Nodi Khoje Hatimare Mae Jiu 57:4 - Buka Blahi Ka Cheke Holo

⁴ Uve, naikno diꞌa igre kegra faligoho ghau iara jateula lion te tarabana teu te mala ghamudi naikno ra eghu. Kheꞌidire fnonu fara jateula goru nei jata eghu, eghuteuna glapidire thono fnonu fara jateula naflahi mala magra eghu.

Nodi Khoje Hatimare Mae Jiu 57:4 ပူးပေါင်းရင်းမြစ်များ

Nodi Khoje Hatimare Mae Jiu 58:6

God, paradi sagho naikno te diꞌa puhidire tuare. Lord, naikno tuare jateula lion te khuru magra ra eghu, eghume paradi sagho naikno tuare eghu.

Proveb 30:14

Keha naiknore jateula nasava eghu magnahaghei te ghamu fahuidi naikno te kumare.

Nodi Khoje Hatimare Mae Jiu 35:17

God, niha fata fifilo kolho ka glepo te diꞌa gre sagho ia? Mare goigoni ghau iara jateula lion te magnahaghei ghamu ghau iara ia eghu. Mei sagho mala fakarhi ghau iara ka khamedi mae igre.

Nodi Khoje Hatimare Mae Jiu 55:21

Nogna chekere mamahe fara jateula suka eghu, nu gaoghathogna mana na theome magnahaghei kaisei naikno te cheke faparini, eghuteuna nogna cheke igre fagano salhu jateula sedi eghu mala au kmu naiknore. Nu nogna cheke mana igre fagoreho ghami ghehati jateula naflahi te fnonu eghu.

Proveb 12:18

Cheke te diꞌa na churu jateula naflahi fnonu eghu ka thiꞌadi naiknore. Nu cheke te keli na jateula meresin eghu toghodi naiknore.

Nodi Khoje Hatimare Mae Jiu 64:3

Nodi chekere fnonu fara jateula naflahi eghu jaꞌi mei ghau iara. Mare tarabana mala ja'i ghau iara ka nodi cheke te thono diꞌa fara re.

Nodi Khoje Hatimare Mae Jiu 52:2

Iagho kaisei mae chaichaghi fara. Foflomu iagho na jateula kaisei bled te fnonu fara eghu goigoni ni fara keha naikno na ka narane te ghathoni teu iagho puhi te mala goigoni ni keha naikno na.

Thakle 19:15

Mae igne au kaisei naflahi te fnonu fara te jifla mei ka foflogna na te mala tapla sorudi namono te gnafare. Eghuteuna mana ginauna heta fara kate funei frunidi naiknore. Tutuani mana ginauna fate falehedi nogna naokare te mala thokedi mare diꞌatagna God te biꞌo te au nolaghi na.

Jemes 3:6

Eghuteuna cheke te jifla mei ka foflogna naikno na jateula kaisei khaꞌaghi eghu, naugna tangomana te roꞌedi glepo te kelire. Neubane kaisei vido ikoi fara ngala ka thinida tahati na, u foflo ngala nafugna te mala jifla mei glepo te diꞌa na, eghuteuna tangomana te roꞌedi nakarhada fateo tahati re. Glepo te diꞌa igre tangomana te para ghita funu ka karhada na ghilei lehe tahati. Eghuteuna cheke te diꞌa igre neke mei funudi ka mae Satan.

Proveb 28:15

Mae lida gna kantri te eni puhi te diꞌa na, eghuteuna tapla faparidi naikno te kumare teuna, mana jateula lion te rofo fara, ba jateula bosu mata te chari te mei ra eghu kolho.

Proveb 25:18

Kate chaghi iagho eigna mae kheramu fofodu na, iagho jateula naflahi, ba gaju, ba jata eghu kolho.

Nodi Khoje Hatimare Mae Jiu 59:7

Fanomho sagho nodi chekere thono diꞌa fara pari lahu. Nodi chekere fnonu fara jateula naflahi te ravedi naikno ra eghu. Nu mare ne cheke eghu, “Ihei gne nate nomhi ghami ghehati na?” Theo ihei nga nate nomhidi mare na.

Nodi Khoje Hatimare Mae Jiu 10:9

Mana poru efrau jateula lion te efra teu ka gluma thina ra eghu. Mana poru ofodiu iheire te kuma mala fakhaledi ka nogna phighoro na, mala korho teidi delei.

Jajis 9:20

Nu jame te theo ghotilo na, Abimelek ginauna jateula khaꞌaghi eghu nhako ghotilo mae iheire teke vahini mana te mala funei na, eghuteuna puhimi ghotilo naiknomi Sekem nei Bet-Milo teu igre ginauna na jateula khaꞌaghi eghu na jaola nhako Abimelek.”

Thoutonu Eigna Mae Job 41:14

Theo kaisei naikno naba te mala tothora foflogna na. Ihei te filoni khe'igna na, mana ginauna thono mhaghu nogna fara.

Nodi Khoje Hatimare Mae Jiu 43:3

Snakre meidi sagho naphaemu nei thofno chekemu teure. Iara magnahaghedi naphaemu nei chekemu teu gre te mala batu ghau te mala atha fapulo ghau ka sugamu te blahi te au ka nou namono blahi Saion, ka vido aheva te au teu iagho na.