Nodi Khoje Hatimare Mae Jiu 55:17 - Buka Blahi Ka Cheke Holo

¹⁷ Fei hamerane nei fei naublatha nei fei grafi teuna iara tanhi ka mana eidi puhi te fadiꞌa ghau re. Eghuteuna mana ginauna na nomhidi nogu tharai iara re.

Nodi Khoje Hatimare Mae Jiu 55:17 ပူးပေါင်းရင်းမြစ်များ

Efesus 6:18

Kate edi ghotilo glepo igre, ghotilo tarai nei toreni God eghu mala togho ghami mana. Tarai fabrahu ka nogna nolaghi mae Tharunga te Blahi. Tutuani, ghotilo tarabana fakeli koba nei thosei babaꞌo nei taraidi koba hatimare nogna naikno God fateote'o.

Ululahu Tesalonika 5:17

Tarai koba.

Nodi Khoje Hatimare Mae Jiu 141:2

Iara magnahaghei nigho iagho te glealeꞌa ka nogu tharai iara gre, jateula iagho te glealeꞌa kate gagahu haghe ka iagho u insens te gahu mare pris ra eghu. Uve, Lord, iara magnahaghei nigho iagho te glealeꞌa ka iara kate ngafa haghe iara khamegu na te tarai ka iagho na, jateula iagho te glealeꞌa kate fafara grafiro ra eghu.

Mae Khuru 3:1

Kaisei narane, tanhi thiloi fei grafi, mae Pita ghe mae Jone ne tei ka Sugablahi na mala tarai. Igne nodi vido narane mala tarai hatimare mae Jiu.

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Mae Khuru 10:9

Kate mei namo thilomare Jopa farihotei aublatha ka keha narane na, mae Pita na la kulu haghehi ka chogho ke kligna suga na mala tarai.

Nonomho Te Keli Teke Risoi Mae Mak 1:35

Hamerane boibongi ka keha narane na, mae Jisas dofra ne jifla ka suga na. Mana tei ka kaisei vido te nagou ne tarai jare.

Profet Daniel 6:10

Neuba mae Daniel ne laseni tela riorisohi king nanghagna na ka vetula igne, mana kegra ne tei ka nogna suga na. Aonu mana ruma lamna ka nogna chogho na ne tuturupuku soru pari ne tarai rhegna wida te filo soru ka namono biꞌo Jerusalem. Mae Daniel ne thilo fata tarai leuleghu narane ne kilo fnaknoni God. Ka narane igne, mana ne jaola ne tarai jateula te eni koba thegna leuleghu narane igne neu.

Nodi Khoje Hatimare Mae Jiu 119:62

Neubane farihotei bongiro, iara dofra mala cheke fakeli nigho, naugna nou vetula iagho re thofno doglo fara.

Nodi Khoje Hatimare Mae Jiu 92:2

Thofno keli fara iara te koje fafnakno nigho ka soasopai nafnata gita na mala thofno cheke fajifladi puhimu iagho te keli fara re. Leuleghu hamerane na, thofno keli fara te mala cheke fajiflani iara eigna te biꞌo fara iagho nou namha na. Eghuteuna leuleghu grafi na, thofno keli fara te mala cheke fajiflani iara eigna iagho te tajidi nou nhaꞌa chekera.

Mae Khuru 10:30

Mae Konilias ne cheke eghu, “Uve ghema, gognaro na la thokehi ka fafati narane ke leghugna teke tarai iara ka sugagu na, tanhi thiloi fei grafi jateula gognaro gne eghu. Kaisei mae te poko siasigla megei nga ne thakle ke ulugu iara,

Nonomho Te Keli Teke Risoi Mae Mak 6:46

Ke leghugna te kuru teidi re, mana ne haghe ka thogele na mala tarai.

Nodi Khoje Hatimare Mae Jiu 88:13

Lord God, neubane eghu ngau, leuleghu hamerane na iara tarai ari koba ka iagho, eghuteuna iara tanhi ari ka iagho mala togho mei ghau.

Mae Khuru 10:3

Kaisei narane naba tanhi thiloi fei grafi, mae Konilias ne thofno filo tathagna kaisei engel nogna God ka mifi na. Engel na ne mei ka suga na ne cheke eghu ka mana, “Ghema Konilias!”

Profet Daniel 6:13

Aonu mare ne cheke eghu ka mana, “King, filo sagho. Mae Daniel, maegna Juda igne mana theome leghuni nou cheke iagho na. Eghuteuna mana jaola theome leghudi vetula teke lilisei iagho ra. Leuleghu fata na mana tarai koba ka nogna God thegna na thilo fata ke lamnagna kaisei narane.”

Nonomho Te Keli Teke Risoi Mae Mak 6:48

Mae Jisas ne filodi nogna mae fanomhore ne loku manigra ka ghorhagna mola na, naugna nuri na ne au ke uludi mare. Fari hotei tanhi thiloi nei tanhi namnoi eghu hamerane te mei mae Jisas ka mare na, nonolo ne mei ke tagru kholo. Mana nonolo ne mei ne namo sala'udi mare.

Lamentations 3:8

Neuba iara ne eha ka mana, mana tirogna fanomho ka nogu tharai iara na.

Thoutonu Eigna Mae Job 19:7

“Neuba iara ne eha mala mei togho ghau neu, nu theo kaisei naikno te cheke tughu ghau iara na. Eghuteuna kate eha iara ka ihei te mei togho ghau na, nu theo kaisei te eni glepo te doglo ranghi ghau iara na.

Nodi Khoje Hatimare Mae Jiu 72:12

Mae king igne mala fakarhidi iheire te theo kaisei nodi glepo, nei iheire te kilo lao ka mana. Mana ginauna toghodi iheire te kuma nei iheire te theo kaisei naikno te toghodi.

Nodi Khoje Hatimare Mae Jiu 77:2

Kate thoke ghau puhi na iara tarai ka noda Lord. Funu grafi posa hamerane, iara ngafa haghe fabrahu khamegure ka tharai. Neuba, gaoghatho gu iara na theome nheta kolho.