Nodi Khoje Hatimare Mae Jiu 55:1 - Buka Blahi Ka Cheke Holo

¹ God, fanomho mei ka nogu tharai gre. Thosei figri mei thagrumu na kate tanhi iara na.

Nodi Khoje Hatimare Mae Jiu 55:1 ပူးပေါင်းရင်းမြစ်များ

Ululahu Pita 3:12

Naugna Lord na reireghi fakelidi naikno te doglore. Eghuteuna mana tangomana te fanomho ka nodi tharaire, nu mana figri lao thagrugna na ka naikno te edi puhi te diꞌare.”

Nodi Khoje Hatimare Mae Jiu 86:6

Lord God, fanomho mei ka nogu tharai gre. Uve, fanomho mei sagho mala togho ghau iara ka vido te tanhi ari iara ka iagho na.

Nodi Khoje Hatimare Mae Jiu 61:1

God, fanomho ka nogu natanhi gre, fanomho ka nogu tharai gre.

Nodi Khoje Hatimare Mae Jiu 27:9

God, thosei poru ka iara, naugna iagho mae ihei te fakarhi ghau iara na. Iara nou mae gloku iagho, thosei diꞌatamu ka iara. Iagho neke togho ghau iara kmana fata, thosei tei koko ghau iara.

Nodi Khoje Hatimare Mae Jiu 80:1

God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.

Nodi Khoje Hatimare Mae Jiu 64:1

God, iara gne au ka puhi biꞌo, fanomho mei ka nogu tharai iara gre. Iara mhaghu nogudi fara mae naoka gre. Togho mei ghau iara mala thosei mei falehe ghau iara mare.

Nodi Khoje Hatimare Mae Jiu 84:8

Lord God, iagho nogna God ku'emi Jekop, iagho mae ihei te thofno nolaghi fara ia, fanomho mei ka iara. Uve, iagho fanomho mei ka nogu tharai iara gne.

Nodi Khoje Hatimare Mae Jiu 80:4

Lord God, ka iagho ngala te au nolaghi fateote'o na. Niha fata diꞌatamu nei tirou cheke tughudi eghu sagho nomi tharai ghehati grea?

Nodi Khoje Hatimare Mae Jiu 5:1

Lord, iagho laseni te au diꞌanagnafa iara gognaro gne. Nomhi meidi nogu tharai gre.

Lamentations 3:8

Neuba iara ne eha ka mana, mana tirogna fanomho ka nogu tharai iara na.

Nodi Khoje Hatimare Mae Jiu 143:7

Lord God, cheke tughu mei sagho gognaro gne! Eigna iara gne la namo nigrahi. Thosei lisei koko ghau, na eghunu lehe iara eghu.

Nodi Khoje Hatimare Mae Jiu 28:1

Lord, iara kilo nigho iagho, iagho nogu vido keli mala poru iara. Fanomho mei ka nogu tharai iara gre. Jame te theome cheke tughudi iagho nogu tharai iara gre na, iara ginauna lehe nei tei au baludi naikno teke lehe tela arihi ka namonodi naikno tela lehehi tifa ra.

Nodi Khoje Hatimare Mae Jiu 17:1

Lord, iara la khale ka puhi. Fadoglini tagu puhi igne. Fanomhi ghau, nei togho ghau eghu eigna iara theome chaghi.

Nodi Khoje Hatimare Mae Jiu 6:1

Lord, neubane diꞌatamu iagho ka iara, iagho thosei cheke fabiꞌo ghau nei para ghau eghu iara.

Lamentations 3:56

“Lord! Fanomho mei ka iara, thosei fofotho khulimu na kate tanhi ari iara ka iagho na!”