Nodi Khoje Hatimare Mae Jiu 56:13 - Buka Blahi Ka Cheke Holo

¹³ Eigna iagho ne theome snakreni te lehe iara na ne fakarhi ghau iara. Eghume iara mala kaisei thei ngala balumu iagho ka vido aheva te au iagho baludi nou naiknore te phae fabrahu na.

Nodi Khoje Hatimare Mae Jiu 56:13 ပူးပေါင်းရင်းမြစ်များ

Thoutonu Eigna Mae Job 33:30

Leghu fata na, mana theome snakredi naiknore mala soru pari ke lamna beku, eghuteuna mana eni nogna juta na mala agha tei tadi.

Nodi Khoje Hatimare Mae Jiu 145:14

Leuleghu fata na mana toghodi iheire te au ka hoholo nei farerheta gaoghathodi iheire te nigra.

Nodi Khoje Hatimare Mae Jiu 49:15

Nu God ginauna fakarhi ghau iara kau glehe.

Ululahu Tesalonika 1:10

Jaola te chekeni mare na ghotilo ofoni Thugna God mala mei vuha kligna. God neke fakarha fapuloni mae Jisas ka glehe mala tangomana mana te fakarhi ghita ka fate nogna God nate mei tutuani thogheiro.

Nodi Khoje Hatimare Mae Jiu 17:5

Leuleghu fata na iara leghuni nabroumu iagho na. Eghume iara theome tangomana te snivi ka nabrou na.

Profet Isaia 2:5

Ghotilo vikegna mae Jekop ra, mei mala leghuni tahati Lord mae ihei teke falalase ranghi ghita nabrou karha na.

Jenesis 17:1

Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Profet Isaia 38:3

“Lord, ghatho ghau. Iara loku ranghi nigho ka nogu nolaghi fateote'o nei ka gaoghathogu fateote'o, eghuteuna iara fariuriu fara te mala edi gobigna lepo te magnahaghedi iagho re.” Eghuteuna kate tore te gnafa na, mana ne funu tanhi fabiꞌo naugna mana ne diꞌanagnafa fara.

Nodi Khoje Hatimare Mae Jiu 94:18

Lord God, kate eha eghu iara na, “Iara gne la namo lehehi,” nu naugna te biꞌo fara iagho nou namha na, iara gne theome tangomana te lehe na.

Jemes 5:20

Iara magnahaghei ghami te mala thofno lase fakelini igne: God ginauna na hata fadelei nakhibogna mana re nei fakarhini mana eghu ka glehe. Naugna ghotilo neke toghoni mana neke koko fahui nakhibogna mana re mala figri mana ka thofno nakarha te keli na. Me gnafa. Iara, mae Jemes.

Hibru 2:15

Eghuteuna, mae Jisas neke vuhai naikno mala tangomana te snagla iheire te mhaghuni glehe fabrahu funu tifa.

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Fapea Korin 1:10

God neke fakarha ghami ghehati kate namo lehe na, eghuteuna mana jaola ginauna nake fakarha ghami ghehati ke leghu na. Ghehati fatutuani ni fara igne eigna mana na fakarha ghami ghehati fabrahu,

Levitikas 23:38

Narane biꞌo te gnafa igre ghotilo mala jaola tathaji fakeli narane Sabat te gnafa, nei namha te gnafa, nei nhaꞌa cheke te gnafa, nei nogna fafara te gnafa mae ihei te leghuni unha te magnahagheni mana.