Nodi Khoje Hatimare Mae Jiu 60:1 - Buka Blahi Ka Cheke Holo

¹ God, iagho ne tirou au balumi ghehati ne nigra ghehati ka magra. Tifa na iagho neke diꞌatamu ka ghehati, nu ke figri mei sagho gognaro mala ke togho ghami ghehati.

Nodi Khoje Hatimare Mae Jiu 60:1 ပူးပေါင်းရင်းမြစ်များ

Fapea Samuel 8:3

Mae Devet jaola ne magra ka mae Hadadesa thugna mae Rehob king gna Soba. Mana neke hata fapulo nohi ka Khoꞌu biꞌo Iufretis.

Nodi Khoje Hatimare Mae Jiu 44:9

Nu gognaro na iagho tirou ghami ghehati, eghuteuna iagho tirou tei baludi nomi soldia ghehati gre.

Ululahu Kronikols 18:3

Eghuteuna keha fata na, mae Devet baludi nogna soldia re tei ne magra ka naiknodi Hamat rhegna Khoꞌu biꞌo Iufretis mala au mare ke parigna nogna nolaghi mana. Mana ne uluni King Hadadesa mae ihei te king Soba kaisei namono biꞌo ka kantri Siria.

Fapea Samuel 5:20

Aonu mae Devet ne tei Baal Perasim. Mana magra ka mare jare ne uludi mae Filistia. Aonu mana na cheke eghu, “Lord na jateula nabritha biꞌo neu ne mei roꞌedi nogu naoka iara igre.” Naugna igne mare ne kiloni vido igne, Baal Perasim.

Nodi Khoje Hatimare Mae Jiu 90:13

Lord God, niha fata diꞌatamu ka ghehati sagho ia? Kokhoni mei ghami ghehati sagho eigna ghehati gne nou naikno gloku iagho.

Nodi Khoje Hatimare Mae Jiu 85:4

God, fakarha ghami nei ke hata fapulo ghami eghu ka iagho. Thosei lisa koko ghami.

Fapea Kings 14:7

Nogna soldia mae Amasaea gre ne aknu falehe nabotho thogha soldia di Idom ka glogu te kiloi mare, “Glogu mala hata tahi.” Mana ne hata namono biꞌo Sela igne ka magra, eghuteuna mare kiloni namono igne Joktel, nangha igne au ngala mei thoke ka narane gognarogne.

Nodi Khoje Hatimare Mae Jiu 89:19

Tifa tifa na, iagho neke mei ka nou mae gloku te kelire neke cheke eghu ka mare ka mifi na, “Iara neke toghoni kaisei mae sitei mala kaisei mae soldia te fnakno fara nanghagna na. Eghuteuna iara neke vahini mana ka mare mala king.

Nodi Khoje Hatimare Mae Jiu 89:3

Iagho neke cheke eghu, “Iara neke enihi kaisei nhaꞌa cheke ka mae Devet nogu mae gloku teke vahini iara tifa ia.

Nodi Khoje Hatimare Mae Jiu 80:3

God, hata fapulo ghami ka iagho. Uve, kokhoni ghami nei fakarhi ghami eghu ghehati sagho ka khamedi mae naoka gre.

Nodi Khoje Hatimare Mae Jiu 79:5

Lord God, ba? Iagho na diꞌatamu fabrahu ka ghehati? Ba? Na brana fabrahu diꞌatamu na ka ghehati jateula khaꞌaghi eghu?

Nodi Khoje Hatimare Mae Jiu 74:1

God, naugna unha sagho te figri tagru ghami ghehati gnea? Ghehati gne jateula nou sipu eghu iagho kolho! Ba? Iagho ginauna diꞌatamu fabrahu ka ghehati sia?

Nodi Khoje Hatimare Mae Jiu 60:10

God, iagho la figri tagru ghami ghehati tutuani hila sia? Ba, iagho la tirou tei magra hila balumi ghehati sia?

Nodi Khoje Hatimare Mae Jiu 59:11

God, tapla sorudi sagho, nu thosei falehedi eghu, na eghunu ghatho ihoni naiknodi Israel gre glepo igre eghu. Mare mala ghatho fakelini u puhi teke paradi iagho nou naokare. Iagho nomi mae funei ghehati ia, bara fothi ghami mala thosei khale ghami puhi biꞌo. Brue teidi sagho mae naokare ka nou nolaghi na mala rikha tei mare.

Nodi Khoje Hatimare Mae Jiu 59:1

Nogu God, togho ghau iara, mala theome mei goigoni ghau iara nogu naoka iara gre. Bara fothi ghau kate mei te magri ghau iara mare na.

Fapea Kronikols 25:11

Nu mae Amasaea ne rheta gaoghathogna na ne batudi nogna soldia re ne tei ka glogu te kiloi mare “Glogu mala Hata Solt.” Ka vido igne, mare ne magra ka soldia di Idom ne aknu falehe nabotho thogha soldiadi Idom.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Ululahu Samuel 13:11

nu mae Samuel ne cheke eghu ka mae Sol, “Naugna unha sagho te eni glepo ignea?” Mae Sol ne cheke eghu ka mana, “Iara la filodi mae soldia gre la funu rikha ghau iara, eghuteuna iagho theome mei ka narane teke nhaꞌa chekeni iagho ia. Eghuteuna mae soldia di Filistia gre la haghe auhi ka namono Mikmas.

Ululahu Samuel 4:17

Mae igne ne cheke eghu, “Kmana mae noda soldia tahati ra la lehe, eghuteuna ghehati mae te karha teu aro ne rikhani armi gna Filistia na. Eghuteuna keha glepo na, phei mae thumu iagho ra la jaola lehe, eghuteuna maedi Filistia ra hata la tei nogna Bokis Blahi Lord ia.”

Nodi Khoje Hatimare Mae Jiu 108:11

Ba? Iagho la figri tagru ghami ghehati hila tutuani sia? Ba? Iagho tirou tei ka magra baludi nomi armi ghehati gre sia?

Nodi Khoje Hatimare Mae Jiu 79:9

God, togho ghami nei fakarhi ghami eghu ghehati sagho. Hata kokodi sagho nakhibomi ghehati gre, mala ghatho tahu nigho naikno te gnafa igre eghu.

Fapea Samuel 10:16

Eghuteuna king Hadadesa ne fatei cheke ne kilo meidi soldia te gnafa Aram te au ke kasa Khoꞌu biꞌo Iufretis. Aonu mare ne kafe mei ka namono Helam. Mae Sobak, nogna komanda king Hadadesa igne ne batudi mare.

Profet Sekaraea 10:6

“Iara ginauna thofno farerheta naiknodi Juda, eghuteuna iara ginauna fakarhidi naiknodi Israel. Iara ginauna kokhoni nogudi fara mare mala ke kafe hata fapulodi ka nodi thofno vido re. Mare ginauna au fakeli ka vido igne, jateula teke theome thododi iara tifa ra eghu, naugna iara nodi Lord God mare, eghuteuna iara ginauna fanomho ka nodi tharai re.

Nodi Khoje Hatimare Mae Jiu 89:38

Nu Lord God, mae king teke vavahi iagho ia, gognaro na iagho kela diꞌatamu ka mana. Uve, iagho tirounihi mana, la lisa kokonihi mana.

Nodi Khoje Hatimare Mae Jiu 89:7

Kaisei iagho God ngala te mhaghu nigho nei ghatho tahu nigho teu tothoghei engel di klignare. Uve, kaisei iagho ngala te fnakno ke klignadi mare te hui na. Naugna igne te kilo fnakno nigho mare na.

Fapea Samuel 8:14

Mana ne lilisei kmana soldia ka vido te gnafa Idom, eghuteuna naikno te gnafa Idom igre ne au ke parigna nogna nolaghi mana. Eghuteuna ka vido te gnafa aheva te tei magra mae Devet igre, Lord toghoni mana.

Nodi Khoje Hatimare Mae Jiu 80:1

God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.