Nodi Khoje Hatimare Mae Jiu 6:1 - Buka Blahi Ka Cheke Holo

¹ Lord, neubane diꞌatamu iagho ka iara, iagho thosei cheke fabiꞌo ghau nei para ghau eghu iara.

Nodi Khoje Hatimare Mae Jiu 6:1 ပူးပေါင်းရင်းမြစ်များ

Nodi Khoje Hatimare Mae Jiu 38:1

Lord, neuba iagho ne diꞌatamu ka iara, thosei para ghau eghu.

Profet Jeremaea 46:28

Iara ginauna na au balumi ghotilo, eghuteuna iara ginauna na fakarhi ghami ghotilo. Iara ginauna na goigonidi kantri teke atha ghami ghotilo are, nu iara ginauna na theome goigoni ghami ghotilo. Nu neuba, iara ginauna para ghami ghotilo eidi nakhibo teke edi ghotilo ranghi ghau iara ra. Nu iara ginauna na theome para ghami ghotilo.” Igne cheke gna Lord.

Nodi Khoje Hatimare Mae Jiu 118:18

Mana thofno para ghau fara iara, nu mana theome snakre ghau iara te lehe na.

Profet Jeremaea 10:24

Lord fadoglini nakarhagu gne, nu eni ka puhi te doglo kolho. Jame te fadogli ghau iara iagho kate diꞌatamu na, iara ginauna na theo nafugu kolho.

Profet Isaia 57:16

Iara ginauna na theome figri tagru ghami, ba diꞌatagu ka ghotilo, naugna jame te eghu fabrahu iara na, ghotilo ginauna na glaꞌe soru. Uve, jame te eghu ghotilo na, ghotilo iheire teke tusu ari iara nakarha na tami ra ginauna lehe.

Profet Isaia 54:9

“Ka naranegna mae Noa igne, iara neke eni kaisei nhaꞌa cheke mala theome plulu nauthoglu igne ka khoꞌu. Iara gognarona jaola nhaꞌa cheke mala theome diꞌatagu ka ghotilo. Iara ginauna na theome thodo ghami nei para ghami eghu ghotilo.

Nodi Khoje Hatimare Mae Jiu 4:1

God, iara laseni puhimu iagho na, eigna iagho edi koba unha te keli re. Iara jaola lase nigho te taji ghau nei bara fothi ghau teuna. Eghume, kate au iara ka hoholo te kilo ari ka iagho na, iagho kokhoni ghau nei togho ghau eghu iara! Gognarona iagho kokhoni mei ghau iara nei nomhidi eghu nogu tharai gre.

Nodi Khoje Hatimare Mae Jiu 12:1

God, iagho togho mei ghami. Naugna gognaro na iagho theome tangomana te filoni kaisei naikno te keli te au teu agne na. Theo kaisei naikno te leghu nigho fabrahu.

Nodi Khoje Hatimare Mae Jiu 2:5

Aonu mana ne diꞌatagna fara ne cheke eghu ka mare, “Fiofilo ghami ghotilo ia!” Kate laseni mare te diꞌatagna God na, mare ne thono mhaghu nodi fara.