Nodi Khoje Hatimare Mae Jiu 60:6 - Buka Blahi Ka Cheke Holo

⁶ God na au neu ka Sugablahi na ne cheke eghu, “Iara la ulunihila u magra na, eghume iara ginauna tufa namono Sekem igne nei sare biꞌo Sakot gne eghu ka nogu naiknore.

Nodi Khoje Hatimare Mae Jiu 60:6 ပူးပေါင်းရင်းမြစ်များ

Josua 13:27

Ka glogu Jordan, glose igne tei posadi namono Bet-Haran, nei Bet-Nimra, nei Sukot, nei Safon, nei nohi te gnafa te funei frunidi King Sihon, maegna ka namono Hesbon. Eghuteuna fofotadi glose igre ke mosu na funu ka Khoꞌu biꞌo Jordan tei posa ke raru Kholo Galili.

Jenesis 12:6

mae Ebram balugna nogna vike na ne salaꞌu ne tei ne ghilei posa ka namono Sekem. Jare Sekem ka kaisei vido te kiloi More, au kaisei gaju biꞌo aheva naiknodi Kenan te mala pogho soruni nodi god na. Ka narane tuare naiknodi Kenan re la kulu auhi jare.

Nodi Khoje Hatimare Mae Jiu 89:35

Iara neke nhaꞌa chekehi ka nanghagu te blahi ne, eghume iara theome tangomana te chaghini mae Devet.

Profet Emos 4:2

Lord mae ihei te thofno blahi fara igne, mana neke nhaꞌa cheke eghu, “Tutuani fara, kaisei Narane biꞌo ginauna mei. Ka narane igne, mae naokare ginauna mei korho ghami ghotilo jateula sasa te korho ka thagho ra eghu tei.

Nodi Khoje Hatimare Mae Jiu 119:162

Iara keli tagu fara ka nou cheke iagho te tutuani gre. Uve, iara keli tagu fara, jateula mae ihei teke atha kmana glepo te keli ka vido te uluni magra ra eghu.

Nodi Khoje Hatimare Mae Jiu 56:4

Iara theome tangomana te mhaghu na naugna iara thofno fatutuani ni nogna nhaꞌa cheke God na. Iara cheke fakelini God! Unha glepo gne nate eni naiknore ka iara na? Thono theo fara kheraguro.

Josua 17:7

Nodi rijon vikegna Manase igre funu ka nodi nohi vikegna Asa tei posani namono Mikmetat ke maghati namono Sekem. Nohi igne tei ke mata glokha khoꞌu rhegna namono Tapua, nei nodi glose mare te au ka rijon tuana.

Josua 1:6

Josua, kegra heta! Thosei mhaghu, ba suaraghi. Iagho mala batudi naiknore mala tei ruma haghe ka namono teke nhaꞌa chekehi iara ka kuꞌemi ghotilo tifa ra.

Profet Jeremaea 23:9

Mae Jeremaea ne cheke eghu, “Iara ghathoni Lord eidi nogna cheke te keli nei doglo teu igre, eghuteuna kate ghathodi iara mae profet igre, iara ne thofno diꞌa nagnafagu fara. Aonu iara ne mhaghu nogu fara ne nghali tongana nhubragure. Iara ne jateula mae te koꞌu te salaꞌui ka waen te ghilei fagoigoli ra neu.

Nodi Khoje Hatimare Mae Jiu 132:11

Iagho neke eni kaisei nhaꞌa cheke te theome bligi ka mae Devet te theome tangomana iagho te fakhusui na. Uve, iagho neke nhaꞌa cheke eghu agne, “Iara ginauna vahini kaisei mae thumu iagho mala king, eghuteuna mana ginauna mala funei frunidi naiknore ke leghumu iagho.

Nodi Khoje Hatimare Mae Jiu 89:19

Tifa tifa na, iagho neke mei ka nou mae gloku te kelire neke cheke eghu ka mare ka mifi na, “Iara neke toghoni kaisei mae sitei mala kaisei mae soldia te fnakno fara nanghagna na. Eghuteuna iara neke vahini mana ka mare mala king.

Fapea Samuel 3:18

Nu gognarona nomi narane ghotilo. Lord neke nhaꞌa cheke eghu ka mae Devet, ‘Iara ginauna vahini nogu mae gloku Devet mala fakarhidi nogu naikno Israel ka khamedi mae Filistia, nei ka khamedi mae naoka fateote'o.’ ”

Josua 24:32

Kate jifla Ijep naiknodi Israel tifa igre, mare neke hata nhubragna Josep baludi ne tei giugilui nhubragna mana re Sekem. Mare neke giugiluni mana ka kaisei vido glose teke foli kmagna mana Jekop ka kaisei gobi silva ka vikegna Hamoa mae ihei teke eni namono Sekem. Glose igne kaisei vido ka nodi glose vikegna Josep.

Josua 24:1

Josua ne cheke ka vike te gnafa Israel mala kafe mei ka namono Sekem. Kate thoke mare ka vido igne, mana ne kilodi mae biꞌo nei mae mala baubatu, nei hatimare mae funei, nei mae komanda mala mei kegra ke ulugna nogna Suga Tapuale te Blahi Lord.

Josua 20:7

Aonu naiknodi Israel igre ne vahidi thilo namono mala poru ke mosu Khoꞌu biꞌo Jordan. Nanghadi re Kedes jare Galili te au ka thogele ka nogna rijon Naftali, nei Sekem te au ka thogele ka nogna rijon Efrem, eghuteuna Hebron te au ka thogele ka nohi Juda.