Nodi Khoje Hatimare Mae Jiu 6:10 - Buka Blahi Ka Cheke Holo

¹⁰ Nogu naoka iara gre ginauna mamaja nodi nei mhaghu nodi eghu fara kate filoni mare te togho ghau iara Lord na. Mare ginauna ghosei rikha tei delei.

Nodi Khoje Hatimare Mae Jiu 6:10 ပူးပေါင်းရင်းမြစ်များ

Profet Malakai 3:18

Kau narane nate mei ginau igne, ghotilo ginauna laseni naikno te au doglo ka tathagu, nei leghu ghau iara teu igre na nhogri ka naikno te diꞌa te theome leghu ghau iara igre.’ ” Igne chekegna Lord mae ihei te au nolaghi fateoteo.

Profet Jeremaea 20:11

Nu iagho Lord, iagho jateula kaisei mae soldia nheta te au fabrahu teu balugu iara ia eghu. Mae iheire te para ghau iara igre ginauna glaꞌe soru na theome ulu ghau iara. Mare ginauna mamaja fara, eghuteuna mamaja igne ginauna theome gnafa ka mare tifa tifa.

Nodi Khoje Hatimare Mae Jiu 86:17

Lord God, falalase mei sagho te phile iagho ka iara na. Jame te eghu iagho te togho ghau nei farhetani nagnafagu iara gne teu na, naikno teke tirodi ghau iara re ginau thono mamaja nodi fara.

Profet Isaia 26:11

LORD! Iagho ghae haghehi khamemu na paradi mare, nu mare theome tangomana kolho te filo glani na. Falase ranghidi sagho puhimu iagho te ghatho tahudi nou naiknore igne, mala mamaja nodi naikno te leghudi puhi te diꞌa igre. Eghuteuna iagho mala gahudi ka khaꞌaghi teke kulu tarabanahi iagho maladi nou naoka re teku ia.

Proveb 29:1

Mae ihei te patugama fabrahu neuba mare ne cheke faheta kmana fata tagna, mae tuana ginauna parani fara, eghuteuna theo kaisei glepo nate toghoni mana na.

Nodi Khoje Hatimare Mae Jiu 132:18

Iara ginauna na tusu ranghidi nakarha te keli iheire fateo te au ka kantri tuana, nu hatimare mae naokare ginauna mamaja nodi fara.”

Nodi Khoje Hatimare Mae Jiu 112:10

Kate filoni naikno te diꞌare puhigna mae te doglo igne na, mare na thono diꞌa tadi fara. Mare na theome magnahagheni mae igne, nu mare theo nafudi kolho eghu. Uve, unha te magnahagheni naikno te diꞌare, theome tangomana kegra haghe ba te loku fakeli na.

Nodi Khoje Hatimare Mae Jiu 73:19

Iagho ginauna ghosei goigonidi kolho naikno tuare, eghuteuna glehedire naikno tuare ginauna thono diꞌa fara.

Nodi Khoje Hatimare Mae Jiu 71:24

Leuleghu narane, te funu hamerane te ghilei posa fei grafi na, iara ginauna toutonu eidi puhimu iagho te doglo fara are, naugna mae iheire te magnahaghei goigoni ghau iara ra, iagho la tapla faparidihi mare e mamaja nodi fara.

Nodi Khoje Hatimare Mae Jiu 71:13

Tapla sorudi nei fakokhoanadi eghu sagho mae te magri ghau iara igre. Iara magnahaghedi mae igre te mamaja nei theome keli teu ka tathadi naiknore.

Nodi Khoje Hatimare Mae Jiu 35:26

Iheire te glealeꞌa kate filoni te diꞌanagnafa iara na, te keli na iagho famamajadi nei faꞌihodi eghu mare. Tapla sorudi sagho mae iheire ne au doglohi thedi ke ulugu iara teu are mala mamaja nodi kolho mare.

Nodi Khoje Hatimare Mae Jiu 25:3

Iheire te rouronu nigho re theome tangomana te mamaja na, nu iheire ngala te ghosei te kegra te tapla soru nigho re ngala nate mamaja nodi na.

Nodi Khoje Hatimare Mae Jiu 7:6

God, nogu naoka iara gre thono diꞌatadi fara ka iara. Iara magnahaghei nigho te mei togho ghau. Iagho mei mala kegra fanogridi. Diꞌatamudi sagho nei figri tagrudi eghu mare. Eghume iara magnahaghe nigho iagho te falalase meini te mae doglo iara ka tathamu na.

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Nodi Khoje Hatimare Mae Jiu 5:10

God, fatedi nei fapuhidi naikno te diꞌa tuare. Eghuteuna lisa laodi mala snoꞌo mare ka khora teke dokha thedi mala snoꞌo iara teku mare na! Eigna mare thono patugama fara ka iagho ne edi kmana nakhibo. Eghume thosei snakredi te kegra ke ulumu iagho na eghu.

Nodi Khoje Hatimare Mae Jiu 2:5

Aonu mana ne diꞌatagna fara ne cheke eghu ka mare, “Fiofilo ghami ghotilo ia!” Kate laseni mare te diꞌatagna God na, mare ne thono mhaghu nodi fara.

Thoutonu Eigna Mae Job 6:29

Ghotilo mala ghaoghatho ghau iara. Iara magnahaghei ghami ghotilo mala thosei eni kaisei glepo te najafra. Ghotilo ke ghatho ghau iara, naugna glahu theome filoni ghotilo puhigu iara te doglo gne.

Fapea Kings 20:5

Lord ne cheke ranghini profet mala tei ka king mala cheke eghu ka mana, “King Hesekaea, Lord nogna God mae kuꞌemu King Devet na ne cheke eghu: Iara la nomhinihi nou tharai iagho ia, eghuteuna iara filoni te tanhi nei diꞌanagnafa teu iagho ia. Iara ginauna nake fakeli fapulo nigho, eghuteuna ka fatilo narane ke leghugna gognarogne iagho tangomana te tei ka Sugablahi na.

Nodi Khoje Hatimare Mae Jiu 55:20

Mae kheragu iara igne mana neke nhaꞌa cheke ka ghehati tifa na ka mae kheragnare neke magridi mare.