Nodi Khoje Hatimare Mae Jiu 6:6 - Buka Blahi Ka Cheke Holo

⁶ Iara eha la eha la ghilei glaꞌe soru nogu. Leuleghu bongi na iara tanhi nogu fabrahu kolho. Nogu sape na la ghilei bothu ka kholodi tathagure. Nogu kokhogu na la jaola la bothu ka kholodi tathagure.

Nodi Khoje Hatimare Mae Jiu 6:6 ပူးပေါင်းရင်းမြစ်များ

Nodi Khoje Hatimare Mae Jiu 69:3

God, iara tore nigho koba mala togho ghau iara, la ghilei babaꞌo nogu fara, la ghilei khaprani thotomnogu gne. Iara filo ari ka iagho te mala togho ghau na, la ghilei kabru tathagure.

Nodi Khoje Hatimare Mae Jiu 42:3

Leuleghu fata na nogu naoka iara gre cheke eghu koba ka iara, “Ahevau nou God iagho na?” Aonu iara loku kolho ka natanhi na. Kholodi phei tathagure ngala te jateula ghegu gano teu iara bongi narane na.

Nodi Khoje Hatimare Mae Jiu 38:9

Lord, iagho laseni te magnahaghei mafo iara na. Iagho nomhidi te tanhi iara kate kabru ghegu gre.

Lamentations 2:11

Iara tanhi ghilei kabru tathagu re, naugna iara kokhoni nogudi fara naiknore. Nagnafagu na kabru fara, naugna nogu naikno iara re la dofidihi. Eghuteuna goro sua nei gegeꞌe teure jaola lehe ka glehe grofo heva heva ka nabrougna namono na.

Lamentations 1:16

“Naugna igne te tanhini fara iara na, eghuteuna kholodi phei tathagu iara re oro soru ka thinigu iara na. Eghuteuna theo kaisei naikno te au teu jare te mala farhetani gaoghathogu iara na. Mae naoka gre ulu ghau iara, eghuteuna nogu naikno iara re ne rhana nodi fara.”

Lamentations 1:2

Ka bongi thongana igne naꞌa tanhi ghilei hamerane, eghuteuna kholodi thatagna re oro soru ka foflogna nei tathagna re. Tifa na naꞌa jateula gaꞌase te au kmana khetogna ra neku. Gognarona, mare tirodini naꞌa. Kheragna re tirodini naꞌa, kela nogna naoka naꞌa.

Thoutonu Eigna Mae Job 23:2

“Gognarona iara na khuru chekeu ngala. Iara theome keli gaoghathogu fara, eghuteuna iara na theome tangomana te gnafa nogu natanhi na.

Thoutonu Eigna Mae Job 16:20

Mana togho ghau iara eghuteuna mana mae kheragu iara ka narane te oro soru kholodi phei tathagu iara gre, naugna iara tanhi fara ka God.

Thoutonu Eigna Mae Job 7:3

Kmana nhigra, God ne eni nakarhagu iara na mala theo nafugna kolho. Mana para ghau iara fabrahu leghu bongi kolho.

Luku 7:38

Naꞌa kegra ke leghugna mae Jisas ne tanhi neu. Naꞌa ne fabobothu ka kholo tathagnare phei ghahegna mae Jisas re. Eghuteuna naꞌa tuturupuku soru ne famomoja ka khaklagna thegna te brahure ne gnangho fabrahu. Jaola naꞌa totofa kholo te sisiri keligna na ke klignadi.

Profet Jeremaea 14:17

“Jeremaea, iagho na cheke eghu ka naiknore: “ ‘Iara ginauna tanhi bongi narane. Eghuteuna kholodi phei tathagu iara gre ginauna oro soru ka tathagu nei foflogu teu iara gre. Naugna mae naoka gre thono goigonidi fara nogu naikno iara re.

Nodi Khoje Hatimare Mae Jiu 88:9

Iara au papara fara, iara tanhi la ghilei theome fifilo fakeli phei tathagure. Lord God, leuleghu narane na iara kilo nigho nei ngafa haghe phei khamegure mala tharai ka iagho.

Nodi Khoje Hatimare Mae Jiu 39:12

“Lord, fanomho fakeli ka nogu tharai gre, mala mei togho ghau. Eigna iara gne jateula teke edi mae kmagu tifara eghu au katha vido kmo'ei kolho balumu iagho ka nauthoglu igne.

Thoutonu Eigna Mae Job 10:1

“Iara hongo ghau ka nakarhagu na. Eghume iara ginauna cheke fajiflani gaoghathogu na. Iara ginauna cheke fajiflani puhi te thofno diꞌanagnafani iara na.

Nodi Khoje Hatimare Mae Jiu 30:10

Lord, nomhi ghau nei kokhoni ghau eghu iara. Lord, togho ghau iara!”

Nodi Khoje Hatimare Mae Jiu 88:11

Ba? Mae iheire tela lehehira ginau tangomana teke toutonu eigna nou namha biꞌo iagho na? Ba, mae iheire tela lehehira theome tangomana te tajini nou nhaꞌa cheke iagho na ke lamna beku? Theo fara!

Nodi Khoje Hatimare Mae Jiu 115:17

Iheire tela lehehi ra theome tangomana te cheke fakelini Lord na.

Profet Isaia 38:18

Naikno te au ka Beku ra theome tangomana te tegio nigho na. Naikno te au ka namonodi iheire tela lehehi ra theome tangomana te cheke fakeli nigho na. Naikno tela lehehi ra theome tangomana te fatutuanini nou nhaꞌa cheke iagho na.