Nodi Khoje Hatimare Mae Jiu 5:9 - Buka Blahi Ka Cheke Holo

⁹ God, nogu naoka iara gre nodi chekere theome tutuani kolho. Unha te ghathoni mare na mala goigonidi keha naiknore kolho. Nodi chekere famane mamahe fara jateula suka eghu. Nu thiꞌadire fodu ka saosagro nei falehe naikno eghu.

Nodi Khoje Hatimare Mae Jiu 5:9 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 3:13

“Unha te chekeni mare na, naiknore nabadi na mala lehe.” “Naugna mare cheke chaichaghi koba nei chekedire jateula mogo neu ne goigonidi naiknore.”

Nodi Khoje Hatimare Mae Jiu 62:4

Ghotilo jame magnahagheni kolho te tapla soru ghau iara te mala diꞌa iara nanghagu na. Tutuani fara, ghotilo magnahaghei fara te cheke chaichaghi na eigu iara ka keha naiknore, nu kate au balugu iara na nomi cheke ghotilo re e thofno keli fara. Ghotilo chekedi cheke te keli fara ka naiknore. Nu ka gaoghathomi ghotilore cheke eghu meu agne eghu, “Tahati magnahagheni kaisei fogra biꞌo te thokeni mana.”

Profet Maeka 6:12

Leuleghu fata na naikno te dedei fara ka kantri igne theome gnafa te thofno chaghidi tafri fabrahu naikno te kuma. Naikno te gnafa igre theome cheke kate tutuani nu mare chaghi kolho.

Proveb 29:5

Mae ihei te chaghini nei famaemaheni teu mae kheragna fofodu na, mana jateula te lilisei phighoro mala fakhaleni mae kheragna fofodu na tura eghu.

Nodi Khoje Hatimare Mae Jiu 51:6

Iagho magnahagheni fara naikno te cheke kate tutuani na. Eghume, iara magnahaghei nigho iagho te fafodu mei gaoghatho te keli ka iara.

Luku 11:44

“Puhi biꞌo ka ghotilo, mae Farasi ra! Naugna ghotilo jateula beku te theome fagaglana te theome laseni te tathapla naikno ra eghu.”

Nodi Khoje Hatimare Mae Jiu 52:2

Iagho kaisei mae chaichaghi fara. Foflomu iagho na jateula kaisei bled te fnonu fara eghu goigoni ni fara keha naikno na ka narane te ghathoni teu iagho puhi te mala goigoni ni keha naikno na.

Profet Jeremaea 17:9

Ihei te lase fakelini gaoghathogna naikno na? Gaoghathogna naikno na jateula kaisei fogra biꞌo te theome tangomana kaisei naikno teke famafoni ra eghu. Thiꞌagna naikno na fodu ka chaichaghi. Ihei te lase fakelini nagnafagna naikno na?

Profet Jeremaea 4:14

Ghotilo naiknomi Jerusalem, niha nau ame tughu nakarha nga eghu si ghotilo ia? Koko si ghotilo puhimi te diꞌare mala ke au klino, eghuteuna God ginauna na fakarhi ghami ghotilo.

Nodi Khoje Hatimare Mae Jiu 64:6

Mare neke fagroghei ne ke edi keha puhi te diꞌa, ne cheke eghu, “U gaoghatho te eni tahati igne thofno keli fara. Ginauna na theo kaisei naikno nate laseni na puhi igne!” Tutuani fara, tahati theome tangomana te laseni unha te poru teu ka gaoghathogna nei thiꞌagna teu naikno na.

Nodi Khoje Hatimare Mae Jiu 62:9

Naikno gre jateula nuinuri te jifla mei ka foflogna naikno na nu tei la dofini la teu ia eghu kolho. Naikno te fnakno nei fiti naikno kolho teugre kaisei nanaba ngala, kafe theo nafudi kolho ka tathagna God. Jame fagefe haghedi ghotilo ka skel meuna, mare na jateula nuri eghu theome tahu kolho.

Ululahu Tesalonika 2:5

Ghotilo laseni igne, ghehati theome cheke famaemahe mala hata ghami ghotilo, ba saosagro mala hata sileni ka ghotilo. Theo. Ghehati theome poruni khiri na ka ghotilo, God laseni igne tutuani fara.

Luku 11:39

Mae Jisas ne cheke eghu ka mana, “Ghotilo mae Farasi gre nanga nomini kolho te mala fagagae ke kosidi kapu nei tapera teu gre. Nu ke lamnadi nagnafamire, ghotilo fodu ka mamagna nei gaoghatho te diꞌa.

Esra 8:21

Kate au teu ghehati ka gerigna khoꞌu biꞌo Ahava igne, iara ne cheke ka mae iheire te khapru teu ka vido igne mala thosei ghamu nei nhaꞌa fapari ghami themi ke ulugna God. Eghuteuna ghehati toreni mana mala batu ghami ka nabrou na nei reireghi fakelidi thumi nei nomi gobigna lepore.

Nodi Khoje Hatimare Mae Jiu 27:11

Lord, farirhiu ghau puhimu iagho na eghuteuna iara ginauna na leghu nigho iagho. Bara fothi ghau, naugna nogu naoka iara gre kmana fara.

Nodi Khoje Hatimare Mae Jiu 69:19

Iagho lasenihi te cheke fapari ghau iara mae igre. Uve, mare la cheke faparinihi nanghagu iara na, nei mare famamaja ghau iara gognaro na. Iagho lasedihi nogu naoka iara gre.

Profet Isaia 26:7

Lord, iagho thofno doglo fara. Eghuteuna leuleghu fata na iagho fadoglidi fabrahu puhidi nou naiknore, eghuteuna iagho jaola ei fabligi fabrahu nakarhadi nou naiknore.