Nodi Khoje Hatimare Mae Jiu 51:13 - Buka Blahi Ka Cheke Holo

¹³ Eghuteuna iara ginauna farirhiu chekemu iagho na ka naikno te diꞌa puhidi gre mala ke pulo mei ka iagho.

Nodi Khoje Hatimare Mae Jiu 51:13 ပူးပေါင်းရင်းမြစ်များ

Luku 22:32

Nu iara tarai eimu iagho mala theome blogho iagho ka nou fatutuani na. Eghuteuna kate figri mei iagho ka iara na, iagho ke toghodi mae kheramu are mala ke heta fapulo mare nodi fatutuani na ka iara.”

Mae Khuru 15:3

Mae ka khiloau re ne toghodi kate jifladi ka nabrou na. Mare tei ne sala'u ka phei Provins Fonisia nei Samaria, ne toutonu jare eidi iheire te theome Jiu tela fatutuani nihi mae Jisas. Naikno khiloau ka phei provins igre ne gleale'a fara kate nomhini igne.

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Matiu 18:3

Mana ne cheke eghu, “Tutuani fara, te chekeni iara ka ghotilo na. Te theome tughu ghotilo puhimire nei nhaꞌa fapari ghami themi jateula sua teuna, ghotilo ginauna thono theome nabami te au ke lamnadi naikno te funei frunidi God igre.

Profet Jeremaea 31:18

“Iara nomhidihi nodi diꞌanagnafa nei natanhi teu vikegna mae Efrem ra. Mare tanhi ne cheke eghu, ‘Lord, ghehati gne jateula sua buluka mata te theome au snoto ra eghu. Nu iagho para ghami mala leghu nigho. Iagho Lord, nomi God ghehati, atha fapulo ghami ka iagho.

Profet Isaia 6:10

Isaia! Nou cheke iagho igre mare ginauna theome lase fakelidi, eghuteuna na theome nomhi fakeli, eghuteuna na jaola theome laseni kaisei glepo. Ka puhi igne, mare ginauna theome tangomana na teke pulo mei ka iara te mala fakarhidi re.”

Profet Isaia 2:3

Kmana naikno ginauna mei cheke eghu, “Mei, tahati na kafe haghe ka nogna thogele Lord, nogna God mae Jekop. Uve, tahati na ari mala pogho soruni mana ka Sugablahi na. Eghuteuna Lord ginauna farirhiu ghita mala leghuni tahati puhigna mana na.” Uve, mana ginauna eni igne, naugna chekegna Lord na ginauna jifla Jerusalem, eghuteuna mana ginauna farirhiudi naiknore heva heva ka puhigna mana na.

Nodi Khoje Hatimare Mae Jiu 32:5

Nu, Lord, u gaoghathogu na iara magnahaghei te cheke thakledi nakhibogure ka iagho. Eghume, iara neke eni tuana. Ke leghugna te cheke thakledi iara nakhibogure ka iagho na, iara neke theome porudi nakhibogure. Kate cheke thakledi te hui iara re, iagho hata kokodi najafragu nei nakhibogu teu iara re.

Nodi Khoje Hatimare Mae Jiu 25:8

Naugna Lord na mae doglo nei mae keli eghu, mana farirhiudi naikno te diꞌa re mala leghuni puhigna mana na.

Nodi Khoje Hatimare Mae Jiu 22:27

Naikno te gnafa nei kokholo te gnafa teu kau nauthoglu igne ginauna nake pulo mei ka iagho mala tufru soru nigho.

Nodi Khoje Hatimare Mae Jiu 19:7

Nogna vetula Lord na thofno doglo fara, eghuteuna tangomana te tusu mei nakarha majaghani ka tahati. Tahati tangomana te fatutuanidi nogna cheke mana re. Eghuteuna nogna cheke mana igre tangomana te tusu lao gaoghatho te keli ka iheire te theome lalase.

Mae Khuru 13:10

ne cheke eghu ka mana, “Ghema, iagho thugna mae Satan! Iagho tiroudi gobigna lepo te kelire. Eghuteuna iagho fodu salaꞌui ka nafnata puhi te chaichaghi nei puhi te diꞌa nei batu fadiꞌadi naiknore eghu. Iagho leuleghu fata na fadiꞌani koba thofno chekegna Lord na ne jateula te khogla cheke chaichaghira neu kolho.

Nodi Khoje Hatimare Mae Jiu 25:4

Lord, farirhiu ghau mala leghuni iara puhimu iagho na, farirhiu ghau mala laseni iara nakarha te keli na.

Fapea Kings 17:18

Mana thono diꞌatagna fara ka naiknodi Israel, aonu mana khidi mala theome tangomana mare te au rhegna mana na. Vikegna Juda igne kolho te au balugna mana na.

Fapea Kings 17:20

Lord ne thono tirognadi fara naiknodi Israel gre ne paradi mare. Eghuteuna mana ne lisa laodi ka khamedi nodi naokare, ghilei leghu lahu na mana theome magnahaghedi mare te mei namo ka mana na.

Fapea Kings 17:23

ghilei leghu lahu na, Lord ne theome magnahaghedi te mei rhegnai re jateula teke chekedi nogna mae gloku mana hatimare mae profet ra. Aonu armi gna Asiria igne mei ne hata fajifladi ka nodi namono re mala tei au Asiria ka namono aheva te khaba fara, eghuteuna mare au ka kantri igne ghilei mei posa ka narane gognarogne.