Nodi Khoje Hatimare Mae Jiu 50:1 - Buka Blahi Ka Cheke Holo

¹ Noda Lord God te thofno nolaghi fara. Mana te kilo meidi naikno te gnafa ka nauthoglu igne funu maghati posa ke mosu.

Nodi Khoje Hatimare Mae Jiu 50:1 ပူးပေါင်းရင်းမြစ်များ

Nodi Khoje Hatimare Mae Jiu 113:3

Tahati hui mala kilo fnaknoni nanghagna Lord funu ke maghati tei posa ke mosu.

Matiu 25:32

Naiknodi namono fateo heva heva ka nauthoglu igne ginauna kafe khapru mei ke ulugu iara. Eghuteuna iara ginauna fofota naikno igre ka phei tothoghei jateula mae greireghi sipu te fofota sipure ka nanigot ra eghu.

Josua 22:22

“Lord kolho te thofno God na! Lord, God mae ihei te au nolaghi fateote'o igne, mana tangomana te lasedi unha te edi ghehati re! Eghuteuna ghotilo tangomana te laseni jame te huhughuni ghehati Lord, nei theome fatutuani ni mana teuna, jame te keli na ghotilo falehe ghami ghehati kolho!

Profet Emos 3:8

Kate eha fabiꞌo lion na, mae te nomhini igne ginauna mhaghu nogna fara. Eghuteuna kate cheke fabiꞌo Lord na, mae te nomhi chekegna mana igne ginauna cheke fajiflani chekegna mana na.

Profet Isaia 1:2

Lord ne cheke faheta eghu, “Ghopa maloa ghe nauthoglu ra! Ghopa fanomho mei ka nogu cheke iara igre! Funu ka narane te ikodi teku thugu iara igre, iara neke reireghi fakelidi, nu gognarona mare tirodi fanomho ka nogu cheke iara re.

Nehemaea 9:6

Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Profet Jeremaea 10:6

Lord, theo kaisei god te jateula iagho teuna! Nanghamu iagho na fnakno fara kligna lahu, eghuteuna iagho au nolaghi fateote'o.

Profet Isaia 54:5

Naugna iara jateula mae tholaghi eghu ka ghotilo, naugna iara neke vuavuha ghami ghotilo. Nanghagu iara na Lord, mae ihei te au nolaghi fateote'o. Eghuteuna iara nodi God te blahi mae Israel mae ihei te atha fasnagla ghami nei funei frunidi naikno te gnafa ka nauthoglu igne.

Profet Isaia 37:20

Nu iagho Lord, iagho nomi God ghehati mae Israel. Fakarhi ghami ka nodi nolaghi maedi Asiria, eghuteuna naikno te gnafa ka kantri te gnafa ka nauthoglu igne ginauna lase nigho iagho te kaisei iagho ngala God na.”

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Nodi Khoje Hatimare Mae Jiu 83:1

God, thosei au kmu jare jateula tuana eghu!

Nodi Khoje Hatimare Mae Jiu 73:1

Tutuani fara, God na keli fara ka tahati naiknoda Israel, eigna gaoghathoda tahatire thofno gae fara.

Nehemaea 9:32

“Nomi God, iagho fnakno fara nei au nolaghi biꞌo fateote'o, eghume ghehati mhaghu nomi te mei namo ka iagho na. Leuleghu fata na iagho tajini nou nhaꞌa cheke na neke ghatho tahu ghami ghehati. Funu ka narane teke mei king di Asiria teke goigoni ghami ghehati te ghilei mei posa ka narane gognarogne, ghehati au papara fara. Nomi king, nomi lida, nomi pris, nomi profet, nei kuꞌemi teku ghehati tifa ra, ghehati te gnafa na neke kafe au papara fara. Eghume puhi biꞌo igne theome tei koko ghami ghehati ghilei mei posa gognarogne.

Fapea Kronikols 29:30

King Hesekaea baludi nogna goro mae biꞌore ne chekedi hatimare mae Livaet mala kojeni khoje teke rioriso King Devet ghe Profet Asaf. Aonu mare ne glealeꞌa fara te cheke fakelini Lord ka khoje igre, eghuteuna mare ne theome gnafa te pogho soru nei cheke fakelini Lord.

Ululahu Kronikols 25:6

Mae igre loku ke parigna mae Heman, eghuteuna mare belo nei lalahu thua nafnata gita ka narane te tarai mare ka God ka nogna Sugablahi Lord na. Thilo mae igre loku ke parigna king: Mae Asaf, mae Heman nei mae Jedutun.

Ululahu Kronikols 25:2

Fati thugna nalhaꞌu mae Asaf te au ka tothoghei ulu lahu na igre: Mae Sakua, mae Josef, mae Netanaea nei mae Asarela. Mae igre loku ke parigna mae Asaf. Mare ragi nei koje mala cheke fakelini God kate cheke king ka mare na.

Ululahu Kronikols 16:37

King Devet ne vahini mae Asaf baludi vikegna mana re mala baubatu fei tharai ka vido aheva te au nogna Bokis Nhaꞌa Cheke Lord na. Mae igre eni nodi gloku na ka vido igne leghu rane.

Ululahu Kronikols 15:17

Nanghadi mare re igre: Mae Heman, thugna mae Joel, eghuteuna mae Asaf, thugna mae Berekaea, eghuteuna mae Etan, thugna mae Kusaea ka vikegna mae Merari, thilo mae igre mala lalahu ka babuban. Mare vahidi mae Sekaraea, mae Jasiel, mae Semiramot, mae Jehiel, mae Uni, mae Eliab, mae Masea, mae Benaea mala lalahu ka khodili leghuni naoglagna glepo te kiloni mare Alamot. Te mala lalahu ka gita biꞌo igre te mala leghuni naoglagna glepo te kiloni mare Seminit igne, mare ne vahidi mae Matitaea, mae Elifelehu, mae Miknea nei mae Asasaea, eghuteuna mae Obed-Idom ghe mae Jel phia mae mala reireghigna Sugablahi na.

Ululahu Kings 18:21

Profet Elija kegra ke uludi naiknore ne cheke eghu, “Niha fata au tami si ghotilo phei nafnata gaoghatho igre ia? Jame Lord gne te God tutuani na, leghuni mana, nu jame Baal gne te god tutuani na, leghuni mana.” Nu naiknore ne theome ghagri kaisei cheke.

Jenesis 17:1

Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Ululahu Kronikols 6:24

eghuteuna mae Asiri gne neke kmagna mae Tahat, eghuteuna mae Tahat gne neke kmagna mae Uriel, eghuteuna mae Uriel gne neke kmagna mae Iusaea, eghuteuna mae Iusaea gne neke kmagna mae Saol.

Nodi Khoje Hatimare Mae Jiu 74:1

God, naugna unha sagho te figri tagru ghami ghehati gnea? Ghehati gne jateula nou sipu eghu iagho kolho! Ba? Iagho ginauna diꞌatamu fabrahu ka ghehati sia?

Nodi Khoje Hatimare Mae Jiu 75:1

God ghehati thofno tegio nigho nei cheke fakeli nigho eghu fabrahu. Ghehati jaola cheke thakleni nou nafnakno iagho na, nei toutonudi gloku te keli eghu teke edi iagho ra.

Nodi Khoje Hatimare Mae Jiu 76:1

Naiknodi Juda mare thofno laseni God. Eghuteuna naiknodi Israel mare thofno ghatho tahuni nanghagna mana na.

Nodi Khoje Hatimare Mae Jiu 77:1

Iara tanhi fabiꞌo ka God. Iara magnahagheni mana te nomhidi nogu tharai re.

Nodi Khoje Hatimare Mae Jiu 78:1

Ghotilo nogu naikno iara ra fanomho mei ka nogu farirhiu iara gre. Uve, ghotilo famane fanomho fakeli mei ka unha nate chekedi iara gre.

Nodi Khoje Hatimare Mae Jiu 79:1

God, naikno bongihehe igre la ruma mei hila ka kantri mala nomi ghehati teku iagho igne. Uve, mare la mei goigonihila nou Sugablahi iagho gne, eghuteuna mare la fadidiꞌa hila namono biꞌo Jerusalem.

Nodi Khoje Hatimare Mae Jiu 80:1

God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.

Nodi Khoje Hatimare Mae Jiu 81:1

Tahati glealeꞌa nei eha fabiꞌo lao eghu ka God nogna Jekop. Uve, tahati koje fabiꞌo mala kilo fnaknoni God, naugna mana neke batu ghita.

Nodi Khoje Hatimare Mae Jiu 82:1

God na eni kaisei faidu biꞌo kligna, eghuteuna mana na fatedi hatimare mae engel te jateula god teu te khapru faligohoni teu mana jare na.