Nodi Khoje Hatimare Mae Jiu 59:8 - Buka Blahi Ka Cheke Holo

⁸ Nu Lord, iagho maꞌe noudi kolho mae bongihehe tuare.

Nodi Khoje Hatimare Mae Jiu 59:8 ပူးပေါင်းရင်းမြစ်များ

Nodi Khoje Hatimare Mae Jiu 2:4

Lord gnokro neu ka sape nafnakno kligna na, ne rogna maꞌedi fara nodi nafnata groghe mare igre.

Proveb 1:26

Eghume, iara ginauna jaola eni nafnata puhi igne ka ghotilo. Kate thoke mei puhi biꞌo ka ghotilo na, iara ginauna maꞌe, nei cheke fahaehaghe eghu ka ghotilo.

Nodi Khoje Hatimare Mae Jiu 37:13

Nu Lord, noda mae funei tahati na rogna maꞌedi mae te diꞌare, naugna mana laseni kaisei narane na mana ginauna mei fatedi mare, eghuteuna mae te diꞌare ginauna dofidi ke leghugna fate igne.

Nodi Khoje Hatimare Mae Jiu 59:5

Lord God, iagho mae ihei te au nolaghi biꞌo ia faghosei mei mala togho ghau iara. Iagho nodi God mae Israel ra, filodi mae igre. Faghosei mei mala fathasudi mae bongihehe igre, thosei kokhonidi naikno te diꞌa te fakokhoanadi kheragu iara gre.

Matiu 18:17

Te tirogna fanomho fakeli mana ka unha te chekeni mare na, keli kolho, iagho ke chekeni puhi tuana ka khiloau. Te tirogna fanomho mana ka nogna cheke khiloau na, keli kolho, ghotilo ghatho laoni mae tuana jateula kaisei mae bongihehe ba kaisei mae te diꞌa mala salo takis eghu.

Nodi Khoje Hatimare Mae Jiu 10:11

Mae te diꞌa na cheke eghu ka nagnafagna na, “God na theome nanga nognadi puhigu iara re! Mana la dofuhi phei tathagnare! Mana theome tangomana te filo ghau iara na!”

Nodi Khoje Hatimare Mae Jiu 57:5

Iara magnahaghedi naiknore te pala hagheni kligna nanghamu iagho na mala tei e salaꞌuni maloa gne. God fakakhana sagho nou nolaghi te biꞌo na ka namono te gnafa ka nauthoglu igne.