Nodi Khoje Hatimare Mae Jiu 56:5 - Buka Blahi Ka Cheke Holo

⁵ Funu hamerane te ghilei posa fei grafi na nogu naoka iara re, mare magnahaghei te eni puhi diꞌa na ranghi ghau iara. Leuleghu fata na mare gaoghatho fara mala filoni kaisei nabrou te mala goigoni ghau iara na.

Nodi Khoje Hatimare Mae Jiu 56:5 ပူးပေါင်းရင်းမြစ်များ

Luku 11:54

Mare ne fariuriu saosagroni mae Jisas mala cheke fajafra mana.

Matiu 22:15

Hatimare mae Farasi ne tei kokoni vido te farirhiu mae Jisas igne. Mare hara phoge mala saosagroni mae Jisas baludi kaisei gusna.

Nodi Khoje Hatimare Mae Jiu 41:7

Mae te theome magnahaghei ghau iara igre mare cheke faꞌikoi fari thedi eigna fogra iara igne. Nei keli tadi fara ka nonomho te diꞌa eigu iara na.

Fapea Pita 3:16

Mae Pol neke rioriso eigna igne ka nogna letas te gnafare. Ka nogna letas mana re, keha chekere ninhigrana fara. Keha naiknore theome lasedi glepo tuare, naugna nodi fatutuani theome heta. Eghume mare tughu koba gaoghathodi nogna cheke mana re ghilei tei ka keha nabroui. Mare jaola rurutha fajafra keha grioriso te blahire. Nu mare roꞌedi thedi kolho kate eni tuana.

Ululahu Samuel 18:21

Mana ne cheke eghu ka nagnafagna na, “Keli fara te snakreni iara Mikal gne ka mae Devet, gaꞌase igne kaisei nabrou te mala lehe mana ka maedi Filistia igre.” Aonu mana ne cheke eghu ka mae Devet, “Igne fapea nhaꞌa cheke iara ka iagho te mala tolaghi ka thugu gaꞌase na.”

Jone 2:19

Mae Jisas ne cheke eghu ka mare, “Jame paꞌe soru ghotilo Sugablahi igne na, iara ginauna ke babana fapulo ka fatilo narane na.”

Ululahu Samuel 18:17

King Sol ne cheke eghu ka mae Devet, “Iara magnahaghei nigho iagho te tolaghi ka thugu gaꞌase biꞌo lahu iara Merab. Nu praes gna thugu iara igne, iagho mala nogu mae soldia nheta iara, eghuteuna iagho mala loku rheta fabrahu gaoghathomu na ka iara. Iagho mala tei koba ka magra leghuni unha te chekeni Lord ka iagho na.” Mae Sol magnahagheni mae Devet te tei lehe ka magra, eigna mana theome tangomana te faleheni mana na. Eghume, te ghathoni mana na, armi gna Filistia kolho te tangomana te faleheni mana na.

Matiu 26:61

“Ghehati nomhini mae igne neke cheke eghu, ‘Iara tangomana te paꞌe soru nogna Sugablahi God igne, eghuteuna ke babana fapulo ke lamnadi thilo narane.’ ”

Profet Jeremaea 18:18

Naiknore ne cheke eghu, “Tore, tahati na hironi kaisei nabrou te mala fadiꞌani mae profet igne. Nogna cheke mana igre theome tutuani. Mae pris igre ginauna au baluda fabrahu te mala farirhiu ghita na. Eghuteuna mae glalase igre ginauna au baluda fabrahu te mala tusu ranghi ghita gaoghatho te keli na. Eghuteuna noda mae profet tahati igre jaola au baluda te mala toutonu ranghi ghita nodi cheke hatimare mae profet ra. Eghume tahati tiroda fanomho ka nogna cheke mae Jeremaea igre.”

Ululahu Samuel 18:29

Mae Sol ne mhaghuni fara mae Devet ne ghilei nogna naoka fabrahu mana ka nakarhagna na.

Ululahu Samuel 20:33

Kate nomhini King Sol cheke igne, mana ne rogna fadi faleheni mae Jonatan ka jata. Aonu mae Jonatan laseni mae kmagna na magnahaghei te faleheni mae Devet.

Ululahu Samuel 20:7

Jame te cheke eghu mana na, ‘Keliu ngala’ teuna, keliu kolho ka iara. Nu jame te diꞌatagna mana na, iagho laseni mana ghaoghathonihi te mala goigoni ghau iara na.

Ululahu Kings 18:2

Aonu mae Elija kegra haghe ne tei filoni King Ehab. Ka narane igre, grofo na thofno diꞌa fara jare Samaria.

Nodi Khoje Hatimare Mae Jiu 118:6

Iara ginauna theome mhaghu naugna Lord na au balugu iara. Naiknore theome tangomana te eni kaisei glepo te diꞌa te mala goigoni ghau iara na.