Nodi Khoje Hatimare Mae Jiu 58:11 - Buka Blahi Ka Cheke Holo

¹¹ Naiknore ginauna cheke eghu, “Tutuani fara! God na tabadi naikno te keli re. Eghuteuna mana au na fatedi naiknogna nauthoglu igne!”

Nodi Khoje Hatimare Mae Jiu 58:11 ပူးပေါင်းရင်းမြစ်များ

Nodi Khoje Hatimare Mae Jiu 67:4

Naiknore na koje balu glealeꞌa, naugna iagho ginauna fatedi naiknore ka puhi te doglo, eghuteuna iagho na batudi naikno te gnafa ka nauthoglu igne.

Nodi Khoje Hatimare Mae Jiu 64:9

Naikno te gnafare ginauna mhaghu nodi fara ka God. Eghuteuna mare ginauna na ghathoni unha te eni God igne na toutonu eidi nogna gloku mana re.

Profet Isaia 3:10

Ghotilo cheke ka iheire te leghuni puhi te doglo na, eigna Lord ginauna fablahidi mare, naugna mare ne edi glepo te kelire.

Nodi Khoje Hatimare Mae Jiu 33:18

Nu Lord na reireghidi iheire te ghatho tahuni nei rouronuni teu nogna namha biꞌo mana na.

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Profet Malakai 3:14

“Ghotilo neke cheke eghu, ‘Tahati tore koba ka God eghuteuna God na theome togho ghita tahati, eghume mala unha site leghuni tahati chekegna mana gnea? Ka tathagna Lord mae ihei te au nolaghi fateoteꞌo igne diꞌanagnafa eidi nakhibodare, nu mana theome togho ghita ngala eghu. Eghume diꞌanagnafa te edi tahati igre theo nafudi kolho.

Profet Malakai 2:17

Mae profet Malakai ne cheke eghu, “Lord na theome magnahaghei te nomhidi nomi cheke ghotilo are. “Nu ghotilo cheke eghu fabrahu koba, ‘Naugna unha si mana te theome magnahaghedi noda cheke tahati grea?’ “Mana theome magnahaghei nomhidi nomi cheke ghotilo re naugna ghotilo ne cheke eghu fabrahu koba, ‘Lord na theome diꞌatagna ka mae ihei te tapla jafra ka nakhibo na.’ Eghuteuna ghotilo jaola cheke eghu koba, ‘Naugna unha si God te theome fatedi naiknore ka puhi te doglo gnea?’ ”

Nodi Khoje Hatimare Mae Jiu 94:2

Iagho ginauna fatedi naikno te gnafa gre. Paradi sagho naikno te fahaehaghe are, leghuni unha najafra teke eni mare na.

Nodi Khoje Hatimare Mae Jiu 92:15

Igne falalase ranghi ghita eigna puhigna Lord te thofno doglo fara na, eghuteuna jaola falalase ranghi ghita eigna God te batu ghau iara na thofno doglo fabrahu.

Nodi Khoje Hatimare Mae Jiu 18:20

Iara thofno leghudi puhi te doglo na, naugna igne Lord ne tusu ranghi ghau iara kmana glepo te keli. Kate theome eni iara kaisei najafra na, Lord ne fablahi ghau iara.

Nodi Khoje Hatimare Mae Jiu 9:8

Mana funei frunini nauthoglu igne ka puhi te doglo. Eghuteuna ka puhi te keli igne te fatedi mana naiknore.

Nodi Khoje Hatimare Mae Jiu 9:16

Lord ne falalase puhigna te doglo na kate fatedi mana naiknore. Naikno te diꞌare ne eꞌei puhi mala goigonidi keha naiknore, nu glepo igre nake figri nake goigonidi kolho thedi.

Nodi Khoje Hatimare Mae Jiu 52:8

Nu iara gne theome eghu jare. God na reireghini nakarhagu iara na gne jateula gaju oliv te au rhegna sugagna God na ia eghu. Iara fatutuani ni God eigna mana kokhoni ghau iara fabrahu tifa tifa.

Nodi Khoje Hatimare Mae Jiu 68:24

God, iagho nogu king iara, naiknore filo nigho te ulunihi iagho magra igne. Eghuteuna naiknore filo nigho iagho te tei ruma iagho ka nou suga te blahi na.

Nodi Khoje Hatimare Mae Jiu 107:42

Kate filodi glepo igre naikno te doglore, mare ne thono keli tadi fara. Nu kate filodi naikno te diꞌare glepo igre, mare neke theome gagri kaisei cheke ne faꞌikodi.