Nodi Khoje Hatimare Mae Jiu 60:3 - Buka Blahi Ka Cheke Holo

³ Iagho thofno para ghami ghehati nou naikno gre fara. Ghehati tei tafri jateula naikno te koꞌu te noinoli ra eghu tafri.

Nodi Khoje Hatimare Mae Jiu 60:3 ပူးပေါင်းရင်းမြစ်များ

Nodi Khoje Hatimare Mae Jiu 71:20

Iagho hata mei puhi biꞌo igre ka iara mala papara iara neku, nu te laseni iara na, iagho nake faheta fapulo ghau iara, eghuteuna iagho theome tangomana te snakre lao ghau iara ka glehe na.

Profet Isaia 51:22

Lord, mae ihei te God nei nomi Funei teu ghotilo igne nate batu ghami ghotilo na. Mana neke cheke eghu, “Iara ginauna atha fadelei kapu te fodu ka diꞌatagu iara te para ghami fara ghotilo igne. Eghuteuna ghotilo ginauna na theome koꞌu ka kapu nate nolo tafri ghotilo balu fameomekro igne.

Profet Isaia 51:17

Dofra haghe ghotilo naiknomi Jerusalem! Ghotilo la koꞌuhi ka kapu te fodu ka diꞌatagna Lord teke tusu ari mana te mala para ghami ghotilo igne. Ghotilo te gnafa na koꞌu la thaviru fara, la nolo fameomekro tafri.

Profet Jeremaea 25:15

Lord nodi God mae Israel igne ne cheke eghu ka mae Jeremaea, “Iagho atha tei kapu te fodu ka diꞌatagu iara igne ka kantri te gnafa aheva nate kuru tei nigho iara na mala koꞌu mare.

Nodi Khoje Hatimare Mae Jiu 75:8

God ne diꞌatagna fara ka naikno te diꞌare. Eghuteuna diꞌatagna God ka naikno te diꞌa igre, jateula waen te thono nheta fara te fodu ka kapu te louloku teu mana ra eghu. Mana ginau totofa waen te nheta igne ka naikno te diꞌare mala koꞌu fahui mare.

Thakle 16:19

Aonu namono biꞌo Babilon na ne fnota ka thilo vido. God ne ghathodi nakhibo te gnafa teke edi naiknodi Babilon re. Aonu mana ne paradi fara naiknore. Eghuteuna keha namono te gnafare ka nauthoglu igne jaola ne phaꞌe soru pari.

Profet Habaku 2:16

Eghume, Lord ginauna na thono diꞌatagna fara ka ghotilo, eghuteuna ghotilo ginauna na jateula naikno te koꞌu te salaꞌui ra na eghu mamaja nomi salaꞌui. Naugna naikno te gnafa igre ginauna na kafe filodi thinimi ghotilo te soesolere. Eghuteuna naiknore ginauna na theome ghatho tahu ghami ghotilo. Mare na filo fapari ghami ghotilo jateula chara te koko naiknora eghu kolho.

Profet Daniel 9:12

Iagho para ghamihi ghehati baludi nomi mae mala baubatu gre, jateula teke chekeni iagho tifa ia eghu. Iagho ngala teke snakreni glepo te diꞌa igne mala goigonini fara namono biꞌo Jerusalem, salaꞌudi keha namono teke goigoni ka nauthoglu igne.

Lamentations 4:21

Ghotilo naiknomi Idom nei Us teura ghotilo glealeꞌa nomi gognaro gne. Nu ginauna puhi biꞌo na thoke ghami ghotilo, eigna ghotilo nolo jateula mae te koꞌu te fagoigoli ra neu, eghuteuna ghotilo mamaja nomi naugna ghotilo ne soesole.

Nehemaea 9:32

“Nomi God, iagho fnakno fara nei au nolaghi biꞌo fateote'o, eghume ghehati mhaghu nomi te mei namo ka iagho na. Leuleghu fata na iagho tajini nou nhaꞌa cheke na neke ghatho tahu ghami ghehati. Funu ka narane teke mei king di Asiria teke goigoni ghami ghehati te ghilei mei posa ka narane gognarogne, ghehati au papara fara. Nomi king, nomi lida, nomi pris, nomi profet, nei kuꞌemi teku ghehati tifa ra, ghehati te gnafa na neke kafe au papara fara. Eghume puhi biꞌo igne theome tei koko ghami ghehati ghilei mei posa gognarogne.

Nodi Khoje Hatimare Mae Jiu 80:4

Lord God, ka iagho ngala te au nolaghi fateote'o na. Niha fata diꞌatamu nei tirou cheke tughudi eghu sagho nomi tharai ghehati grea?

Nodi Khoje Hatimare Mae Jiu 80:8

Iagho neke atha fajifla ghami Ijep, eghuteuna iagho neke ngolhi fajifladi naiknodi keha kantri are. Aonu gognaro na iagho snakre ghami ghehati mala khotogna nodi namono mare Kenan.

Nodi Khoje Hatimare Mae Jiu 85:5

Ba? Iagho na diꞌatamu fabrahu ka ghehati sia? Ba? Diꞌatamu iagho ka ghehati gne na theome gnafa signea?

Nodi Khoje Hatimare Mae Jiu 89:39

Iagho la theome leghunihi u nhaꞌa cheke teke eni iagho ka nou mae gloku gne. Iagho jateula te hata nogna khepi mana na te koko lao ka chopu ra eghu kolho.