Nodi Khoje Hatimare Mae Jiu 50:23 - Buka Blahi Ka Cheke Holo

²³ Mae ihei te cheke fakeli ghau iara na, tuana jateula te fafara eghu ka iara, mana pala hagheni nanghagu iara na. Mae ihei te leghuni chekegu iara na, iara ginauna fakarhini mana.”

Nodi Khoje Hatimare Mae Jiu 50:23 ပူးပေါင်းရင်းမြစ်များ

Nodi Khoje Hatimare Mae Jiu 91:16

Iara ginauna fakarhidi nei tusu ranghidi nakarha te brahu, mala keli tadi mare.”

Nodi Khoje Hatimare Mae Jiu 86:12

God, iagho ngala thofno nogu mae funei iara na. Iara ginau cheke fakeli nigho ka nagnafagu fateote'o na, nei iara ginau pala hagheni fabrahu nanghamu iagho na.

Jemes 3:13

U famane glepo khuakhuda te edi kaisei mae ka ghotilo igre fagaglana gna te kaisei mae glalase tutuani mana na. Eghuteuna kate edi mana glepo te khuakhuda igre, mana na theome tangomana te fahaehagheni thegna na.

Letas Teke Riso Tei Mae Pol Ka Khiloau Rom 12:1

Eghume kheraguro, naugna God ne kokhoni ghami fara, iara tore ghami te mala lisa lao nakarhami are jateula kaisei fafara eghu ka God. Kaisei fafara te karha nei blahi te kelitagnani God. Igne thofno puhi te mala tufru soruni God ghotilo na.

Nodi Khoje Hatimare Mae Jiu 25:14

Lord, iagho kheradi iheire te leghu nigho iagho re. Iagho farerheta u nhaꞌa cheke teke eni iagho ka mae ku'emi tifa ra.

Profet Isaia 12:2

Tutuani! Lord na nogu God iara, eghuteuna mana neke fakarhi ghau iara. Iara fatutuani ni mana, eghuteuna iara ginauna theome mhaghu. Lord na farheta ghau iara, eghuteuna iara tangomana te koje ka mana na. Eghuteuna gognarona mana fakarhi ghau iara.”

Mae Khuru 13:26

“Uve, kheraguro, ghotilo vikegna mae Ebraham, nei ghotilo naikno te theome Jiu te mei ka tharai te mala pogho soru ranghini God ra, fanomho fakeli ka iara! Te laseni tahati na God neke snakre meini u Nonomho te Keli eigna u thofno karha igne ka tahati.

Filipae 1:27

Uve, glepo te ulu na puhimi ghotilo re mala leghuni nogna Nonomho te Keli mae Jisas Kraes. Eghume neubane mei iara ne sigho ghami ba ne tei koko ghami, iara ginauna nomhidi thoutonu te keli eimi ghotilo re. Iara magnahaghei te nomhi ghami ghotilo te kaisei nomi gaoghatho ngala nei kegra maku ka nomi fatutuani na ka mae Jisas Kraes.

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.

Luku 2:30

Naugna mae teke vavahi iagho mala fakarhidi naikno te gnafare, gognaro iara la thofno filonihi ka tathagu na.

Nodi Khoje Hatimare Mae Jiu 85:13

Tahati ginauna kulu fadoglighu puhidare eghuteuna ka puhi igne tahati na tangomana te kaikaliti u nabrou malagna God.

Galesia 1:24

Eghuteuna naikno khiloaure ne kilo fnaknoni God eigna unha te eni mana ka iara na.

Nodi Khoje Hatimare Mae Jiu 86:9

Iagho neke vuavuha naikno te au ka kantri te igre. Mare ginau mei pogho soru ka iagho mala cheke fakelini nanghamu iagho na.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Ululahu Pita 1:15

God mae ihei teke vahi ghami ghotilo na mana blahi fara. Eghume, jateula tuana eghu ghotilo mala au blahi ka unha fateo te edi ghotilo re.

Galesia 6:16

Iara toreni God mala tusu lao pharikeli nei lolokeli ka iheire te leghuni gaoghatho igne nei ka iheire te gnafa te thofno nogna naikno God.

Letas Teke Riso Tei Mae Pol Ka Khiloau Rom 15:9

Jaola mana neke eni igne mala tangomana naikno te theome Jiure te kilo fnaknoni God eigna God neke kokhonidi mare. Jateula te chekeni mare ka grioriso te blahi na, “Eghume iara ginauna cheke fakeli nigho God ke lamnadi iheire te theome Jiura, iara ginauna koje ka nanghamu iagho.”

Letas Teke Riso Tei Mae Pol Ka Khiloau Rom 15:6

Ka puhi igne, ghotilo te gnafa na ginauna mala kaisei nagnafa ngala mala kilo fnaknoni God Kmagna noda Lord Jisas Kraes.

Nodi Khoje Hatimare Mae Jiu 85:9

Tutuani fara, God na kaikaliti fabrahu te mala fakarhidi iheire te ghatho tahuni mana na, eghume tahati ginauna filoni nogna nolaghi mana te mala fakarhi ghita tahati naikno te au ka kantri igne.

Mae Khuru 11:14

Mana ginauna na cheke ranghi nigho iagho. Glepo te chekedi mana re ginauna na fakarhi nigho nei tharaknamu tongana na.’

Profet Isaia 45:17

Nu iagho ginauna fakarhi ghami ghehati fabrahu, eghuteuna ghehati ginauna na theome mamaja.

Nodi Khoje Hatimare Mae Jiu 27:6

Eghume iara ginauna na tapla ke klignadi hatimare mae naoka te mei bara falithui ghau re. Iara ginauna na fafara ka sugagna Lord na balu eha glealeꞌa. Iara ginauna koje mala pala hagheni nanghagna mana na.

Nodi Khoje Hatimare Mae Jiu 22:23

Iara ginauna na cheke eghu, “Ghotilo maemi Israel, vikegna mae Jekop te ghatho tahuni nei pogho soruni teu God ra. Ghotilo mala cheke fakelini mana.

Profet Isaia 49:6

eghuteuna mana ne cheke eghu ka iara, ‘Iagho ginauna toghodi vikegna Israel te karha teu igre, mala ke rheta fapulo jateula teke ululahu ra eghu. Nu iara au gloku malamu iagho te biꞌo te salaꞌui fara. Iara ginauna vahi nigho iagho mala jateula juta eghu ranghidi keha kantri are, eghuteuna nogu nolaghi iara na te mala fakarhidi naiknore, mala tei posa ka vido te gnafa ka nauthoglu igne.’ ”

Nodi Khoje Hatimare Mae Jiu 34:5

Iheire te au diꞌanagnafa nu au nodi fatutuani ka Lord teure, mare kelitadi fara. Eghume nodi fatutuani re theome tangomana te fiti luvu kolho na.

Nodi Khoje Hatimare Mae Jiu 120:1

Kate au teu iara ka hoholo na, iara ne ehani Lord God, aonu mana ne cheke tughu ka iara.