Nodi Khoje Hatimare Mae Jiu 58:4 - Buka Blahi Ka Cheke Holo

⁴ Nodi chekere jateula mogo te faghughumhu ra eghu. Mare fofotho khulidire, jateula mogo te megli te theome nomhidi cheke ra eghu.

Nodi Khoje Hatimare Mae Jiu 58:4 ပူးပေါင်းရင်းမြစ်များ

Nodi Khoje Hatimare Mae Jiu 140:3

Foflodire jateula khe'i phanaga eghu. Uve, cheke te diꞌare jateula poesen te jifla ka foflogna u phanaga ia eghu.

Jemes 3:8

Neubane eghu ngau, theo kaisei naikno te oho te mala namha foflogna na. Naugna foflo gne tangomana te chekedi koba glepo te thono diꞌa fara re. Jaola, cheke igre jateula khori te mala falehe sasa ia eghu.

Eklesiasti 10:11

Jame kaisei mogo te kathini kaisei mae tifa, nu mana tangomana te fakmugnani mogo tuana. Nu jame te snakreni mana mogo na teke kathini mana na, unha glepo te keli gne nate toghoni mae te ohogna mogo igne?

Letas Teke Riso Tei Mae Pol Ka Khiloau Rom 3:13

“Unha te chekeni mare na, naiknore nabadi na mala lehe.” “Naugna mare cheke chaichaghi koba nei chekedire jateula mogo neu ne goigonidi naiknore.”

Matiu 23:33

“Ghotilo chaghi fara jateula pholi eghu! Ghotilo vikegna mogo faghughumhu! Ghotilo ginauna theome tangomana te rikha kokoni diꞌatagna God na! Mana ginauna fate ghami ghotilo nei kuru tei ghami ghotilo Gehena.

Matiu 3:7

Kmana mae Farasi nei mae Sadiusi eghu ne mei ka vido aheva te faꞌapublahi naikno mae Jone na, naugna mare ne magnahaghei mei apublahi ka mana. Eghuteuna, kate filodi mare na, mae Jone ne cheke eghu ka mare, “Ghotilo jateula mogo eghu! Naugna ghotilo lase chaichaghi fara! Ihei teke cheke ranghi ghami ghotilo te mala mei apublahi na, eghuteuna ihei teke cheke te mala rikhani ghotilo diꞌatagna God tela namo meihi igne?

Profet Jeremaea 8:17

Lord ne cheke eghu, “Fanomho ghotilo ia! Iara ginauna na kuru mei mogo faghughumhu ka ghotilo mala kathi ghami ghotilo. Eghuteuna ghotilo ginauna na theo kaisei nabrou nate eni ghotilo ka mogo igre te mala rikha ghami na. Thono theo tutuani fara.” Igne chekegna Lord.

Profet Isaia 11:8

Kaisei sua ginauna nairu rhegna khora te au phanaga na. Eghuteuna neuba sua igne ne habo lao khamegna na ka khora mogo igne, nu mogo igne ginauna theome kathini kolho.

Thoutonu Eigna Mae Job 20:16

Mae te diꞌa igne nairu balu mogo. Uve, mana ginauna lehe ka poesen gna mogo igne.

Thoutonu Eigna Mae Job 20:14

Neuba, ke leghu na, nafnata gano igne nake raha, eghuteuna jateula kaisei poesen eghu lamna ka thiꞌagna mana na.

Diutronomi 32:33

Puhidire jateula waen teke horo ka mogo phanaga ra eghu.

Jenesis 3:2

Gaꞌase na ne cheke eghu ka mogo na, “Ghepa tangomana te ghamu sisidi gaju te gnafa ke lamnagna nagare igne.

Jenesis 8:21

Lord ne gnanghini u fafara te famane sisiri keligna igne ne keli tagna fara ne cheke eghu, “Iara ginauna nake theome goigoni u nauthoglu igne ke tughugna puhi diꞌa teke edi naikno igre neuba iara kulu lasedihi naikno igre neke diꞌa neke mei ngala funu suadi. Nu iara ginauna nake theome goigonidi gobigna lepo te karha ka nauthoglu na igre jateula te eni iara gognaro gne eghu.

Nodi Khoje Hatimare Mae Jiu 51:7

Hata fadeleidi sagho nakhibogu iara gre, naugna iagho ngala te au nolaghi te mala titihi fagae ghau iara te mala jateula pohe vegha teu iara na.