Nodi Khoje Hatimare Mae Jiu 51:19 - Buka Blahi Ka Cheke Holo

¹⁹ Eghuteuna iagho ginauna keli tamu fara ka buluka te gahu ghehati ka khaꞌaghi te fafara ari ka iagho na. Uve, ghehati ginauna na gahu buluka nalhaꞌudi ke kligna olta mala fafara ari ka iagho, naugna iagho ne togho ghami ghehati.

Nodi Khoje Hatimare Mae Jiu 51:19 ပူးပေါင်းရင်းမြစ်များ

Nodi Khoje Hatimare Mae Jiu 4:5

Ghotilo mala fafara ka Lord jateula te chekeni ka vetula na igne eghu. Eghuteuna fatutuani ni mana.

Profet Malakai 3:3

Eghume mana na jateula tuana eghu na fatedi mae pris igre mala gae, eghuteuna mare ginauna hogri nagnafa mala atha mae pris fafara gano te keli ka puhi te doglo.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Letas Teke Riso Tei Mae Pol Ka Khiloau Rom 12:1

Eghume kheraguro, naugna God ne kokhoni ghami fara, iara tore ghami te mala lisa lao nakarhami are jateula kaisei fafara eghu ka God. Kaisei fafara te karha nei blahi te kelitagnani God. Igne thofno puhi te mala tufru soruni God ghotilo na.

Nodi Khoje Hatimare Mae Jiu 118:27

Lord kolho ngala God te tutuani na, nei mana keli fara ranghi ghita. Eghuteuna ka narane te biꞌo igne ghotilo louloku grege gaju mala tei falithuini olta na.

Fapea Kings 22:19

Iagho neke diꞌanagnafa nei nhaꞌa fapari nigho themu neku ke ulugna Lord kani teke nomhini iagho teke cheke faparini Jerusalem nei naikno gna ra. Iagho neke tanhi ke ulugu iara eidi nakhibomu re, eghuteuna iagho neke rerheku nou pohere kate nomhini iagho eigna namono igne ginauna groꞌe teuna. Tutuani fara, iara la nomhidihi nou tharai ghotilo ra.

Nodi Khoje Hatimare Mae Jiu 34:19

Kmana glepo te diꞌa thoke mei ka nogna naikno Lord re, nu Lord na toghodi mala theome tangomana glepo te diꞌa igre te tapla sorudire.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Profet Isaia 66:2

Iara thegu teke vuavuhadi maloa ghe nauthoglu igre baludi gobigna lepo te au ke lamnadi. “Nu iara keli tagu fara ka nafnata mae te nhaꞌa faparini thegna igne, ba mae te diꞌa nagnafadi nakhibognare, mana thofno ghatho tahu ghau iara, eghuteuna leghuni nogu cheke iara na.