Nodi Khoje Hatimare Mae Jiu 58:7 - Buka Blahi Ka Cheke Holo

⁷ Lisa laodi sagho mala rughui mare jateula khoꞌu te thofa ke kligna nusu ra eghu. Tapla sorudi sagho mala brango mare jateula buburu eghu.

Nodi Khoje Hatimare Mae Jiu 58:7 ပူးပေါင်းရင်းမြစ်များ

Nodi Khoje Hatimare Mae Jiu 112:10

Kate filoni naikno te diꞌare puhigna mae te doglo igne na, mare na thono diꞌa tadi fara. Mare na theome magnahagheni mae igne, nu mare theo nafudi kolho eghu. Uve, unha te magnahagheni naikno te diꞌare, theome tangomana kegra haghe ba te loku fakeli na.

Josua 7:5

Maedi Ai igre ne ngolhidi maedi Israel funu ka grengathagna namono na ne ghilei tei posa ka kaisei thogele te mala dokha thina na. Eghuteuna kate ngolhodi te sukha maedi Ai ka thogele igne na, mare ne aknu falehe tolufulu namno mae ka nogna soldia mae Josua igre. Mae Israel igre ne mhaghudi mae igre ne glaꞌe soru fara gaoghathodire.

Profet Isaia 13:7

Naugna glepo igne, naiknore ginauna mhaghu nodi glaꞌe soru, eghuteuna nodi gaoghatho teke nheta re ginauna hui.

Nodi Khoje Hatimare Mae Jiu 64:3

Nodi chekere fnonu fara jateula naflahi eghu jaꞌi mei ghau iara. Mare tarabana mala ja'i ghau iara ka nodi cheke te thono diꞌa fara re.

Eksodas 15:15

Aonu hatimare mae biꞌo te mala baubatu ka phei kantri Idom nei Moab teu gre ne nanga nodi fara. Eghuteuna nodi nanheta naiknodi Kenan re ne blalho jateula nabubla hamerane ra neu kolho.

Nodi Khoje Hatimare Mae Jiu 22:14

Iara gne la theo hi kaisei nogu nolaghi te mala kegra heta na, eigna nogu nolaghi na jateula khoꞌu te thofa soru te blalho ka nusu ra eghu kolho. Nhubragure la klasuhi ka thududire. Eghuteuna gaoghathogure la blalhohi jateula suka eghu.

Fapea Samuel 17:10

Neubane nheta fara jateula lion neu nou mae soldia iagho igre, mare ginauna mhaghu nodi fara ka nafnata cheke igre. Naugna naikno te gnafa Israel igre lasenihi mae kmamu iagho na kaisei mae soldia keli, eghuteuna nogna soldia manare theome mhaghu.

Thoutonu Eigna Mae Job 4:10

Mae igre jateula lion te eha fabiꞌo ra eghu, nu God ne fanogradi mare ne lolhopa khe'i mare re.

Nodi Khoje Hatimare Mae Jiu 3:8

Lord, kaisei iagho ngala te au nolaghi te mala fakarha naikno na. Iara gne tore nigho mala fablahidi nou naikno igre.