Nodi Khoje Hatimare Mae Jiu 60:4 - Buka Blahi Ka Cheke Holo

⁴ Iagho tusu meihi ka ghehati naikno te ghatho tahu nigho gre u fagaglana te mala rikha te mala theome thafo ghami u puhi biꞌo na.

Nodi Khoje Hatimare Mae Jiu 60:4 ပူးပေါင်းရင်းမြစ်များ

Nodi Khoje Hatimare Mae Jiu 20:5

Eghume, kate uluni iagho magra na, ghehati ginauna eha fabiꞌo balu glealeꞌa. Eghuteuna ghehati na ghathoni igne mala pala hagheni kligna nanghagna noda God. Ghehati na toreni noda Lord mala tusu ranghi nigho gobigna lepo te toredi iagho re.

Profet Isaia 11:12

Lord ginauna lisei haghe flagi igne mala laseni naiknore na teke hata fapulo mana naiknodi Israel ghe Juda te tei au tafri ka vido te gnafa ka nauthoglu igne.

Eksodas 17:15

Kate cheke te gnafa Lord na, mae Moses ne titili kaisei olta mala fafara. Mana ne kiloni olta igne, “Lord na jateula nogu greoreo eghu iara naugna mana neke togho ghau iara neke uludi nogu naoka re.”

Profet Isaia 13:2

Lord neke cheke eghu, “Ghotilo rafe haghe kaisei flagi fagaglana eigna magra ke kligna thogele ka vido te snagla. Ghotilo ehadi nomi soldia ra, eghuteuna eni kaisei fagaglana ka mare mala mei magra ka hatimare mae biꞌodi Babilonia.

Profet Isaia 5:26

Lord ginauna eni kaisei fagaglana ka armi gna kaisei kantri ka keha phile ka nauthoglu igne mala mei. Uve, mare ginauna na ghosei mei!

Famane Khoje 2:4

Iagho tathalei ghau iara mala tei ka suga gaghamu, iagho filo ghau iara fabrahu naugna iagho thofno namha ghau iara!

Profet Isaia 49:22

Lord God ne cheke eghu, “Iara ginau lilisei kaisei fagaglana mala filoni naiknodi keha kantri are mala ke atha ke pulo mei thumi ghotilore.

Profet Isaia 59:19

Lord ginauna mei jateula kaisei nabritha biꞌo ka narane te saeklon ra eghu funu ke maghati tei posa ke mosu. Eghuteuna naikno te gnafare ginauna ghatho tahuni nogna nafnakno nei nogna nolaghi biꞌo teu mana na.

Nodi Khoje Hatimare Mae Jiu 45:4

King, iagho na fnakno fara nanghamu na. Iagho saghe ka hose te tei magra! Iagho ginauna na uluni magra na ka nou nolaghi te biꞌo fara. Eghume, ka puhi igne iagho na kafe toghodi nou naikno te leghudi thofno chekemu te tutuani nei puhimu te thofno doglo fara, nei farirhiudi mala namhadi nei taegodi eghu keha naiknore.