Nodi Khoje Hatimare Mae Jiu 50:10 - Buka Blahi Ka Cheke Holo

¹⁰ Gobigna lepo te au ka namhata na are nogu iara, buluka te au ka nhebei thogha thogele na are nogu iara.

Nodi Khoje Hatimare Mae Jiu 50:10 ပူးပေါင်းရင်းမြစ်များ

Profet Jona 4:11

Gaju te kokhoni nouni iagho igne thono ikoi fara. Nu namono Ninive igne thono biꞌo fara, salaꞌuni kaisei gobi varadaki thogha naikno te au tagna na. Gaoghathodire jateula sua te theome laseni unha te keli ba unha te diꞌa teura eghu, eghuteuna kmana buluka jaola au ke lamnagna namono biꞌo igne. Ba, te ghathoni iagho na theome naba iara te mala kokhonidire?”

Nodi Khoje Hatimare Mae Jiu 104:14

Iagho neke eni neke kotu buburu gre mala ghamu buluka, nei gano malagna naikno. Aonu naiknore ne au ghedi waen nei oliv oel te mala keli thinidire nei bret mala ima te nheta na.

Profet Daniel 2:38

God neke vahi nigho iagho mala funei frunidi naikno te gnafa, buluka te gnafa, nei nanghaji te gnafa, teu te karha ka nauthoglu igne. Iagho jateula phaꞌugna eghu mumuju teke hohoro ka gol igne.

Jenesis 31:9

Aonu God ne hata nogna sipu nei nanigot teu mae kmami ghopa ra ne kafe tusu mei ka iara.

Jenesis 8:17

Hata jifla balumi glepo tautagu te gnafa nei nanghaji te gnafa teu te au ka vaka na igne. Thua nafnata glepo igre ginauna na kmana thudi nei ginauna na vuragha e thovu ka nauthoglu igne eghu.”

Jenesis 2:19

God hata glose ne vuavuha glepo te tautagu te gnafa ka nauthoglu na igre nei nanghaji te gnafa teu te au ka maloa na igre. God hata ne mei ka mae nalhaꞌu na mala fangangha mana. Unha nangha te lilisei lao mana ka soasopai gna glepo te tautagu ba ka nanghaji teu igre na, tuare ngala nanghadire. Nu mae Adam ne theome filoni kaisei kheragna te mala toghoni na.

Nodi Khoje Hatimare Mae Jiu 24:1

Nauthoglu nei thua nafnotu fateo te au ke lamnagna igre nogna Lord, eghuteuna naikno te au tagna re jaola nogna mana.