Nodi Khoje Hatimare Mae Jiu 51:15 - Buka Blahi Ka Cheke Holo

¹⁵ Lord, togho ghau iara mala cheke eigna iara magnahaghei te cheke fakeli nigho na.

Nodi Khoje Hatimare Mae Jiu 51:15 ပူးပေါင်းရင်းမြစ်များ

Hibru 13:15

Eghume tahati tangomana te kilo fnaknoni God fabrahu ka unha teke eni mae Jisas. Eghume noda kilo fnakno tahati na jateula kaisei fafara te fafara ka God ia eghu. Eghuteuna tahati fafara ka God kate toutonuni nanghagna mana balu gleale'a.

Nodi Khoje Hatimare Mae Jiu 9:14

Eghume iara gne ginauna kegra haghe ke uludi naiknore ka namono Jerusalem mala toutonudi gobigna lepo teke edi iagho ra. Iara ginauna na eha balu glealeꞌa ka iagho naugna iagho neke fakarhi ghau iara.

Profet Esikiel 29:21

“Ka narane tuana, iara ginauna toghodi naiknodi Israel igre mala rheta fara mare, eghuteuna iara ginauna snakre nigho iagho mae Esikiel mala cheke faheta ka mare, mala tangomana mare te nomhi nigho iagho na. Naugna igne, mare ginauna thofno laseni te iara Lord.”

Nodi Khoje Hatimare Mae Jiu 119:13

Iara ginauna toutonu eidi nou vetula iagho teke chekedi iagho ka ghehati ra.

Profet Esikiel 3:27

Nu ke leghugna igne, kate magnahaghei te cheke iagho ka naiknore, iara ginauna snakre nigho iagho teke cheke na. Iagho ginauna cheke eghu ka mare, ‘Lord ne cheke eghu’ iagho falalase cheke igne thofno nogu cheke iara. Eghuteuna jame iheire te magnahaghei fanomho ka iagho re, mare tangomana te nomhi na. Nu jame iheire te tirodi fanomho re, mare tangomana te tirodi fanomho na naugna naikno igre theome magnahaghei ghau iara koba.”

Eksodas 4:11

Lord ne cheke eghu ka mana, “Ihei teke eni foflogna naikno na? Eghuteuna ihei te mala eni naikno na te mala megli ba te mala theome lase cheke na? Ihei te mala eni naikno na te mala fifilo na, ba te mala dofu na? Iara Lord, iara ngala tangomana te edire glepo igre.

Nonomho Te Keli Teke Risoi Mae Mak 7:34

Eghuteuna mae Jisas filo haghe kligna ne phanga fabiꞌo ne cheke eghu, “Efata!” Gaoghathogna na, “Ke thora silagho!”

Profet Esikiel 16:63

Uve, iara ginauna nake togho nigho mala doglo iagho ka tathagu iara na eidi glepo diꞌa te gnafa teke edi iagho ra, eghuteuna kate ghathodi iagho re, iagho ginauna mamaja nou fara na theome chekeni kaisei glepo. Igne nogu cheke iara Lord God.”

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Matiu 22:12

Mae funei na ne cheke eghu ka mana, ‘Ghema kheraguo, faꞌunha ne mei agne sagho ia? Iagho theome nabamu te mei agne na, naugna iagho ne tirou pipichi pohe gaghamu tolaghi na.’ Aonu, mana ne theome tangomana te cheke tughu ka mae funei na.

Letas Teke Riso Tei Mae Pol Ka Khiloau Rom 3:19

Tahati lasenihi, naikno te gnafa te au ke parigna nogna vetula God na mala leghuni unha te chekeni ka nogna vetula God na. Eghume theo kaisei naikno tangomana te chekeni ne theo nakhibogna teuna, nu God ginauna fatedi naikno te gnafa ka nauthoglu igne.

Jenesis 44:16

Mae Juda ne cheke eghu ka mana, “Mae biꞌo, ghehati theome naba te chekeni ne theome khale ka najafra teuna. Eigna God la fakakhana hi nomi najafra ghehati re. Eghume ghehati te gnafa aro teu ngala nate nou mae gloku iagho na, theome mae Benjamin kolho.”

Profet Esikiel 33:11

Iagho cheke eghu ka naiknodi Israel: Ghotilo naiknomi Israel. Iara cheke fadoglo ari ka ghotilo ka nanghagna nogu Lord God mae ihei te karha te tifa: Iara theome gleꞌa te filodi naikno te diꞌa igre te lehe ka nakhibodi re. Iara magnahaghei te filodi mare teke tughu nagnafa nei koko nakhibo eghu, mala hatini mare thofno nakarha na. Ghotilo naiknomi Israel, fanomho. Ghotilo figri tagru ka puhi te diꞌa te edi ghotilo are mala ke pulo mei ka iara! Naugna unha si ghotilo te magnahaghei lehe gnea?