Nodi Khoje Hatimare Mae Jiu 53:2 - Buka Blahi Ka Cheke Holo

² God au neu kligna ne filo soru ka naiknore. Mana magnahaghei te filodi keha naikno te au tadi glalase te keli te mala tufru soru ranghini nei leghuni mana eghu.

Nodi Khoje Hatimare Mae Jiu 53:2 ပူးပေါင်းရင်းမြစ်များ

Profet Isaia 55:6

Ghotilo figri ka Lord! Mana gognarona au balumi ghotilo, eghume ghotilo tarai ka mana.

Nodi Khoje Hatimare Mae Jiu 111:10

Mae ihei te magnahaghei mae glalase na, mana mala ghatho tahuni Lord. Uve, mana tusu lao glalase te keli ka iheire te leghudi nogna vetula mana re. Tahati kilo fnaknoni fabrahu mana.

Profet Jeremaea 23:24

Eghume, theome tangomana kaisei naikno ka ghotilo te poru ka tathagu iara na. Naugna iara fodu ka vido te gnafa kligna ba ka nauthoglu pari igne!

Nodi Khoje Hatimare Mae Jiu 27:8

Kate cheke eghu iagho ka iara na, “Mei sagho mala pogho soru ke ulugu iara,” iara na cheke eghu, “Lord, iara thofno keli tagu fara, iara na ari ka iagho.”

Fapea Kronikols 19:3

Neuba, iagho eni unha glepo te keli na. Iagho neke kato soru mumuju gna god gaꞌase Asera, eghuteuna iagho thofno toreni God mala togho nigho.”

Profet Jeremaea 16:17

Iara ginauna eni igne, naugna iara filodi gobigna lepo te edi ghotilora. Puhi te diꞌa igre ghotilo theome tangomana te pophoru ka tathagu iara na, naugna leuleghu fata na iara filodi nakhibomi ghotilore.

Nodi Khoje Hatimare Mae Jiu 102:19

“Lord na au ka namonogna te blahi na kligna mala filo soru kau nauthoglu gne.

Nodi Khoje Hatimare Mae Jiu 11:4

Lord na au ka nogna Sugablahi na. Mana au kligna mala funei frunidi naiknore, eghuteuna tathagna na mana filou ngala ka naiknore. Mana lasedi ngala unha te edi naiknore.

Nodi Khoje Hatimare Mae Jiu 10:4

Mae te diꞌa igne mana tirogna ghatho tahuni God. Mana ne lalasehi thegna neu ne cheke eghu, “God na theome tangomana te lasedi nei nangadi teu puhi najafra teke edi iara re.”

Thoutonu Eigna Mae Job 28:28

Aonu God ne cheke eghu ka tahati, “Ghatho tahuni Lord, igne thofno gaoghatho te keli na. Te mala hatini glalase te keli na, ghotilo thosei eni puhi te diꞌa na.”

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Diutronomi 4:6

Eghuteuna ghotilo mala famane leghudi nei faꞌuvedi eghu vetula igre, eghuteuna ka puhi tuare te mala fakakhana ka keha naiknore te ghaoghatho fakeli fara nei lalase fara teu ghotilo na. Eghuteuna kate nomhidi mare vetula igre mare ginauna cheke eghu, ‘Tutuani fara, naiknodi Israel igre au tadi gaoghatho te keli na nei glalase na eghu!’