabrahu! Iara tore nigho iagho te mala eni igne naugna iara lase nigho iagho te namha ghau nei tajini teu fabrahu nou u nhaꞌa cheke na.

Jenesis 24:27

ne cheke eghu, “Iara magnahaghei te cheke fakelini nanghagna Lord, nogna God nogu mae funei iara Ebraham. Iagho ne kokhoni ni fabrahu nogu mae funei iara na ne eni fabrahu unha teke chekeni iagho ka mana na. Lord, iagho batu ghau iara doglo ne mei ka sugadi vikegna nogu mae funei iara na.”

Nodi Khoje Hatimare Mae Jiu 57:3

Mana na au kligna, mana ginauna na nomhini nogu tharai iara na, eghuteuna mana ginauna fakarhi ghau iara. Mana ginauna na famamajadi iheire te magnahaghei mei goigoni ghau iara re. Tutuani fara, God na magnahaghei ghau iara fabrahu, nei theome tei koko ghau iara eghu.

Nodi Khoje Hatimare Mae Jiu 41:12

Iagho ginauna na togho ghau iara, eigna te eni iara unha te doglo na. Iagho ginauna na loku ghau iara mala au fabrahu balumu.

Hibru 9:24

Mae Kraes theome ruma ka suga tapuale teke hohoro kolho ka khame naikno te thotoghale gna kolho chogho aheva te au God na. Theo. Nu mana gognaro na la rumahi kligna ka vido aheva te au God mala cheke ka God eida tahati.

Luku 1:33

Mana ginauna na funei frunidi fabrahu naiknodi Israel re eghuteuna funei fruni te eni mana ranghidi nogna naiknore na theo ka huigna.”

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.

Proveb 20:28

Mae funei te ghatho tahudi nogna naiknore, eghuteuna batudi ka puhi te doglo teuna, mana tangomana te batudi fabrahu nogna naiknore.

Nodi Khoje Hatimare Mae Jiu 43:3

Snakre meidi sagho naphaemu nei thofno chekemu teure. Iara magnahaghedi naphaemu nei chekemu teu gre te mala batu ghau te mala atha fapulo ghau ka sugamu te blahi te au ka nou namono blahi Saion, ka vido aheva te au teu iagho na.

Jenesis 32:10

God, iara nou mae gloku iagho. Iara theome mae keli ka tathamu iagho na, nu iagho neke namha ghau iara nei keli ranghi ghau iara. Kani teke tei kasa iara ka khoꞌu Jordan ia teke tei au balugna mae Laban ia, iara neke theome hata kaisei glepo balugu. Theo. Iara neke louloku kaisei khodo kolho. Eghume iara gognaro na kela pulo mei baludi phei tothoghei igre.

Fapea Samuel 7:26

Eghuteuna naikno te gnafa igre ginauna cheke fakelini fabrahu nanghamu iagho na. Naiknore ginauna eha eghu fabiꞌo, ‘Lord mae ihei te au nolaghi fateote'o igne, mana nodi God mae Israel!’ Eghuteuna vikegu iara nou mae gloku gne ginauna kegra maku fabrahu Israel.

Nodi Khoje Hatimare Mae Jiu 21:5

Mana au nafnakno biꞌo naugna iagho neke toghoni mana mala tapla sorudi mana nogna naokare. Nogna naiknore neke cheke fakelini nei kilo fafnaknoni neku mana.