Nodi Khoje Hatimare Mae Jiu 59:12 - Buka Blahi Ka Cheke Holo

¹² Nakhibo na au fabrahu ka foflodire eigna nodi chekere thono diꞌa fara. Te keli na nodi puhi fahaehaghe thedi tuare mala ke fakokhoanadi kolho thedi. Eigna mare tibri ghami ghehati na nei chaichaghi koba eghu.

Nodi Khoje Hatimare Mae Jiu 59:12 ပူးပေါင်းရင်းမြစ်များ

Proveb 12:13

Mae te diꞌa na khale ka nogna cheke thegna te diꞌa na. Nu puhi biꞌo na theome thokeni mae te doglo na.

Proveb 18:7

Nogna cheke mae te fameomekro na, goigonini thegna. Eigna nogna cheke mana igre jateula phighoro eghu malagna thegna.

Nodi Khoje Hatimare Mae Jiu 10:7

Foflogna mae igne thono diꞌa fara. Naugna e fodu ka chaichaghi nei famamhagu eghu koba. Mana ghosei ngala te cheke fajifladire cheke te diꞌa te mala goigonidi keha naiknore.

Profet Hosia 4:2

Ghotilo nhaꞌa cheke koba ka iara, nu ghotilo theome leghudi kolho nomi nhaꞌa cheke re eghu. Tore, ghotilo naikno chaichaghi fara, nei mala falehe naikno, nei mala blau, nei mala theome leghuni puhigna tholaghi na. Ghotilo theome leghudi nogu vetula iara re ne paradi koba naiknore.

Nodi Khoje Hatimare Mae Jiu 10:2

Naikno te diꞌa gre mare neke dokha khora mala snoꞌo naikno te kuma gre neku. Nu iara magnahaghei nigho te snakre laodi ka khora tuare mala snoꞌo thedi. Naugna mare ne fahaehaghe fara ne ngolhi tafridi naikno te kuma re.

Luku 23:5

Naiknore ne cheke faheta fara ka mae Paelat, “Nu mae igne edi kmana puhi biꞌo ka nogna farirhiu te edi mana heva heva agne Judia ke lamnadi naiknore. Fufunu ka Provins Galili ghilei thoke agne Jerusalem.”

Matiu 27:63

Mare ne cheke eghu ka mana, “Mae biꞌo, ghehati kela ghathoni teke cheke eghu mae te chaichaghi ia kani karha tekeu mana ia, ‘Iara ginauna nake karha fapulo ka fatilo narane na.’

Matiu 27:25

Naiknore ne kafe cheke eghu ka mana, “Uve, glehegna mae igne nomi puhi ghehati themi nei vikemi ghehati ginaure eghu!”

Profet Sefanaea 3:11

Ka narane tuana, ghotilo ginauna na theome mamajadi puhi te diꞌa teke edi ghotilo tifa ra. Naugna igne iara ginauna brue fajifladi naikno te fahaehaghe nei huhughu teu igre. Eghuteuna ghotilo ginauna au ka nogu Thogele blahi iara igne Jerusalem, eghuteuna ghotilo ginauna theome figri tagru ghau iara.

Proveb 11:6

Puhigna ihei te doglo na, tangomana te fakarhini mana na. Nu mae te diꞌa na khale ka gaoghathogna te diꞌa na.

Proveb 6:2

Nou nhaꞌa cheke iagho themu igne ginauna fakhale nigho iagho jateula phighoro teke eni kolho iagho ia eghu.

Nodi Khoje Hatimare Mae Jiu 79:12

Lord, naiknodi keha kantri are cheke fadiꞌa nigho iagho. Paradi fabrahu sagho eidi cheke te diꞌa tuare.

Thoutonu Eigna Mae Job 12:24

Mana hata koko nodi glalase hatimare mae king, mala nolo tafri mare ka vido te diꞌa.

Lamentations 3:62

Mare cheke fapari ghau iara funu hamerane ghilei bongi.

Profet Esikiel 12:16

Neuba kate magra, ba kate glehe rofo, ba kate fogra teu igre, iara ginauna snakredi keha ka mare mala karhau, nu na theome kmana kolho eghu. Iara ginauna snakredi keha mala karhau, mala tangomana mare te toutonu ka naiknogna kantri aheva te au mare na eidi puhi mare thedi te tapla jafra ranghini Lord, eghuteuna mala jaola thofno lase fakelini mare te iara Lord.”