Nodi Khoje Hatimare Mae Jiu 55:19 - Buka Blahi Ka Cheke Holo

¹⁹ God na King funu tifa mei ngala kani theome au nga teku nauthoglu igne te ghilei mei posa gognaro gne. Mana ginauna na nomhidi nogu tharai iara re, eghuteuna mana ginauna na tapla sorudi mae naokare te rodi magri ghau iara re. Naugna mare theome mhaghuni mana, eghuteuna mare theome tangomanadi te tughu nodi puhi te diꞌare eghu.

Nodi Khoje Hatimare Mae Jiu 55:19 ပူးပေါင်းရင်းမြစ်များ

Diutronomi 33:27

Ghotilo tangomana te au fakeli ka God mae ihei te karha te tifa. Leuleghu fata na, mana theome gnafa te loku ka khamemi ghotilore te mala togho ghami ghotilo na. Ka narane te cheke ka ghotilo te mala goigonidi nomi naoka ghotilore, mana ginauna ngolhi fajifladi.

Profet Sefanaea 1:12

Ka Narane tuana, iara ginauna hata juta mala tei hiro ke lamnagna namono biꞌo Jerusalem. Iara na jaola paradi naikno te rouronu kolho ka nodi nanheta thedi te cheke eghu igre, ‘Lord na fiti au nogna kolho, theome eni kaisei glepo te keli te mala togho ghita tahati na, ba eni kaisei glepo te diꞌa te mala para ghita tahati.’

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Profet Jeremaea 48:11

“Lord ne cheke eghu, Leuleghu fata na naiknodi Moab igre au fakeli nodi koba, neke theome tei sosolo ka keha kantri delei. Kantri igne au muana jateula waen te theome totoho kasa ka keha botol ra eghu kate enigna waen na. Aonu maimani gna nei sisiri gna teuna thofno keli fara.

Eklesiasti 8:11

Kate theome ghosei te paradi mare naikno te edi puhi te diꞌa re, keha naiknore magnahagheni kolho te eni puhi te diꞌa na.

Kolose 1:17

Mae Kraes neke kulu au ke uludi gobigna lepore, eghuteuna ka nogna nolaghi mana te loku fodudi gobigna lepore.

Profet Isaia 36:20

Ghehati neke tei magra ka kmana kantri te au kmana god tadi. Nu theo kaisei nodi god kantri igre te fakarhi nogna kantri na te mala nigra ghehati ka magra na. Eghume faꞌunha eghu tangomana Lord te toghoni Jerusalem ka nogu nolaghi iara na?”

Proveb 1:32

Iheire te theome au tadi gaoghatho te keli na ginauna lehe, naugna mare ne figri tagru ghau iara. Eghuteuna naikno te fameomekro re ginauna lehe naugna ne tirodini puhi te doglo na.

Nodi Khoje Hatimare Mae Jiu 143:12

Naugna te biꞌo iagho nou namha na ka iara gne, falelehe sagho nogu mae naoka iara gre, eigna mare goigoni ghau iara fara nou mae gloku gne.

Nodi Khoje Hatimare Mae Jiu 78:59

Kate filodi mana glepo igre, mana ne hongoni fara ka mare ne thono diꞌatagna fara.

Nodi Khoje Hatimare Mae Jiu 65:5

Kate tore ari nigho ghehati na, iagho cheke tughu ghami ghehati, ne tangomana ghehati te uluni u magra na. Iagho edi glepo biꞌo te mala fakarhi ghami ghehati na. Naikno te gnafa ka nauthoglu igne fatutuani nigho iagho.