Nodi Khoje Hatimare Mae Jiu 59:3 - Buka Blahi Ka Cheke Holo

^3-4 Filo sagho. Mare poru mala falehe ghau iara. Mae te diꞌa igre mare khapru poru au mala magri ghau iara. Lord, iara gne neke theome eni kaisei najafra nei neke theome huhughuni eghu nou vetula iagho na, ba iara neke theome eni kaisei nakhibo. Nu mare ghosei ne tei poru mala magra ka iara.

Nodi Khoje Hatimare Mae Jiu 59:3 ပူးပေါင်းရင်းမြစ်များ

Nodi Khoje Hatimare Mae Jiu 56:6

Mare salo fodu ka vido te mala poru na, eghuteuna filo tutu ka vido aheva te tei iara na mala falehe ghau iara.

Nodi Khoje Hatimare Mae Jiu 69:4

Naikno te tirodi ghau iara gre la thono kmana fara, mare kmana fara uludi khakla ka phaꞌugu iara na. Nogu naoka iara gre mare toutonu chaghi eigu iara. Mare thono nheta fara nei magnahaghei falehe ghau iara. Mare huhuru ghau iara mala ke tusu fapulo glepo teke theome blau iara re.

Ululahu Samuel 24:11

Mama, filo mei sagho ka nou nabreku pohe igne. Jame magnahaghei aknu falehe nigho iara na, iagho jame neke falehehi! Nu iara neke atha kolho katha nou nabreku pohe iagho! Filo sagho, iara theome ghathoni kaisei glepo te mala falehe nigho iagho na. Iara jaola neke theome eni kaisei glepo te diꞌa ranghi nigho iagho, nu iagho hiro ghau iara mala falehe ghau iara!

Proveb 12:6

Chekegna mae te diꞌa na, jateula mae te poru te tarabana mala aknu falehe naikno teura eghu. Nu chekegna mae te doglo na, fakarhidi mare.

Jone 15:25

Igne horoghoto ka unha teke risoni ka vetula na eigna mae Kraes, ‘Mare theome magnahaghei ghau iara kate theo nafugna.’

Profet Maeka 7:2

Uve, jateula nafnata puhi tuana eghu mana theome tangomana te filoni kaisei gano na, ka kantri igne, theo kaisei naikno te leghuni puhigna God te doglo na. Theo kaisei naikno te ghatho tahuni God. Naikno te gnafa gre ofou kolho te mala aknu faleheni keha mae na. Mare jateula mae ihei te horo phighoro te mala fakhale nanghaji ra eghu chaghidi kheradi thedi re.

Mae Khuru 23:21

Nu thosei fatutuanidi mare! Naugna naba phiatutu mae salaꞌui poru ofou mala faleheni mae Pol. Mare la kulu enihi kaisei nhaꞌa cheke biꞌo mala theome ghamu ba theome koꞌu ghilei faleheni mana! Gognaro mare ofoniu kolho chekemu iagho na.”

Nodi Khoje Hatimare Mae Jiu 38:12

Iheire te magnahaghei falehe ghau iara re lilisei phighoro mala fakhale ghau iara. Iheire te magnahaghei goigoni ghau iara re mare cheke fapari ghau iara. Eghuteuna leuleghu fata na mare theome gnafa te gaoghatho te mala eni ranghi ghau iara puhi te diꞌa na.

Nodi Khoje Hatimare Mae Jiu 2:2

Neubane eghu ngau, hatimare mae king ka nauthoglu igne ne tarabana mala magra neu. Hatimare mae funei hironi kaisei nabrou te mala tapla sorudi Lord ghe nogna king.

Ululahu Samuel 26:18

Mae Devet jaola ne cheke eghu, “Naugna unha sagho te ngolhi tafri ghau iara nou mae gloku gnea? Unha najafra teke eni iara ka iagho na? Ba, unha glepo te diꞌa teke eni iara na?

Ululahu Samuel 24:17

Mae Sol ne cheke eghu ka mana, “Iagho doglou, iara nga te jafra na. Iagho eni unha glepo te keli na ranghi ghau iara. Nu iara eni unha glepo te diꞌa na ranghi nigho iagho.

Ululahu Samuel 19:1

Aonu mana ne cheke balugna mae Jonatan nei nogna mae biꞌore mala hironi kaisei puhi mala faleheni mae Devet. Nu mae Jonatan namhani fara mae Devet,

Nodi Khoje Hatimare Mae Jiu 140:2

Mare roghedi kolho glepo te diꞌare, eghuteuna nodi chekere jaola mala fa eꞌei magra kolho.

Proveb 24:15

Iagho thosei poru jateula mae te diꞌa te poru filo teu te mala ruma te blau ka nogna suga mae te doglo ra eghu. Thosei tei goigoni nogna suga mae te keli na.