Nodi Khoje Hatimare Mae Jiu 57:1 - Buka Blahi Ka Cheke Holo

¹ God, kokhoni ghau iara. Naugna iara au ka puhi biꞌo te jateula goigovi biꞌo teu igne. Iara mei mala poru ka iagho jateula sua nanghaji te poru ke paridi bagignai idodi na ia eghu mala au fakeli nogu ka iagho, ghilei salaꞌu ari u puhi biꞌo jateula goigovi biꞌo teu te goigoni ghau iara igne.

Nodi Khoje Hatimare Mae Jiu 57:1 ပူးပေါင်းရင်းမြစ်များ

Nodi Khoje Hatimare Mae Jiu 91:4

Mana ginauna reireghi fakeli nigho jateula khokorako gaꞌasegna te toku tafrudi thugnare ke paridi bagigna ra eghu. Eghuteuna mana ginauna tajini nogna nhaꞌa cheke na mala reireghi nigho nei baubatu nigho eghu.

Nodi Khoje Hatimare Mae Jiu 36:7

God, puhimu iagho te namha ghami ghehati na thofno keli fara. Eghume ghehati tangomana te ari poru ka iagho na jateu sua khokorako te poru ke paridi bagi gna idodi na ia eghu mala taji fakeli ghami ghehati.

Nodi Khoje Hatimare Mae Jiu 61:4

Iara magnahaghei te au fabrahu ka sugamu iagho na ghilei lehe. Eghuteuna iara magnahaghei te au fakeli nogu ke parimu iagho jateula khokorako te toku tafru thugnare ke parigna bagignara eghu.

Nodi Khoje Hatimare Mae Jiu 63:7

Naugna iagho ne togho ghau iara koba. Iara gne au fakeli nogu ke parimu iagho jateula khokorako te toku tafru thugnare ke paradi phei bagi gnara eghu na. Eghume iara koje balu gleꞌa.

Nodi Khoje Hatimare Mae Jiu 9:10

Naikno te lase nigho re mare ginauna na fatutuani nigho. God, thosei figri tagrudi naikno te mei ka iagho te mala toghodi iagho re.

Nodi Khoje Hatimare Mae Jiu 91:1

God na fnakno kligna lahu nei au nolaghi biꞌo eghu. Naikno te rouronuni Lord te mala reireghi fakelidire na cheke eghu, “Iagho nogu God iara, eghume iara rouronu nigho. Iagho mala reireghi ghau nei baubatu ghau eghu iara.”

Thakle 21:4

Mana ginauna ghiha koko kholo te gnafa ka tathadire. Jare ginauna theo kaisei naikno tangomana teke lehe na, ba teke diꞌanagnafa na ba teke tanhi na ba teke papara na. Naugna glepo te gnafa tifa re la theohi.”

Thoutonu Eigna Rut 2:12

God gna Israel ginauna taba nigho eidi unha gloku te keli teke edi iagho ra. Eghuteuna mana ginauna reireghi fakeli nigho, naugna iagho ne mei ka mana jateula kaisei sua nanghaji te deni nogna vido mala poru na ia neu.”

Profet Isaia 26:20

Ghotilo nogu naikno iara ra! Ghotilo ruma lamna ka nomi sugare eghuteuna bobotho grengatha re! Ghotilo tei poru katha vido mala ghilei gnafa te diꞌatagna Lord igne.

Nodi Khoje Hatimare Mae Jiu 56:1

God, kokhoni ghau iara, eigna naikno gre la mei la magri ghau iara. Leuleghu fata na mae naoka igre mei kegra faligoho ghau iara.

Nodi Khoje Hatimare Mae Jiu 91:9

Lord na fnakno fara kligna lahu, eghuteuna, naugna te rouronuni iagho mana na, mana ginauna baubatu nigho, nei reireghi fakeli nigho eghu.

Nodi Khoje Hatimare Mae Jiu 13:5

Nu tutuani, iagho ginauna kokhoni ghau iara koba naugna iagho ne namha ghau iara fabrahu. Eghuteuna iara thofno glealeꞌa fara ka iagho, eigna iagho ginauna na togho ghau iara.

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Thakle 7:14

Iara ne cheke eghu ka mana, “Mae biꞌo, iara theome lasedi. Iagho ngala te lasedire.” Mana ne cheke eghu ka iara, “Naikno igre neke theome lehe ka papara biꞌo. God neke hata fadelei nakhibodire naugna Lam na neke thofa dadaragna na neke lehe. Eghume gognaro na mare klino fara ke ulugna God.

Profet Isaia 50:10

Ghotilo te gnafa igre ghatho tahuni Lord nei leghudi nogna cheke nogna mae gloku Lord ra, neuba ghotilo ne au ka narane te ninhigrana, ghotilo mala fatutuani ni mana, nanghagna na Lord. Uve, ghotilo mala rouronu ka mana.

Nodi Khoje Hatimare Mae Jiu 142:1

Iara tarai fabiꞌo ka Lord mala togho ghau mana.

Jone 16:20

Tutuani fara te chekeni iara ka ghotilo na. Naiknogna nauthoglu igne ginauna keli tadi fara ka unha nate eni mare ka iara na. Eghuteuna ghotilo ginauna tanhi nei diꞌanagnafa eghu, nu nomi diꞌanagnafa ghotilo na nake figri kau gleale'a.

Matiu 24:22

“Jame theome hata kokohi God keha narane meuna, ginauna theo kaisei naikno te karha na. Nu naugna God ne ghathodi naikno teke vavahi thegna re ne hata kokohi keha narane.

Nodi Khoje Hatimare Mae Jiu 125:1

Iheire te au nodi grouronu biꞌo ka God na, mare jateula Thogele Saion te theo ka nghali gna ba thugha gna teu ia eghu.

Nodi Khoje Hatimare Mae Jiu 59:1

Nogu God, togho ghau iara, mala theome mei goigoni ghau iara nogu naoka iara gre. Bara fothi ghau kate mei te magri ghau iara mare na.

Nodi Khoje Hatimare Mae Jiu 58:1

Ghotilo mae funeira! Ba, tore, ghotilo fatedi naiknore ka puhi te doglo? Ba, ghotilo fatedi naiknore ka nabrou te doglo?

Profet Isaia 10:25

Na theome raugha, diꞌatagu iara ka ghotilo igne ginauna ari gnafa. Iara ginauna nake figri nake paradi maedi Asiria, naugna iara ne diꞌatagu fara ka mare.”

Ululahu Samuel 24:3

Mae Sol ne mei ka kaisei gluma rhegna nabrou te au sipu na ne ruma lamna ne tei mata. Nu mae Devet balu nogna soldia mare poru lamna fara ke leghugna gluma tuana.

Ululahu Samuel 22:1

Aonu mae Devet rikha Gat ne tei au ka kaisei gluma thina ka vido Adulam. Kate nomhini te au teu mana ka vido igne, thabusigna nei vikegna teu manare ne mei ne au balugna mana.

Luku 13:34

Aonu, mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra eghuteuna fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghignara eghu. Nu ghotilo tiromi magnahagheni ngala.

Ululahu Samuel 24:8

Mae Devet jifla mei ke leghugna mana ne eha eghu tei ka mae Sol, “King!” Kate filo faleghu mae Sol na, mae Devet ghatho tahuni mana ne tuturupuku ne tufru soru pari ka glose na

Diutronomi 9:26

Ka narane tuana iara tarai ka Lord ne cheke eghu, ‘Lord nogu Funei, thosei falehedi. Naikno igre nou iagho, eghuteuna iagho neke hata fajifladi Ijep ka nou nolaghi te biꞌo nei ka khamemu te rheta tulao.

Ululahu Samuel 24:4

Nogna soldia mae Devet igre ne cheke faꞌikoi eghu ka mana, “Igne nou narane iagho te mala faleheni mana na! Lord neke chekenihi te mala lisa ari ka khamemu iagho nou naokare tekuna. Iagho tangomana te eni unha te magnahagheni iagho na.” Aonu mae Devet thoghei ne tei ke leghugna mae Sol ne kusu katha vido ka nogna pohe mana na, nu mae Sol ne theome laseni igne.

Ululahu Samuel 26:9

Nu mae Devet ne cheke faꞌikoi eghu ka mana, “Theo, iagho thosei faleheni mana! Eigna God ginauna parani ihei te faleheni king teke vavahi mana na.

Nodi Khoje Hatimare Mae Jiu 75:1

God ghehati thofno tegio nigho nei cheke fakeli nigho eghu fabrahu. Ghehati jaola cheke thakleni nou nafnakno iagho na, nei toutonudi gloku te keli eghu teke edi iagho ra.