Nodi Khoje Hatimare Mae Jiu 59:7 - Buka Blahi Ka Cheke Holo

⁷ Fanomho sagho nodi chekere thono diꞌa fara pari lahu. Nodi chekere fnonu fara jateula naflahi te ravedi naikno ra eghu. Nu mare ne cheke eghu, “Ihei gne nate nomhi ghami ghehati na?” Theo ihei nga nate nomhidi mare na.

Nodi Khoje Hatimare Mae Jiu 59:7 ပူးပေါင်းရင်းမြစ်များ

Nodi Khoje Hatimare Mae Jiu 57:4

Uve, naikno diꞌa igre kegra faligoho ghau iara jateula lion te tarabana teu te mala ghamudi naikno ra eghu. Kheꞌidire fnonu fara jateula goru nei jata eghu, eghuteuna glapidire thono fnonu fara jateula naflahi mala magra eghu.

Proveb 15:2

Nogna cheke mae ihei te autagna gaoghatho keli na, tufa glalase ka naiknore. Nu nogna cheke mae te fameomekro na, theo nafugna kolho.

Nodi Khoje Hatimare Mae Jiu 10:11

Mae te diꞌa na cheke eghu ka nagnafagna na, “God na theome nanga nognadi puhigu iara re! Mana la dofuhi phei tathagnare! Mana theome tangomana te filo ghau iara na!”

Nodi Khoje Hatimare Mae Jiu 73:11

Naikno te diꞌare ne cheke eghu, “God na theome tangomana te lasedi glepo te edi ghehati gre. God na au kligna fara, mana theo kaisei nabrou te mala mei te hirodi puhimi ghehatire.”

Proveb 15:28

Mae te keli na kulu ghaoghatho ame cheke nga eghu. Nu mae te diꞌa na luꞌa soru cheke te diꞌa na.

Proveb 12:18

Cheke te diꞌa na churu jateula naflahi fnonu eghu ka thiꞌadi naiknore. Nu cheke te keli na jateula meresin eghu toghodi naiknore.

Nodi Khoje Hatimare Mae Jiu 55:21

Nogna chekere mamahe fara jateula suka eghu, nu gaoghathogna mana na theome magnahaghei kaisei naikno te cheke faparini, eghuteuna nogna cheke igre fagano salhu jateula sedi eghu mala au kmu naiknore. Nu nogna cheke mana igre fagoreho ghami ghehati jateula naflahi te fnonu eghu.

Nodi Khoje Hatimare Mae Jiu 10:13

God, mala unha eghu sagho te snakreni mae igne te filo fapari nigho gnea? Mala unha eghu sagho te cheke eghu ni mana gnea, “God na theome tangomana te para ghau iara na?”

Matiu 12:34

Ghotilo gne jateula mogo eghu, naugna ghotilo lase chaichaghi fara! Ninhigrana fara ranghi ghami ghotilo te chekeni kaisei glepo te keli na, naugna puhimi ghotilo re theome keli. Unha te fodu ka nagnafagna naikno na, tuana ngala te jifla mei ka chekegna mana re.

Profet Jeremaea 33:24

“Naugna unha sagho te fanomho ka nodi cheke naiknodi keha kantri igrea? Mare cheke eghu, ‘Ulu lahu na Lord neke vahidi naiknodi Israel nei naiknodi Juda te mala nogna thegna. Nu gognarona mana la tirognadihi.’ Eghume mare filo faparidi nogu naikno iara re, eghuteuna mare theome ghathoni ghotilo te kaisei naikno kolho na.

Nodi Khoje Hatimare Mae Jiu 94:4

Naikno igre huhughuni u vetula na. Niha fata fahaehaghedi si mare puhidi te diꞌa grea?

Lamentations 3:62

Mare cheke fapari ghau iara funu hamerane ghilei bongi.