Nodi Khoje Hatimare Mae Jiu 6:2 - Buka Blahi Ka Cheke Holo

² Lord, iara gne la glaꞌe fara hi, eigna nogu nanhetare la gnafahi. Kokhoni ghau fara, ke faheta fapulo ghau.

Nodi Khoje Hatimare Mae Jiu 6:2 ပူးပေါင်းရင်းမြစ်များ

Profet Hosia 6:1

Naiknore na cheke eghu, “Tahati nake figri ka Lord. Eigna mana ne snakre mei ka tahati fogra biꞌo igne mala thoke ghita tahati, nu mana tangomana te fagnafani fogra ka tahati. Mana kolho teke nhaꞌa mei thubu igne, nu mana tangomana na teke fakeli ghita tahati na.

Nodi Khoje Hatimare Mae Jiu 31:10

Diꞌanagnafa te eni iara gne fakmoꞌeni nakarhagu iara na. Iara tanhi nogu fara, eghuteuna iara theome nabagu te au faraugha na. Nanhetagure la hui, eghuteuna nhubragure la jaola salha hi.

Nodi Khoje Hatimare Mae Jiu 30:2

Nogu Lord God, iara neke tore nigho iagho neke mei togho ghau kau glehe. Iagho neke theome snakre ghau iara te tei ka namonodi mae tela lehehi ra, nu teke fakarha fapulo ghau iara na.

Profet Jeremaea 17:14

Lord, iara cheke fakeli nigho fabrahu! Fablahi ghau iara te fogra gne mala ke keli fapulo iara. Jame te fakarhi ghau iara iagho na, iara ginauna karha fabrahu.

Nodi Khoje Hatimare Mae Jiu 51:8

Iara magnahaghei te nomhini ka iagho tela kokohi iagho nakhibogure. Te eghu iagho na, iara ginauna na glealeꞌa fara.

Diutronomi 32:39

“ ‘Filo si ghotilo. Iara kolho God te tutuani na! Jare na theo kaisei god te au na! Iara tangomana te faleheni naikno na, nei tangomana te fakarhini naikno na. Iara tangomana te faghorehoni naikno na, nei tangomana teke fakeli fapuloni naikno na. Theo kaisei naikno tangomana te fanograni unha te eni iara na.

Nodi Khoje Hatimare Mae Jiu 38:7

Kate fagrutu biꞌo te brana jateula khaꞌaghi teu thinigu na, iara ne namo lehe nogu ngala.

Nodi Khoje Hatimare Mae Jiu 38:3

Iara au khabru biꞌo ka thinigu na, naugna iagho ne diꞌatamu ka iara eidi nakhibo teke edi iara igre.

Nodi Khoje Hatimare Mae Jiu 32:3

Kate theome cheke thakledi iara nakhibogure, iara kaisei tanhi kolho bongi narane na.

Jenesis 20:17

Lord ne theome snakredi khetogna nei nogna gaꞌase gloku eghu mae Abimelek gre te au sua na. Igne ke tughugna puhi teke eni mae Abimelek ka Sera khetogna mae Ebraham na. Aonu mae Ebraham ne toreni God mala ke fakarha fapuloni mae Abimelek, khetogna nei nogna gaꞌase gloku teu mana re neke tangomana teke au sua na.

Matiu 4:24

Thoutonu eigna mae Jisas na ne tei tongana heva heva ka Provins Siria, eghuteuna mare hata ne mei ka mana naikno te gnafa te fogra re. Naikno igre au tadi soasopai khabru. Keha au naitu, keha snosnogho, nei keha lehe ghahedi nei khamedi teure. Tutuani, mae Jisas ne kafe fakarhadi.

Nodi Khoje Hatimare Mae Jiu 22:14

Iara gne la theo hi kaisei nogu nolaghi te mala kegra heta na, eigna nogu nolaghi na jateula khoꞌu te thofa soru te blalho ka nusu ra eghu kolho. Nhubragure la klasuhi ka thududire. Eghuteuna gaoghathogure la blalhohi jateula suka eghu.

Thoutonu Eigna Mae Job 5:18

Eigna God tangomana te nhaꞌa lao thubu ka naikno na, nu mana jaola nhaꞌa lao meresin tagna. God tangomana te eni naikno na mala ghoreho, nu mana tangomana te eni te mala ke keli fapulo naikno na.

Naba 12:13

Aonu Moses ne tanhi tei ka Lord ne cheke eghu, “God, iara tore nigho iagho mala ke fakeli fapulo khabru igne ka naꞌa!”

Eksodas 15:26

Aonu God ne cheke eghu ranghidi naiknore, “Iara nomi Lord God ghotilo, iara neke famafodi khabrumi ghotilo ra. Jame te leghu ghau iara ghotilo te edi glepo te keli ka gaoghathogu iara re, nei leghudi nogu vetula iara re teuna, iara na theome tusu ari ka ghotilo nafnata khabru teke edi iara ranghidi mae Ijep ra teke au papara mare ra.”

Thoutonu Eigna Mae Job 19:21

“Ghotilo thilo mae kheragu iara ra, kokhoni ghau iara, naugna God na la tapo ghau iara.

Nodi Khoje Hatimare Mae Jiu 38:2

Iagho la fadi ghauhi iara ka nou jata na, nei iara la fnerahi ka khamemu iagho na.

Profet Jeremaea 10:24

Lord fadoglini nakarhagu gne, nu eni ka puhi te doglo kolho. Jame te fadogli ghau iara iagho kate diꞌatamu na, iara ginauna na theo nafugu kolho.