Nodi Khoje Hatimare Mae Jiu 54:7 - Buka Blahi Ka Cheke Holo

⁷ Iagho neke hata fadelei ghau iara ka puhi teke edi mare ranghi ghau iara ra, eghuteuna iara filodi nogu naoka iara ra la theo nafudi kolho.

Nodi Khoje Hatimare Mae Jiu 54:7 ပူးပေါင်းရင်းမြစ်များ

Nodi Khoje Hatimare Mae Jiu 59:10

Nogu God, iagho namha ghau iara fara, eghuteuna iagho ginauna na mei mala togho ghau iara. God iagho ginauna snakre ghau iara mala filodi nogu naokare te ari te theo nafudi kolho are.

Nodi Khoje Hatimare Mae Jiu 112:8

Mana theome tangomana te ghatho peapea nei mhaghu teuna, naugna mana laseni nogna naoka mana re ginauna theo nafudi kolho.

Nodi Khoje Hatimare Mae Jiu 92:11

Iara neke filodihi te tapla sorudi God nogu naokare. Iara neke nomhidihi kate au papara nei tanhi teu naikno te diꞌa teke magri ghau iara gre.

Nodi Khoje Hatimare Mae Jiu 118:7

Lord ngala te tangomana te togho ghau iara na, eghume iara ginauna filoni mana mala tapla faparidi hatimare mae naoka.

Fapea Timoti 4:18

Lord Jisas Kraes ginauna hata fajifla ghau iara ka glepo te diꞌa fateote'o, eghuteuna hata tei ghau ka namono kligna aheva mana te King. Tahati kilo fnaknoni mana tifa tifa! Amen.

Nodi Khoje Hatimare Mae Jiu 91:8

Iagho ginauna na khogla filo tathamu kolho, kate paradi God naikno te diꞌare.

Nodi Khoje Hatimare Mae Jiu 37:34

Fatutuani ka Lord nei leghudi nogna puhi mana re eghu. Te eghu iagho na, mana ginauna fafnakno nigho iagho, eghuteuna iagho na tangomana te khotogna vido glose teke tusu ari mana ka iagho igne. Eghuteuna iagho ginauna na filoni mana nate kuru teini mae te diꞌa na.

Nodi Khoje Hatimare Mae Jiu 34:19

Kmana glepo te diꞌa thoke mei ka nogna naikno Lord re, nu Lord na toghodi mala theome tangomana glepo te diꞌa igre te tapla sorudire.

Nodi Khoje Hatimare Mae Jiu 34:6

Iara gne theo ihei nga te kokhoni ghau na, nu kate tore iara na, Lord nomhi ghau iara ne togho ghau iara ne atha fadeleidi puhigu iara re.

Ululahu Samuel 26:24

Ginei ia iara neke ghatho tahuni nakarhamu iagho na. Eigna iara magnahagheni Lord te ghatho tahuni nakarhagu iara na mala atha fajifla ghau ka puhi te thoke ghau iara igne.”

Jenesis 48:16

Iagho neke thakle ka iara jateula kaisei engel neku neke fakarhi ghau iara ka hoholo ra. Gognaro gne iagho fablahidi phei mae sitei igre. Iagho mala jaola mala fablahidi thudi phia mare re mala kaisei vike biꞌo fara ginauna. Mare ginauna mala theome ghatho ihoni nanghagu iara na, nei nanghagna mae Ebraham nei nanghagna mae Isak.”

Fapea Samuel 4:9

Nu mae Devet ne cheke eghu ka phiamare thabusigna igre, mae Rekab ghe mae Bana, “Ka nanghagna Lord, mae ihei te karha te tifa, nei hata fajifla ghau iara ka puhi te biꞌo igre, iara cheke kate tutuani fara ka ghopa.

Nodi Khoje Hatimare Mae Jiu 143:12

Naugna te biꞌo iagho nou namha na ka iara gne, falelehe sagho nogu mae naoka iara gre, eigna mare goigoni ghau iara fara nou mae gloku gne.