Nodi Khoje Hatimare Mae Jiu 50:22 - Buka Blahi Ka Cheke Holo

²² “Ghotilo naikno te ghatho iho ghau iara ra, ghotilo fanomho fakeli ka gobigna lepo igre. Te theo ghotilo na, iara ginauna na fadidiꞌa ghami ghotilo, eghuteuna ginauna na theo kaisei mae te nabagna te mala fakarhi ghami ghotilo na.

Nodi Khoje Hatimare Mae Jiu 50:22 ပူးပေါင်းရင်းမြစ်များ

Thoutonu Eigna Mae Job 8:13

Jateula tuana eghu iheire te theome ghathoni God. Mare ginauna jaola ghosei lehe jateula nafnata buburu igre eghu. Eghuteuna iheire te tei kokoni God igre, ginauna na jaola ghosei lehe jateula nafnata buburu te theo khoꞌu igre eghu.

Nodi Khoje Hatimare Mae Jiu 9:17

Naikno te diꞌa te figri tagruni God teu are ginauna tei ka namonodi naikno tela lehehira mala luvu fabrahu kolho jare.

Profet Hosia 4:6

“Uve, iara ginauna paradi nogu naiknore, naugna naikno igre ne theome filo glani ghau iara te nodi God mare na. Eghuteuna ghotilo mae pris ra, jaola tiromi fanomho nei leghudi eghu nogu farirhiu iara re. Naugna igne, iara theome magnahaghei ghami ghotilo mae pris igre. Eghuteuna iara jaola theome magnahagheidi thumi nalhaꞌu ghotilore te mala nogu mae pris iara na.

Nodi Khoje Hatimare Mae Jiu 7:2

Jame te theo iagho na, mare ginauna na jateula lion eghu pala ghau tei ka vido aheva te theo kaisei naikno te mala fakarhi ghau iara na. Ka vido tuana mare ginauna na kina sasakani u thinigu iara na.

Profet Hosia 13:8

Iara ginauna na jateula bea te diꞌatagna te kathu sasaka glepo te tautagu te mei te blau thugna ra eghu ka ghotilo. Eghuteuna iara ginauna na kafe falehe ghami ghotilo hui jateula lion te faleheni buluka biꞌo na te ghamu fahui ia eghu.

Profet Jeremaea 2:32

Ba, gaꞌase te jifla kokoni nogna suga na te mala tolaghi na, naꞌa tangomana te ghatho ihodi nogna famane pohe nei khome teure? Theo fara! Nu ghotilo nogu naikno iara gre, ghotilo ghatho iho ghau iara fabrahu.

Diutronomi 32:18

Ghotilo tei kokoni God mae ihei teke vuavuha ghami nei nomi vido keli mala poru ghotilo. Mana neke tusu ranghi ghami nakarha. Mana tusu ari nakarha ka ghotilo, nu ghotilo ghatho ihoni mana.

Profet Emos 2:14

Ka narane igne, mae te lase chari ra, ginauna theome tangomana te rikha na. Mae te nhetara ginauna nigra theome tangomana te fakarhidi thedi na.

Profet Isaia 51:13

Ghotilo theome lase ghau iara sia? Iara ngala mae ihei teke vuavuha ghami ghotilo na. Iara neke lilisei maloa ghe nauthoglu igre ka thofno mala audire. Naugna unha si ghotilo te mhaghudi fara naikno te para ghami nei tarabana mala goigoni ghami teu igrea? Diꞌa tadi mare igre ginauna theome thoke ghami ghotilo.

Nodi Khoje Hatimare Mae Jiu 10:4

Mae te diꞌa igne mana tirogna ghatho tahuni God. Mana ne lalasehi thegna neu ne cheke eghu, “God na theome tangomana te lasedi nei nangadi teu puhi najafra teke edi iara re.”

Fapea Samuel 22:42

Mare tanhi thotogho, nu theo kaisei te fakarhidire. Mare tanhi ari ka iagho Lord, nu iagho neke theome fanomho kolho ka mare.

Luku 15:17

“Kate au papara tuana neke pulo mei nga gaoghatho te keli na ka mana. Mana ne ghaoghatho eghu, ‘Tore! Nogna mae gloku mae mama ra au ghedi kmana gano. Nu iara na au glehe rofo teu ao.

Profet Hagae 1:5

“Ghotilo jame filo glanidi ka unha te thoke ghami are.

Profet Esikiel 18:28

Naugna mana ne filo glanidi nakhibogna re, eghuteuna mana tirognani puhi te diꞌa na, eghuteuna mana ginauna theome lehe.

Profet Maeka 5:8

Naikno teke au faleghu Israel igre ginauna kate au rheta farihoteidi naikno te jateula lion te tei hiro glepo tautagu mata ba sipu ka sare mala ghamu. Kate dedi sipu igre, naꞌa gasa kolho tei kathu sasakadi, eghuteuna theo kaisei naikno tangomana te fakarhidi re.

Profet Hosia 5:14

Iara ginauna kafe goigonidi gnafa naiknodi phei kantri Israel ghe Juda. Jateula lion te kina sasaka te ghamu thinigna buluka biꞌo na ia eghu. Eghuteuna ginauna na theo kaisei naikno nate fakarhidi ka narane nate hata fajifladi iara ka phei kantri igre.

Eklesiasti 7:14

Kate keli gobigna lepore ka nakarhamu na, iagho mala gleale'a. Nu kate theome keli gobigna lepore, iagho mala laseni igne, eigna God neke tusu ranghi nigho narane te keli nei narane te diꞌa. Eghume, tahati theome laseni unha nate thoke mei ke leghugna te lehe tahati na.

Diutronomi 32:39

“ ‘Filo si ghotilo. Iara kolho God te tutuani na! Jare na theo kaisei god te au na! Iara tangomana te faleheni naikno na, nei tangomana te fakarhini naikno na. Iara tangomana te faghorehoni naikno na, nei tangomana teke fakeli fapuloni naikno na. Theo kaisei naikno tangomana te fanograni unha te eni iara na.

Thoutonu Eigna Mae Job 10:7

Iagho lasenihi te theome eni iara kaisei glepo te diꞌa na. Eghuteuna iagho jaola laseni te theo kaisei naikno te tangomana nate fakarhi ghau iara ka nou nolaghi iagho na.

Nodi Khoje Hatimare Mae Jiu 9:18

Naikno te au kuma gognaro gre ginauna nake gleale'au. Naugna God ginauna nake toghodiu. Eghuteuna naikno te lisei faparidi thedire God ginauna nake pala haghedi kligna.