Nodi Khoje Hatimare Mae Jiu 51:18 - Buka Blahi Ka Cheke Holo

¹⁸ God, iagho filo kokhoni ghami ghehati naikno te au ka Thogele Saion. Eghuteuna togho mei ghami ghehati mala fakegra hagheni gringni thina biꞌo Jerusalem.

Nodi Khoje Hatimare Mae Jiu 51:18 ပူးပေါင်းရင်းမြစ်များ

Nodi Khoje Hatimare Mae Jiu 102:16

Lord ginauna fatakleni nogna nolaghi biꞌo na, kate hata fapulo ghita mala teke fapulo ka namono biꞌo Jerusalem.

Filipae 2:13

God na loku balumi ghotilo nei togho ghami ghotilo eghu naugna mana magnahaghei te edi ghotilo unha te magnahaghedi thegna re.

Efesus 1:5

God neke namha ghita nei vahi ghita vuha tifa mala thugna mana ka nogna gloku mae Jisas Kraes. Igne unha te magnahagheni nei gleꞌani teu God na.

Luku 12:32

“Neubane theome nheta ghotilo, thosei mhaghu. Naugna mae Kmami ghotilo na keli tagna fara te snakre ghami ghotilo te mala au ke lamnagna karha te funei frunini mana na.

Fapea Tesalonika 1:11

Naugna igne, ghehati tarai koba eimi ghotilo, nei toreni noda God mala togho ghami nei nabami te au ka nakarha te keli teke kilo ghamihi mana. Eghuteuna ghehati jaola toreni God ka nogna nolaghi mala togho ghami ghotilo mala leghudi gaoghathomi nei loku fahui gloku teke edi ghotilo naugna te fatutuani ni God.

Nodi Khoje Hatimare Mae Jiu 147:2

Lord kela babana fapulo Jerusalem. Uve, mana kela hata fapulo kherada teke sneka teke tei sosolo ka kantri Babilon te khaba fara.

Nodi Khoje Hatimare Mae Jiu 25:22

God, fakarhi ghami ghehati naiknomi Israel, hata fajifla ghami ka puhi biꞌo te au teu ghehati ke lamnadi gre.

Efesus 1:9

Mana neke enihi unha teke ghathoni thegna na. Uve, mana neke falalase ka tahati gaoghatho teke poru teku igne, eigna mana neke kulu ghathoni igne tifa mala kaputu ka mae Jisas Kraes.

Profet Sekaraea 2:5

Iara thegu ginauna gringni thina te mala reireghini namono igne jateula khaꞌaghi te phae ligoho ra eghu. Eghuteuna nogu nolaghi biꞌo iara na ginauna phae lamna ka namono igne.’ ”

Profet Maeka 7:11

Ka narane tuana, ghotilo naiknomi Jerusalem mala ke babana fapulo gringni gna namono igne. Eghuteuna nomi nohi ghotilo gne ginauna nake biꞌo.

Profet Daniel 9:25

“Iagho mala lase fakelini igne. Funu ka narane te jifla mei cheke igne ka hatimare mae profet eigna te mala ke babana fapulo namono biꞌo Jerusalem teku igne ginauna theome faghose ghilei thokeni narane nate vavahi God kaisei mae, eghuteuna ginauna na thokeni phia tutu nheva finogha. Eghuteuna ka narane tuana, mare ginauna nake babana fapulo namono biꞌo Jerusalem, balu nabrou nei vido mala poru teu igre ginauna thokeni fati gobi tolufulu fati finogha. Nu ginauna na kmana puhi biꞌo na thoke mei.

Profet Jeremaea 51:50

Ghotilo maemi Israel te karha nga teura, ghotilo faghose jifla Babilonia! Neuba ghotilo ne au ka vido te khaba fara, te keli na ghotilo ghatho ghau iara Lord, nei ghathoni Jerusalem.” Igne chekegna Lord.

Profet Isaia 62:1

Nogna mae gloku Lord na ne cheke eghu, “Naugna iara namhani fara Jerusalem, iara ginauna na theome au kmu. Iara ginauna tarai fabrahu ghilei thokeni narane Lord nate fadoglidi puhimi nei nakarhami teu ghotilore mala phae jateula naprai hamerane, ba jateula juta biꞌo te phae bongiro ra eghu.

Profet Isaia 58:12

Nomi namono biꞌo ghotilo teke diꞌahi ra, naiknore ginauna nake hohoro ka vido teke au suga tifa ra. Eghuteuna keha naiknore ginauna laseni teke hohoro fapulo ghotilo suga nei nabrou eghu teke diꞌahi igre.”

Profet Isaia 51:3

Iara neke kokhoni noguni namono biꞌo Jerusalem te groꞌe pari igne. Gognarona namono igne jateula namono nagou eghu. Nu iara ginauna edi kmana glepo te keli fara jare jateula nagare Iden eghu. Eghuteuna naikno te au ka namono igne ginauna glealeꞌa fara theome gnafa te koje balu kilo fnakno ghau iara na.

Nodi Khoje Hatimare Mae Jiu 69:35

God ginauna fakarhidi naikno te au ka namono Jerusalem, eghuteuna nake babana fapulo namono te au ka nohi Juda. Nogna naikno mana re ginauna au jare, eghuteuna mare ginauna na khotogna glose tuana.

Nehemaea 2:17

Nu ka narane igne iara ne cheke eghu ka mare, “Ghotilo la lasenihi puhi biꞌo te thoke ghita tahati igne. Gringni thina gna namono Jerusalem igne la nghuja tafri la khoko pari, eghuteuna grengatha igre la gnubrahi ka khaꞌaghi. Tahati nake babana fapulo gringni thina igne, mala theome mamaja noda fabrahu tahati tagna.”

Nodi Khoje Hatimare Mae Jiu 40:7

Kate cheke iagho na, iara eghu, “God, iara gne la meihila. Nou cheke iagho te mala farirhiu ghau iara na la kulu auhi ka nou buka vetula iagho na.

Profet Maeka 6:7

Jame tusu lao kmana thogha sipu tahati ka mana. Ba? Mana ginauna tangomana te glealeꞌa na? Ba jame atha mei kmana oliv oel tahati ka mana. Ba? Mana ginauna tangomana te glealeꞌa na? Jame aknu falehe tahati thuda teke kulu karha re mala tusu lao ka mana. Ba? Fafara tuana tangomana te folidi nakhiboda tahati re? Thono theo fara!