Nodi Khoje Hatimare Mae Jiu 50:6 - Buka Blahi Ka Cheke Holo

⁶ Gobigna lepo ka maloa na are cheke thakleni puhigna God te doglo na, eghuteuna mana ngala te tangomana te fateni naikno na.

Nodi Khoje Hatimare Mae Jiu 50:6 ပူးပေါင်းရင်းမြစ်များ

Nodi Khoje Hatimare Mae Jiu 97:6

Thua nafnotu ka maloa na are ne cheke thakleni eigna God te doglo fara na. Eghuteuna naikno te gnafa ka nauthoglu igne filoni nogna nolaghi mana na.

Nodi Khoje Hatimare Mae Jiu 89:5

Lord God, hatimare maedi kligna re, mare koje nei kilo fnakno nigho eghu iagho eidi glepo te keli te edi iagho ra. Uve, hatimare mae engel te blahi, mare koje eigna puhi te keli te tajidi iagho nou nhaꞌa cheke ra.

Nodi Khoje Hatimare Mae Jiu 75:7

Nu kaisei God thegna ngala te tangomana te mala fatedi naikno te gnafare. Mana ngala nate chekeni ihei nate au papara na nei ihei nate theome au papara na teuna.

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Nodi Khoje Hatimare Mae Jiu 9:16

Lord ne falalase puhigna te doglo na kate fatedi mana naiknore. Naikno te diꞌare ne eꞌei puhi mala goigonidi keha naiknore, nu glepo igre nake figri nake goigonidi kolho thedi.

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Fapea Korin 5:10

Tahati laseni, tahati te gnafa na ginau ari kegra ka fate ke ulugna Kraes. Mana ginauna taba ghita hui, leghuni unha teke eni tahati ka nakarhada na kau nauthoglu igne, te keli ba te diꞌa.

Profet Isaia 33:22

Lord na noda king tahati, eghuteuna mana fate ghita ka puhi te doglo. Mana farirhiu ghita nogna vetula re eghuteuna mana ginauna na fakarhi ghita.