Nodi Khoje Hatimare Mae Jiu 61:2 - Buka Blahi Ka Cheke Holo

² Iara gne au khaba ka nogu namono na, nei diꞌanagnafagu fara eghu. Eghume iara gne na eha ari ka iagho. Hata ghau tei ka kaisei vido te keli mala poru.

Nodi Khoje Hatimare Mae Jiu 61:2 ပူးပေါင်းရင်းမြစ်များ

Nodi Khoje Hatimare Mae Jiu 18:2

God na jateula nogu bara eghu iara, mala bara fothi ghau fabrahu. Mana tangomana teke hata fapulo ghau iara ka khamedi nogu naokare. Nogu God na jateula kaisei thina biꞌo eghu te mala tei te porudi iara nogu naokare. God na jateula kaisei greoreo eghu te mala tafra iara ka nogu naokare. Mana au nolaghi biꞌo te mala fakarha ghau nei reireghi ghau teu iara fabrahu na.

Profet Isaia 32:2

Mae igre jateula kaisei vido te rheta te mala poru ka nuri nei nakhete teura eghu. Mae igre ginauna na jateula glokha khoꞌu te fura haghe ka namono nagou ra eghu, ba jateula kaisei naungo thina biꞌo te mala poru ka naprai ra eghu.

Nodi Khoje Hatimare Mae Jiu 62:6

Kaisei mana ngala te mala doadofra ghau nei togho ghau teu iara na. Eghuteuna kaisei mana ngala mae ihei te mala bara fothi ghau iara na. Eghume iara gne theome tangomana te nigra ka magra na eghu.

Nodi Khoje Hatimare Mae Jiu 77:3

Kate ghatho laoni iara God na iara ne tanhi, eghuteuna gaoghathogu iara na ne thono glaꞌe fara.

Nodi Khoje Hatimare Mae Jiu 62:2

Kaisei mana ngala te mala doadofra ghau nei togho ghau teu iara na. Kaisei mana ngala te mala bara fothi ghau iara na. Eghume iara gne theome tangomana te mhaghuni ihei te mei magra ghau nei tapla soru ghau teu.

Nodi Khoje Hatimare Mae Jiu 18:46

God, iara lase nigho iagho karha te tifa! Iara te cheke fakeli nigho eigna iagho ne reireghi fakeli ghau iara. Iara pala hagheni nanghamu na eigna iagho ne fakarhi ghau iara.

Diutronomi 4:29

Nu ka keha namonore ghotilo ginauna hironi Lord nomi God. Eghuteuna jame te ghaoghatho fakeli ghotilo ka nomi glalase fateote'o te hironi mana na, ghotilo ginauna tangomana te filo deni mana na.

Nodi Khoje Hatimare Mae Jiu 27:5

Kate thoke mei puhi biꞌo ka iara na, mana ginauna pophoru ghau iara ka nogna suga na. Mana ginauna bobotho grengatha na mala pophoru fakeli ghau iara mala jateula te au teu iara ka phaꞌu thina biꞌo kligna ra eghu mala theome tangomana nogu naoka iara gre te mei te mala roꞌe ghau iara na.

Nodi Khoje Hatimare Mae Jiu 142:3

Kate glaꞌe soru iara gaoghathogu na iagho laseniu puhi mala teke farerheta fapulo ghau iara na. Hatimare mae naoka gre mare la kulu roghe nodihi te mala goigoni ni u nakarhagu iara na.

Nodi Khoje Hatimare Mae Jiu 40:2

Iara gne jateula kaisei mae te au teu ke lamna glodu te mamhara nei ka naoro te fodu ka chopu ra eghu. Nu Lord neke korho haghe ghau iara neke fakegra ghau iara ke tagrugna kaisei thina, eghuteuna iara gognaro na kegrau ka vido te keli.

Profet Isaia 54:11

Lord ne cheke eghu, “Ghotilo naiknomi Jerusalem. Gognarona ghotilo au papara, eghuteuna kmana hoholo thoke ghami ghotilo. Eghuteuna theo kaisei naikno te togho ghami ghotilo te mala ke keli nagnafami ghotilo na. Iara ginauna babana fakeli ghami ghotilo, jateula te atha famane thina te babana famaku nomi namono biꞌo ghotilo igne eghu.

Nodi Khoje Hatimare Mae Jiu 55:5

Uve, iara thono mhaghu nogu fara nei thinigu na thono nigra fara. Namhagu na fapari ghau iara.

Nodi Khoje Hatimare Mae Jiu 143:4

Eghume iara gognaro na namo nigrahila nei jaola la namo gnafahila nogu gaoghatho te kelire.

Nodi Khoje Hatimare Mae Jiu 43:5

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala fakarhi ghau iara!

Nodi Khoje Hatimare Mae Jiu 42:6

Ka vido te au teu iara ke kosigna nogu kantri na, iara gaoghathogu na thono diꞌa fara, eghume gaoghathogu na iara ke ghatho fapulo nigho. Uve, iara ghatho nigho naugna iagho neke togho ghami fabrahu ka namono Israel, ka vido aheva te au Khoꞌu biꞌo Jordan, nei phei Thogele Hemon ghe Misa. Nu gognaro na puhi biꞌo thoke ghau iara jateula galo fari hotei nhorora eghu. Puhi biꞌo igre mei jateula nabritha te mei te knoho iara ra eghu. Tutuani fara, puhi igre mei jateula khoꞌu te jaja soru te oa'ongha fabiꞌo ra eghu, ba jateula fila teura eghu.

Luku 22:44

Mae Jisas ne tarai faheta fara naugna mana ne diꞌanagnafa fara. Eghuteuna buibuhigna mana re ne jateu dadara neu, ne khoko soru ka glose na.

Nodi Khoje Hatimare Mae Jiu 17:1

Lord, iara la khale ka puhi. Fadoglini tagu puhi igne. Fanomhi ghau, nei togho ghau eghu eigna iara theome chaghi.