Nodi Khoje Hatimare Mae Jiu 6:3 - Buka Blahi Ka Cheke Holo

³ Lord, thosei ofo me raugha, mei togho ghau. Eigna nakarhagu iara gne la thono diꞌa fara gognaro na!

Nodi Khoje Hatimare Mae Jiu 6:3 ပူးပေါင်းရင်းမြစ်များ

Nodi Khoje Hatimare Mae Jiu 90:13

Lord God, niha fata diꞌatamu ka ghehati sagho ia? Kokhoni mei ghami ghehati sagho eigna ghehati gne nou naikno gloku iagho.

Jone 12:27

Mae Jisas ne cheke eghu, “Gognaro na iara thono diꞌanagnafagu fara eigna glepo nate mei ginauna. Na cheke faꞌunha eghu iara ka mae Mama? Iara na cheke eghu, ‘Mama, thosei snakre mei ke klignagu iara glepo te biꞌo igne na eghu’? Theo. Naugna igne ngala teke meini iara ka nauthoglu igne na mala ruma ke lamnagna glepo te ninhigrana igne.

Luku 18:7

Naiknore tanhi bongi narane ka God mala toghodi. Eghuteuna God ginauna tusu ranghidi fabrahu unha glepo te keli na, eghuteuna mana ginauna na theome phaipalighi te mala toghodire.

Matiu 26:38

Mana ne cheke eghu ka mae Pita nei phei thugna mae Sebedi, “Iara gne biꞌo fara ka diꞌanagnafa, eghuteuna iara la namo lehe ka igne. Ghotilo au agne mala dofra balugu iara.”

Proveb 18:14

Jame mana fogra, eghuteuna nheta gaoghathogna na teuna, mana ginauna uluni fogra igne. Nu jame te theome doglo mana gaoghathogna na, faꞌunha eghu ke keli fapulo si mana gnea?

Nodi Khoje Hatimare Mae Jiu 77:7

“Ba? Nomi Lord ghehati gne la tirogna ghami hila ghehati fabrahu signea? Ba? Mana ginauna tirogna phile hila ka ghehati?

Nodi Khoje Hatimare Mae Jiu 42:11

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala togho ghau iara!

Nodi Khoje Hatimare Mae Jiu 42:5

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala fakarhi ghau iara!

Nodi Khoje Hatimare Mae Jiu 38:8

Iara ne thofno glaꞌe soru nogu fara ngala ka vido te biꞌo fara u diꞌanagnafa na, eghuteuna kate kabru ghegu fara na iara ne tanhi nogu kolho.

Nodi Khoje Hatimare Mae Jiu 22:14

Iara gne la theo hi kaisei nogu nolaghi te mala kegra heta na, eigna nogu nolaghi na jateula khoꞌu te thofa soru te blalho ka nusu ra eghu kolho. Nhubragure la klasuhi ka thududire. Eghuteuna gaoghathogure la blalhohi jateula suka eghu.

Nodi Khoje Hatimare Mae Jiu 9:14

Eghume iara gne ginauna kegra haghe ke uludi naiknore ka namono Jerusalem mala toutonudi gobigna lepo teke edi iagho ra. Iara ginauna na eha balu glealeꞌa ka iagho naugna iagho neke fakarhi ghau iara.

Profet Jeremaea 17:14

Lord, iara cheke fakeli nigho fabrahu! Fablahi ghau iara te fogra gne mala ke keli fapulo iara. Jame te fakarhi ghau iara iagho na, iara ginauna karha fabrahu.