Nodi Khoje Hatimare Mae Jiu 58:9 - Buka Blahi Ka Cheke Holo

⁹ God, ghosei brasi sorudi sagho kate iho teu mare na mala jateula buburu eghu kolho mare. Kate diꞌatamu na phanga lao sagho ka mare mala flalo tei delei kate karha teu mare na.

Nodi Khoje Hatimare Mae Jiu 58:9 ပူးပေါင်းရင်းမြစ်များ

Proveb 10:25

Narane naꞌau papara ginau mei jateula khoburu eghu mala mei goigonidi naikno te diꞌare. Nu naikno te doglore ginauna kegra heta fabrahu.

Nodi Khoje Hatimare Mae Jiu 118:12

Mare khapru faligoho ghau iara jateula naungo eghu, nu iara la goigonidihi mare ka nogna nolaghi Lord. Kate mei mare te mala magra ka iara na, mare jateula buburu te gnubra ka khaꞌaghi te ghosei te dofidi ra eghu kolho.

Eklesiasti 7:6

Jame te maꞌe naikno te fameomekro na, nogna maꞌe mana igne theo nafugna kolho. Khogla jateula naogla khaꞌaghi te nhako fahui gaju te mojara eghu kolho.

Profet Jeremaea 23:19

Fanomho fakeli ghotilo ia! Lord na thono diꞌatagna fara ka ihei te diꞌa fara puhi gna na. Eghuteuna papara nate kuru mei mana ka mare igne, ginauna na jateula thongna te malu ka saeklon ra eghu.

Profet Isaia 17:13

Nu neuba mare ne chari ne mei jateula galo biꞌo te longa te poha mata ra neu ka tahati, kate cheke Lord ka mare na, mare ginauna kafe figri na rikha. Eghuteuna mana na ngolhi fajifladi mare, eghuteuna mare na flalo jateula khakla gaju moja te flalo te tei ka nuri ra eghu kolho.

Profet Isaia 40:24

Mare jateula wit te aongala joꞌu nga, te kotu haghe nu theome rheta nga meu kolho teura eghu. Eghuteuna kate eni Lord nuri brana na te brana na te mala ghaghafa na, wit igre ginauna na mojadi lehe, eghuteuna nuri na pala tei jateula chara te flalo te teihi ra eghu.

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Proveb 1:27

Narane diꞌa ginauna thoke ghami ghotilo jateula khoburu biꞌo eghu, eghuteuna puhi biꞌo nei khabru eghu ginauna goigoni ghami ghotilo jateula seseuru eghu.

Nodi Khoje Hatimare Mae Jiu 55:23

God, iagho ginauna kuru teidi iheire te falehe naikno nei chaichaghi teu are mala tei au mare ka namonodi naikno te au ka glehera mala snivi fabrahu mare. Narane te mala lehedire na ghosei mei kolho. Nu iara gne fatutuani nigho iagho fabrahu kolho.

Nodi Khoje Hatimare Mae Jiu 10:5

Nu God, iagho theome fateni kolho mana! Mae te diꞌa igne theome magnahaghei te pari ka nogna chekere. Mana cheke fadiꞌadi nei maꞌedi eghu nogna naokare.

Nodi Khoje Hatimare Mae Jiu 10:2

Naikno te diꞌa gre mare neke dokha khora mala snoꞌo naikno te kuma gre neku. Nu iara magnahaghei nigho te snakre laodi ka khora tuare mala snoꞌo thedi. Naugna mare ne fahaehaghe fara ne ngolhi tafridi naikno te kuma re.

Thoutonu Eigna Mae Job 27:21

Uve, mei jateula nuri biꞌo te ghaghafa mei ke maghati, te pala te teini mana delei ra eghu.

Thoutonu Eigna Mae Job 18:18

God ginauna hata fadeleini mana ka nauthoglu te phae igne, mala tei mana ka vido aheva te romno na.

Naba 16:30

Nu jame te eni Lord kaisei glepo majaghani te fabagrani glose igne eghuteuna uka lao mare lamna baludi nodi glepo re, eghuteuna glehe kakarha me tei mare thoke pari ke lamnagna beku teuna, ghotilo ginauna laseni te mae igre teke cheke faparini Lord na.”

Thoutonu Eigna Mae Job 3:16

Naugna unha si mare te theome giugilu ghau iara jateula sua te karhalehe, ba jateula sua te lehe te theome filoni naphae na teu gnea?