Nodi Khoje Hatimare Mae Jiu 55:13 - Buka Blahi Ka Cheke Holo

¹³ Nu theo eghu, iagho ngala. Iagho thofno mae kheragu fofodu iara!

Nodi Khoje Hatimare Mae Jiu 55:13 ပူးပေါင်းရင်းမြစ်များ

Profet Maeka 7:5

Ghotilo mala thosei rouronuni kaisei naikno neubane thofno kheramu ba khetomu. Ghotilo mala faghuai eghu ka cheke te chekedi ghotilo ka khetomi gaꞌase ba khetomi nalhaꞌu te thofno namhadi fara, naugna ghotilo jaola theome rouronudi nafnata naikno igre.

Fapea Samuel 15:12

Kate fafara na, mae Absalom ne fatei cheke ka mae Ahitofel, kaisei nogna advaesa mae king Devet te au ka namono Gilo. Mae Ahitofel jifla Gilo ne mei ka mae Absalom. Nogna gaoghatho mae Absalom te mala tapla faparini mae king Devet igne ne thofno keli fara. Eghuteuna kmana naikno funu mei toghoni mana.

Profet Jeremaea 9:4

Ghotilo naiknora filo fakelidi kherami themi are! Glahula roghe poru ghami mare te mala mei te goigonini ghami ghotilo na! Theo kaisei naikno te fatutuani ni kheragna thegna na, naugna kherada theda igre jateula mae Jekop eghu chaichaghi ghita koba.

Nodi Khoje Hatimare Mae Jiu 41:9

Mae kheragu thofno ba te rouronuni nei ghamu fodu teu iara balugna na, mana jaola tapla fapari ghau iara.

Fapea Samuel 16:23

Ka narane tuare, gaoghathodi naiknore, u cheke te edi mae Ahitofel igre thofno keli fara neke mei funudi ka God. Neubane mae Devet ba mae Absalom thofno leghudi fara nogna cheke mae Ahitofel igre.

Luku 22:21

Mae Jisas jaola ne cheke eghu, “Kaisei mae ka ghotilo ginauna majora ghau iara. Mana gnokrou ngala agne balugu iara.

Jone 19:13

Mae Paelat nomhidi unha te chekedi mae Jiu igre ne atha fajiflani mae Jisas ke kosi suga. Mae Paelat ne gnokro ka sape mala fate te kiloi “Thabasoa” na, ka cheke Hibru na “Gabatha”.

Nodi Khoje Hatimare Mae Jiu 41:10

Lord, kokhoni ghau nei fakarha fapulo ghau eghu iara ka fogra te thoko ghau iara igne, eghuteuna iara nake tusu fapulo ka nogu naoka re unha teke eni mare ka iara na.