Nodi Khoje Hatimare Mae Jiu 56:8 - Buka Blahi Ka Cheke Holo

⁸ Iagho laseni puhi biꞌo te au ka iara igne. Iara gne au diꞌanagnafa nei tanhi eghu nogu fara. Uve, iagho neke ghathoni igne neke kulu riorisonihi ka nou buka na.

Nodi Khoje Hatimare Mae Jiu 56:8 ပူးပေါင်းရင်းမြစ်များ

Fapea Kings 20:5

Lord ne cheke ranghini profet mala tei ka king mala cheke eghu ka mana, “King Hesekaea, Lord nogna God mae kuꞌemu King Devet na ne cheke eghu: Iara la nomhinihi nou tharai iagho ia, eghuteuna iara filoni te tanhi nei diꞌanagnafa teu iagho ia. Iara ginauna nake fakeli fapulo nigho, eghuteuna ka fatilo narane ke leghugna gognarogne iagho tangomana te tei ka Sugablahi na.

Nodi Khoje Hatimare Mae Jiu 39:12

“Lord, fanomho fakeli ka nogu tharai gre, mala mei togho ghau. Eigna iara gne jateula teke edi mae kmagu tifara eghu au katha vido kmo'ei kolho balumu iagho ka nauthoglu igne.

Profet Malakai 3:16

“Ke leghu na, naikno te ghatho tahuni Lord igre ginau cheke fari thedi, eghuteuna Lord ginauna fanomho ka unha te chekedi nogna naikno te ghatho tahuni Lord igre, nei mhaghu teu igre ginauna rioriso soru ka buka mala ghathodiu.

Thakle 7:17

Naugna Lam na te au ka nogna sape nafnakno mae King na, mana ginauna reireghidi jateula kaisei mae te reireghidi nogna sipura eghu. Mana ginauna baubatudi mala tei koꞌu ka khoꞌu glokha te tusu ranghidiu u karha. Eghuteuna God ginauna nuju koko kholo te gnafa ka tathadire mala theome tangomana mare te diꞌanagnafa na.”

Nodi Khoje Hatimare Mae Jiu 139:16

Kate theome karha nga teu iara na, iagho filo ghau iara. Ame fufunu nga narane gre ka nakarhagu iara na teuna, iagho neke tutu fakelihi igre neke rioriso soruhi ka nou buka na.

Matiu 10:30

Filo si ghotilo, God na kafe lase ghami ghotilo hui jateula mana te kafe lasedi niha khakla te au ka phaꞌumi ghotilo re

Nodi Khoje Hatimare Mae Jiu 121:8

Lord ginauna reireghi ghita kate jiflada na ba kate ruma meida na, funu gognaro gne tifa e tifa.

Hibru 11:13

Naikno te gnafa tifa igre fatutuani ni God neke ghilei lehe. Kate au ka nauthoglu igne, mare neke theome hata gobigna lepo God teke nhaꞌa cheke ranghidi. Mare jateula te kegra teu delei te filo lao eghu kolho, eghuteuna mare gleꞌani unha nate thoke mei ginauna. Mare ne cheke eghu, “Ghehati jateula mae phosa eghu kolho kau nauthoglu igne.”

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Thoutonu Eigna Mae Job 16:20

Mana togho ghau iara eghuteuna mana mae kheragu iara ka narane te oro soru kholodi phei tathagu iara gre, naugna iara tanhi fara ka God.

Thakle 20:12

Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.

Hibru 11:38

Nauthoglu igne theome keli nabadi mare! Mae fatutuani gre au tafri kolho ka namono nagou ba kau thogele, ba lamna gluma thina ba ka khora glose.

Ululahu Samuel 27:1

Nu mae Devet ne cheke eghu ka gaoghatho gna thegna na, “Keha narane mae king Sol ginauna falehe ghau iara. Te keli na iara na rikha tei au Filistia. Jame te tei au iara jare na, mana ginauna na theome hiro ghau iara agne Israel. Mana ginauna theome tangomana te goigoni ghau iara na.”

Ululahu Samuel 19:18

Mae Devet rikha ne tei Rama ka mae Samuel. Aonu mana ne toutonu ka mae Samuel unha te eni king Sol ka mana na. Aonu phiamare jifla Rama ne tei Naeot.

Hibru 11:8

Mae Ebraham neke fatutuani ni God, eigna igne mana ne leghuni God kate kiloni mana mala jifla kokoni nogna namono na mala tei ka keha namono delei, ka vido aheva God nate tusu ranghini mana. Mana jifla ne tei neuba ne theome laseni aheva nate tei na.

Fapea Korin 11:26

Kmana fata ka nogu thei na, iara namo lehe ka khoꞌu biꞌo ba ka naikno te blau, ka kheragu fofodu mae Jiu, nei ka iheire te theome Jiu. Iara namo lehe ka namono biꞌo, nei ka namhata, nei ka thongna. Eghuteuna iara namo lehe ka iheire te chekeni “Ghehati naikno khiloau” nu mare chaichaghi kolho.

Profet Jeremaea 18:23

Lord, iagho lasedihi gaoghatho te diꞌa te mala falehe ghau iara teu mae igre. Iagho thosei atha fadelei nakhibodire! Diꞌa tamu sagho ka mare, eghuteuna lisa lao ka mae naokare mala goigonidi mare ka tathamu iagho na.