Nodi Khoje Hatimare Mae Jiu 52:6 - Buka Blahi Ka Cheke Holo

^6-7 Naikno te keli re ginauna filoni glepo igne na mhaghu nodi fara. Mare ginauna maꞌe nigho iagho na cheke eghu, “Filo si ghotilo ka mae igne. Mana theome fatutuani ni God te mala fakarhini na. Dedei nei puhi te diꞌa teu are kolho te fatutuanidi mana re!”

Nodi Khoje Hatimare Mae Jiu 52:6 ပူးပေါင်းရင်းမြစ်များ

Thoutonu Eigna Mae Job 22:19

Kate paradi God naikno te diꞌa igre, naikno te doglo igre glealeꞌa nei maꞌe eghu ka mare,

Nodi Khoje Hatimare Mae Jiu 40:3

Mana neke farirhiu ghau iara kaisei khoje majaghani mala koje kilofnaknoni ngala God. Kate filoni igne ka iara na kmana naikno ginauna pala hagheni nei fatutuani ni eghu nanghagna Lord.

Nodi Khoje Hatimare Mae Jiu 37:34

Fatutuani ka Lord nei leghudi nogna puhi mana re eghu. Te eghu iagho na, mana ginauna fafnakno nigho iagho, eghuteuna iagho na tangomana te khotogna vido glose teke tusu ari mana ka iagho igne. Eghuteuna iagho ginauna na filoni mana nate kuru teini mae te diꞌa na.

Thakle 18:20

Eghuteuna engel ne cheke eghu, “Gleale'a ka ghotilo te au kligna baludi nogna naikno God ra! Gleale'a ka ghotilo hatimare mae khuru nei hatimare mae profet! Naugna God neke fateni namono igne eidi puhi te diꞌa teke edi naꞌa ka ghotilo ra.”

Thakle 15:4

Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Profet Isaia 37:22

Lord neke cheke eghu, “King Senakerib! Naiknodi Jerusalem igre ginauna maꞌe nigho iagho kate rikha iagho na. Uve, mare ginauna tuatukma nigho iagho.

Nodi Khoje Hatimare Mae Jiu 119:120

Iara thono mhaghu nogu nigho fara ne ngegra thinigu na. Uve, kate ghathoni iara te fateni iagho naikno na, iara ne mhaghu nogu nigho fara.

Nodi Khoje Hatimare Mae Jiu 97:8

Lord God, naiknodi ka namono biꞌo Jerusalem nei naiknodi ka provins Juda teu igre thofno glealeꞌa fara, naugna iagho ne paradi nodi naokare.

Nodi Khoje Hatimare Mae Jiu 64:9

Naikno te gnafare ginauna mhaghu nodi fara ka God. Eghuteuna mare ginauna na ghathoni unha te eni God igne na toutonu eidi nogna gloku mana re.

Profet Malakai 1:5

Mana ne cheke eghu, ‘Ghotilo naiknomi Israel ra ginauna filo tathami glepo te chekedi iara igre. Eghuteuna kate filodi ghotilo glepo igre, ghotilo ginauna cheke eghu: Lord na au nolaghi fateoteo! Mana tangomana jaola te fakakhana nogna nolaghi na ke kosi kantri Israel. ’ ”

Nodi Khoje Hatimare Mae Jiu 120:2

Iara ne cheke eghu ka mana, “Lord God, mei fakarhi ghau ka naikno te chaichaghi nei ka iheire te lase saosagro te mala fakokhoana ghau iara na.”

Proveb 12:19

Cheke te tutuani na au fabrahu. Nu cheke te chaichaghi na theome au raugha kolho.