Nodi Khoje Hatimare Mae Jiu 60:2 - Buka Blahi Ka Cheke Holo

² Iagho neke fakheudi glose au teu ghehati gre, gognaro na la bagra la khora biꞌo. Glose gne la diꞌa, ke fakekheli fapulo sagho.

Nodi Khoje Hatimare Mae Jiu 60:2 ပူးပေါင်းရင်းမြစ်များ

Fapea Kronikols 7:14

Nu jame te nhaꞌa fapari ghami themi ghotilo nogu naikno iara ra, eghuteuna koko ghotilo puhimi te diꞌare, eghuteuna tarai mei ghotilo ka iara teuna, neubane au neu iara kligna, iara ginauna nomhi ghami ghotilo. Eghuteuna iara ginauna hata fadelei nakhibomi ghotilo re, eghuteuna iara ginauna eni glose igne mala ke keli fapulo.

Profet Hosia 6:1

Naiknore na cheke eghu, “Tahati nake figri ka Lord. Eigna mana ne snakre mei ka tahati fogra biꞌo igne mala thoke ghita tahati, nu mana tangomana te fagnafani fogra ka tahati. Mana kolho teke nhaꞌa mei thubu igne, nu mana tangomana na teke fakeli ghita tahati na.

Profet Isaia 30:26

Fei bongiro na glaba gne ginauna phae jateula naprai eghu, eghuteuna fei narane na, naprai gne ginauna brana salaꞌuni fitu fata. Glepo igre ginauna thakle mei kate fakeli fapulodi Lord thubu teke paradi mana nogna naiknore.

Profet Esikiel 34:16

Iara ginauna tei hirodi nogu sipu te snivi ra, teke tei jafra ra, teke tei tafri kolho ra, eghu mala ke pulo mei reꞌe. Eghuteuna iara ginauna nake pipiha thubu teke fnera ra mala tangomana reꞌe teke keli fapulo na eghuteuna teke nigra ra ginauna nake nheta fapulo. Nu iara ginauna aknu falehe te blokha nei nheta teu igre, naugna iara mae mala reireghi sipu ka puhi te doglo.

Profet Jeremaea 48:38

Heva heva ke lamna kantri, naiknore tanhi tafri ke lamna suga, ba ke lamna glalaba. Naugna iara ne goigonini Moab, jateula suspen thina te theo kaisei naikno te magnahagheni te puri nguangujara neu.

Profet Jeremaea 10:10

Nu Lord, iagho thofno God. Iagho God mae ihei te karha fabrahu, eghuteuna iagho ginauna king fabrahu tifa e tifa. Kate diꞌatamu iagho na, vido te gnafa ka nauthoglu igne ginauna nghali tongana, eghuteuna theo kaisei naikno ka keha kantri igre naba te kegra maku na.

Profet Jeremaea 4:24

Eghuteuna thogelere ne kafe nghali ne kheu tongana, eghuteuna gukhu te gnafare ne jaola ne thugha tafri ne theome au snoto.

Profet Isaia 5:25

Ghotilo nogna naikno Lord, nu naugna ghotilo ne eni igne ne diꞌatagna fara mana. Mana ginauna falehe ghami ghotilo, naugna mana ne diꞌatagna fara ka ghotilo. Mana ginauna edi thogele igre mala nghali tongana, eghuteuna kmana naikno ginauna lehe, eghuteuna thinidi naikno te lehe igre ginauna na jateula chara eghu thuru tafri ka glalaba, ba leghu nabrou jateula chara eghu. Nu neuba Lord neke paradi, mana diꞌatagna fabrahu ka mare. Eghuteuna mana ginauna tarabana mala ke paradi ngala mare.

Nodi Khoje Hatimare Mae Jiu 18:7

Gognaro na God ne thono diꞌatagna fara ka nogu naoka iara re. Aonu mana ne fakheuni glose na, eghuteuna thogele te gnafa re ne kafe nghali tongana.

Matiu 27:51

Kate lehe mae Jisas na, pohe biꞌo teke gefe soru ke lamnagna Sugablahi na ne breku pea funu kligna thoke pari. Eghuteuna nakheu biꞌo na ne nghali nauthoglu na, eghuteuna thina biꞌo re ne phike pea.

Profet Emos 8:8

“Naugna igne, iara ginauna kurudi mae naoka gre mala thofno goigonidi nomi namono ghotilo are, eghuteuna ghotilo te gnafa na ginauna diꞌanagnafa nei tanhi eghu. Ginauna na jateula kaisei nakheu te fakheuni te nghali kantri igne ra eghu, eghuteuna glose igne ginauna haghe nei soru eghu, jateula Khoꞌu biꞌo Nael te britha ra eghu.”

Profet Jeremaea 30:17

Nu iara Lord ginauna nake fakeli fapulo ghami ghotilo, eghuteuna thua fogrami nei thubumi teu ghotilore ginauna nake keli fapulo. Iara eni igne, naugna te chekeni mare na iara ngolho fajifla ghami ghotilo, eghuteuna theo kaisei naikno te ghatho tahudi Juda ghe Israel.” Igne cheke gna Lord.

Profet Jeremaea 14:17

“Jeremaea, iagho na cheke eghu ka naiknore: “ ‘Iara ginauna tanhi bongi narane. Eghuteuna kholodi phei tathagu iara gre ginauna oro soru ka tathagu nei foflogu teu iara gre. Naugna mae naoka gre thono goigonidi fara nogu naikno iara re.

Nodi Khoje Hatimare Mae Jiu 114:7

Kate mei God, mae ihei teke pogho soruni mae Jekop na, u glose na nghali ne jifla mei khoꞌu na ka thina. Uve, kate mei Lord na, khoꞌu na jaola ne jifla mei ka thina maku na.

Thoutonu Eigna Mae Job 9:6

God kuruni nakheu na mala fakheuni nauthoglu, eghuteuna mana tuthugha famamhaku gna na.

Profet Isaia 7:8

Iara cheke eghu, naugna King Resin au nolaghi kolho te mala funei fruni ni Damaskas, nodi namono biꞌo lahu naiknodi Siria. Eghuteuna King Peka au nolaghi kolho te mala funei frunini Samaria, nodi namono biꞌo lahu naiknodi Israel. Ke lamnadi namnosalei glima finogha te mei igre, mae naoka ginauna mei goigonini fara Israel. Fanomho sagho! Jame te theome kegra heta iagho ka nou fatutuani na, iagho ginauna theome tangomana te kegra heta na.’ ” Igne cheke gna Lord.

Nodi Khoje Hatimare Mae Jiu 104:32

Kate filo soru mana kau nauthoglu igne na, glose na ne nghali jateula nakheu neu. Uve, kate habo lao mana ke klignadi thogelere, gagahu na jifla mei jateula khaꞌaghi eghu.

Nodi Khoje Hatimare Mae Jiu 89:40

Iagho la roꞌe soru nounihi gringni thina ka nogna namono mana na. Uve, iagho la thofno roꞌenihi la theo tokadi vido te mala poru mana re.

Thoutonu Eigna Mae Job 5:18

Eigna God tangomana te nhaꞌa lao thubu ka naikno na, nu mana jaola nhaꞌa lao meresin tagna. God tangomana te eni naikno na mala ghoreho, nu mana tangomana te eni te mala ke keli fapulo naikno na.

Lamentations 2:13

Jerusalem, iara kokhoni nogu nigho! Unha gne naba te mala chekeni iara ka iagho te mala togho ghau na? Juda, iara kokhoni nogu nigho! Unha gne naba te mala pala hagheni iara gaoghathomu iagho na? Puhi te thoke nigho iagho igne thono biꞌo fara, eghuteuna theo kaisei naikno naba teke fakeli nigho iagho na.

Fapea Samuel 22:8

Naugna God ne diꞌatagna fara, glose gna nauthoglu igne ne nghali, eghuteuna maloa jaola ne poha fila.

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Fapea Samuel 8:1

Kaisei fata ke leghugna igne, mae Devet tei ne thofno goigonidi mae Filistia, ne uludi mare. Eghuteuna mae Devet neke hata fapulo namono Metegama ka khamedi mae Filistia.

Ululahu Kronikols 18:3

Eghuteuna keha fata na, mae Devet baludi nogna soldia re tei ne magra ka naiknodi Hamat rhegna Khoꞌu biꞌo Iufretis mala au mare ke parigna nogna nolaghi mana. Mana ne uluni King Hadadesa mae ihei te king Soba kaisei namono biꞌo ka kantri Siria.

Ululahu Kronikols 18:5

Ka narane igne soldia di Siria te au Damaskas igre mei ne toghoni King Hadadesa, nogna armi King Devet igne ne aknu falehe varadaki phei thogha soldia ka magra igne.

Ululahu Kronikols 18:12

Kaisei fata ke leghu, mae Abisae thugna Seruia igne, mana batuni nogna armi mae Devet na ne tei aknu falehe nabotho nhana thogha maedi Idom ka glogu te kiloi, “Glogu mala hata tahi.”