Nodi Khoje Hatimare Mae Jiu 56:7 - Buka Blahi Ka Cheke Holo

⁷ God, diꞌatamu sagho e tapla sorudi mala theo nafudi kolho mare. Fakokhoanadi sagho eidi puhi te diꞌa te edi mare are.

Nodi Khoje Hatimare Mae Jiu 56:7 ပူးပေါင်းရင်းမြစ်များ

Nodi Khoje Hatimare Mae Jiu 55:23

God, iagho ginauna kuru teidi iheire te falehe naikno nei chaichaghi teu are mala tei au mare ka namonodi naikno te au ka glehera mala snivi fabrahu mare. Narane te mala lehedire na ghosei mei kolho. Nu iara gne fatutuani nigho iagho fabrahu kolho.

Profet Habaku 1:13

Iagho thono blahi fara, eghuteuna iagho theome magnahaghei te filoni kaisei glepo te diꞌa. Naugna unha sagho te au kmu te theome paradi naiknodi Babilonia te diꞌa igrea? Mare lalamadi fara naikno te doglo te uludi mare igre.

Profet Jeremaea 10:25

Fakakhana te diꞌatamu na sagho ka naiknodi keha kantri te theome ghatho tahu nigho are, nei iheire te theome tarai ka iagho teu are. Naugna, mare neke goigoni ghami ghehati vikegna mae Jekop, eghuteuna mare jaola goigoni nomi glose nei nomi suga teu ghehati gre.

Profet Jeremaea 7:10

Kate edi te gnafa ghotilo puhi igre, ghotilo ruma mei ka Sugablahi na mala mei tarai ka iara. Kate mei te namo ghotilo ka iara na, ghotilo cheke eghu, “Ghehati keliu kolho!” Nu ke leghugna te jifla ka nogu Sugablahi iara na, ghotilo ke tei edila glepo te thono diꞌa fara igre.

Profet Isaia 28:15

Naugna ghotilo neke chekeni te ghotilo neke eni kaisei nhaꞌa cheke balugna Glehe, eghuteuna ghotilo jaola neke nhaꞌa cheke balugna Beku. Eghume te ghathoni ghotilo na ghotilo ginauna na theome tangomana te lehe na jame te thoke ghami puhi biꞌo na, naugna ghotilo rouronudi nomi cheke chaichaghi nei saosagro teu are nate fakarhi ghami na.

Eklesiasti 8:8

Ka narane glehe na tharungada tahati na magnahaghei te tei kokoni thinida tahati na, eghuteuna tahati theome naba te lothini na. Eghuteuna tahati theome naba te tughu naranegna glehe na. Ka narane te magra na, hatimare mae ofisa theome tangomana te snakredi mae soldiare te tei kokoni magra na teke pulo ka namono na. Jateula tuana eghu ihei te leghuni puhi te diꞌa na, mana na theome tangomana te lisa kokoni puhi te diꞌa igne te mala fakarhani thegna na.

Nodi Khoje Hatimare Mae Jiu 55:15

Gaoghatho te diꞌa na la kulu fodu hi ka thi'adi nei sugadi teu nogu naoka iara re. Eghume iara magnahaghedi mare te mala ghosei te lehe na. Kate karha nga teuna, mare mala kafe tei ka namonodi mae tela lehehira.

Nodi Khoje Hatimare Mae Jiu 55:9

Iara filodi naikno te au ka namono biꞌo na, mare faphoaphola nei magra eghu. Lord, roꞌe noudi sagho nodi groghe te edi mae naoka are.

Nodi Khoje Hatimare Mae Jiu 36:12

Filo si ghotilo. Mae te diꞌa ra khoko soru pari thuru lau ka glose na. God neke koko sorudi mae te diꞌare pari ka glose na, eghuteuna mare theome tangomana na teke kegra haghe na.

Nodi Khoje Hatimare Mae Jiu 37:32

Mae te diꞌa na tangomana te poru te fiofiloni teu mae te keli na, mana magnahaghei te filoni kaisei nabrou te mala faleheni mae te keli na.